Mangala Jyothi

Diocesan Biblical, Catechetical and Liturgical Center
Diocese of Mangalore

Mangala Jyothi

Diocesan Biblical, Catechetical and Liturgical Center
Diocese of Mangalore

Select a date

ಅಕ್ತೋಬರ್ 27 – ಸಾಧ್ಯಾ ಕಾಳಾಚೊ ತಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಜೆರೆಮಿಯಾ 31:7-9 ಕಿತ್ಯಾಕ್ ಸರ್ವೆಸ್ಪರ್ ಆಶೆಂ ಮ್ಹಣ್ತಾ: ಜಾಕೊಬಾ ಪಾಸತ್ ಉಲ್ಲಾಸುನ್ ಬೋಬ್ ಮಾರಾ! ರಾಷ್ಟ್ರಾಂಚ್ಯಾ ಫುಡಾರ್ಯಾ ಪಾಸತ್ ತಾಳೆ ಉಬಾರಾ! ಪರ್ಗಟ್ ಕರಾ! ಸ್ತುತಿ ಕರಾ! ಬೋಬ್ ಮಾರಾ! ಸರ್ವೆಸ್ಪರಾನ್ ಆಪ್ಲೆ ಪರ್ಜೆಚಿ, ಇಸ್ರಾಯೆಲಾಚ್ಯಾ ಉರ್ಲಲ್ಯಾ ಲೊಕಾಚಿ ಸೊಡ್ವಣ್ ಕೆಲ್ಯಾ. ಪಳೆಯಾ, ಉತ್ತರೆಚ್ಯಾ ದೆಶಾಂತ್ಲಿಂ ಹಾಂವ್ ತಾಂಕಾಂ ಪರ್ತುನ್ ಹಾಡ್ತಲೊಂ; ಪೃಥ್ವೆಚ್ಯಾ ಪಯ್ಶಿಲ್ಯಾ ಶಿಮಾಂ ಥಾವ್ನ್ ಹಾಂವ್ ತಾಂಕಾಂ ಎಕ್ಟಾಂಯ್ ಕರ್ತಲೊಂ, ತಾಂಚೆ ಮಧೆಂ ಕುರ್ಡಿಂ ಆನಿ ಥೊಂಟಿಂ, ಗರ್ಭೆಸ್ತ್ ತಶೆಂ ಪ್ರಸೂತ್ಪಣಾಕ್ ಪಾವ್ಲಲ್ಯೊ ಸ್ತ್ರೀಯೊ; ಏಕ್ ವ್ಹಡ್ಲೊ ಜಮೊ ಹಾಂಗಾ ಪರ್ತುನ್ ಯೆತಲೊ. ದುಖಾಂ ಗಳೊವ್ನ್ ತಿಂ ಭಾಯ್ರ್ ಸರ್ತಲಿಂ, ಬುಜ್ವಣ್ ದಿವ್ನ್ ಹಾಂವ್ ತಾಂಕಾಂ ಪರ್ತುನ್ ಹಾಡ್ತಲೊಂ. ತಿಂ ಆದ್ಳೊನ್ ಪಡನಾಂತ್ ತಸಲ್ಯಾ ಸರಳ್ ಮಾರ್ಗಾ ವಯ್ಲ್ಯಾನ್ ಹಾಂವ್ ತಾಂಕಾಂ ಉದ್ಕಾಚ್ಯಾ ವ್ಹಾಳಾಶಿಂ ವ್ಹರ್ತಲೊಂ, ಕಿತ್ಯಾಕ್ ಇಸ್ರಾಯೆಲಾಕ್ ಹಾಂವ್ ಏಕ್ ಬಾಪುಯ್ ಆನಿ ಎಫ್ರಾಯಿಮ್ ಮ್ಹಜೊ ಮಾಲ್ಗಡೊ ಪೂತ್.

ಅಕ್ತೋಬರ್ 27 – ಸಾಧ್ಯಾ ಕಾಳಾಚೊ ತಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 126 ಶ್ಲೋಕ್: ಸರ್ವೆಸ್ಪರಾನ್ ಆಮ್ಚ್ಯೆ ಖಾತಿರ್ ವಿಚಿತ್ರಾಂ ಕೆಲ್ಯಾಂತ್, ದೆಕುನ್ ಆಮಿ ಸಂತೊಸ್‍ಭರಿತ್ ಜಾಲ್ಯಾಂವ್. 1. ಗುಲಾಮ್‍ಪಣಾಂತ್ ಆಸ್ಲಲ್ಯಾ ಆಮ್ಕಾಂ ಸರ್ವೆಸ್ಪರಾನ್ ಪತ್ರ್ಯಾನ್ ಸಿಯೊನಾಕ್ ಹಾಡ್ಲಿ ತೆದ್ನಾ ಆಮ್ಕಾಂ ತೆಂ ಸ್ವಪಣ್‍ಶೆಂ ದಿಸ್ಲೆಂ, ತೆದ್ನಾ ಆಮ್ಚ್ಯಾ ತೊಂಡಾರ್ ಖೆಳ್ತಾಲೊ ಹಾಸೊ ಆನಿ ಆಮ್ಚ್ಯಾ ಓಂಠಾಂನಿ ವ್ಹಾಳ್ತಾಲಿಂ ಗಿತಾಂ. 2. ಅನ್ಭಾವಾರ್ಥಿ ಲೆಗುನ್ ಮ್ಹಣುಂಕ್ ಲಾಗ್ಲೆ: “ಕಸ್ಲಿಂ ಅಜಾಪಾಂ ಸರ್ವೆಸ್ಪರಾನ್ ತಾಂಚ್ಯೆ ಖಾತಿರ್ ಕೆಲಿಂನಾಂತ್!” ವ್ಹಯ್, ಸರ್ವೆಸ್ಪರಾನ್ ಆಮ್ಚ್ಯೆ ಖಾತಿರ್ ವಿಚಿತ್ರಾಂ ಕೆಲ್ಯಾಂತ್, ದೆಕುನ್ ಆಮಿ ಸಂತೊಸ್‍ಭರಿತ್ ಜಾಲ್ಯಾಂವ್. 3. ಜಶೆಂ ನೆಗೆಬಾಂತ್ ಉದ್ಕಾಚೆ ತೋಡ್ ನವ್ಯಾನ್ ವ್ಹಾಳ್ತಾತ್, ತಶೆಂ ಆಮ್ಚ್ಯಾ ಗುಲಾಮಾಂಕ್ ಪತ್ರ್ಯಾನ್ ಪಾಟಿಂ ಹಾಡ್, ಸರ್ವೆಸ್ಪರಾ. ರಡ್ಣ್ಯಾ ರುದನಾಂನಿ ಒಂಪ್ತಾತ್ ತಿಂ ಗಾಯನ್ ಗಿತಾಂನಿ ಕರ್ತಾತ್ ಲುಂವ್ಣಿ! 4. ವೆತಾಂ ವೆತಾಂ ದುಖಾಂ ಗಳೊವ್ನ್ ತಿಂ ಚಲ್ಲಿಂ, ಹಾತಾಂತ್ ಘೆವ್ನ್ ಒಂಪ್ಲೆಂ ಬಿಂ; ಪಾಟಿಂ ಯೆತಾಂ ಗಿತಾಂ ಗಾವ್ನ್ ಆಯ್ಲಿಂ, ಮಾತ್ಯಾರ್ ದವರ್ನ್ ಲುಂವ್ಣೆಚ್ಯೊ ಪೆಂಡಿಯೊ.

ಅಕ್ತೋಬರ್ 27 – ಸಾಧ್ಯಾ ಕಾಳಾಚೊ ತಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಹೆಬ್ರೆವ್ 5:1-6 ಹರ್ಯೇಕ್ ಶ್ರೇಷ್ಠ್ ಯಾಜಕಾಕ್ ಮನ್ಶಾಂ ಮಧ್ಲೊ ವಿಂಚುನ್ ಕಾಡ್ತಾತ್ ಆನಿ ಮನ್ಶಾಂಚೇ ತರ್ಪೆನ್ ದೆವಾ ಹುಜಿರ್ ಸೆವಾ ಕರುಂಕ್, ಪಾತ್ಕಾಂ ಖಾತಿರ್ ಕಾಣಿಕೋ ಆನಿ ಬಲಿದಾನಾಂ ಭೆಟೊಂವ್ಕ್ ನೆಮ್ತಾತ್. ತೊಚ್ ಅಸ್ಕತ್ ಜಾಲ್ಲೇ ನಿಮ್ತಿಂ ನೆಣಾರ್ಯಾಂಕ್ ಆನಿ ಚುಕೊನ್ ಪಡ್ಲಲ್ಯಾಂಕ್ ತೊ ಕಣ್ವಾಳಾಯ್ ದಾಖೊಂವ್ಕ್ ಸಕ್ತಾ. ಆನಿ ಹೇಚ್ ಅಸ್ಕತ್ಕಾಯೆಕ್ ಲಾಗುನ್ ಜಶೆಂ ಪರ್ಜೆಚ್ಯಾ ಪಾತ್ಕಾಂ ಪಾಸತ್ ತಶೆಂ ಆಪ್ಲ್ಯಾಚ್ ಪಾತ್ಕಾಂ ಖಾತಿರ್‍ಯೀ ತಾಣೆಂ ಬಲಿದಾನಾಂ ಭೆಟಯ್ಜಾಯ್. ಆರೊನಾಬರಿ ದೆವಾನ್ ಆಪಯ್ಲಲೇ ಖರಿತ್ ಕೊಣ್‍ಯೀ ಮನಿಸ್ ಹಿ ವ್ಹಡ್ವಿಕ್ ಆಪುಣ್‍ಚ್ ಹಾತಿಂ ಘೆನಾ. ತೇಚ್ ಪರಿಂ ಕ್ರಿಸ್ತಾನ್‍ಯೀ ಶ್ರೇಷ್ಠ್ ಯಾಜಕಾಚಿ ವ್ಹಡ್ವಿಕ್ ಆಪ್ಣೆಂ ಜಾವ್ನ್ ಘೆತ್‍ಲ್ಲಿ ನ್ಹಯ್; ಬಗರ್ ತಾಕಾ ಯಾಜಕ್ ನೆಮ್ಲಾ ತ್ಯಾ ದೆವಾನ್ ತಾಕಾ ಮ್ಹಳೆಂ: “ತುಂ ಮ್ಹಜೊ ಪೂತ್, ಆಯ್ಚ್ಯಾ ದಿಸಾ ಹಾಂವೆಂ ತುಕಾ ಜಲ್ಮ್ ದಿಲಾ.” ತಶೆಂಚ್ ಆನ್ಯೇಕ್‍ಕಡೆ ತಾಣೆಂ ಮ್ಹಳಾಂ :“ತುಂ ಸಾಸ್ಣಾಕ್ ಯಾಜಕ್ ಮೆಲ್ಖಿಸೆದೆಕಾಚ್ಯಾ ವರ್ಗಾಚೊ.”

ಅಕ್ತೋಬರ್ 27 – ಸಾಧ್ಯಾ ಕಾಳಾಚೊ ತಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 10:46-52 ಮನ್ಶಾಪೂತ್‍ಯೀ ಹೆರಾಂನಿ ಆಪ್ಣಾಚಿ ಚಾಕ್ರಿ ಕರಿಜಯ್ ಮ್ಹಣ್ ಯೆಂವ್ಕ್ ನಾ, ಬಗರ್ ಆಪ್ಣೆಂಚ್ ಹೆರಾಂಚಿ ಸೆವಾಚಾಕ್ರಿ ಕರಿಜಯ್ ಮ್ಹಣ್ ಆನಿ ಸಮೇಸ್ತಾಂಚೇ ಸೊಡ್ವಣೇ ಪಾಸತ್ ಆಪ್ಣಾಚೊ ಜೀವ್‍ಚ್ ದೀಜಯ್ ಮ್ಹಣ್ ಆಯ್ಲಾ.” ಕುರ್ಡ್ಯಾ ಬಾರ್ತಿಮೆವಾಕ್ ದೀಷ್ಟ್ ದಿತಾ (ಮಾತೆವ್ 20:29-34; ಲೂಕ್ 18:35-43) ಅಶೆಂ ಜೆಜು ಆನಿ ತಾಚೆ ಶಿಸ್ ಯೆರಿಕೊಕ್ ಯೇವ್ನ್ ಪಾವ್ಲೆ. ಉಪ್ರಾಂತ್ ಯೆರಿಕೊ ಥಾವ್ನ್ ಆಪ್ಲ್ಯಾ ಶಿಸಾಂ ಸಾಂಗಾತಾ ತೊ ಭಾಯ್ರ್ ಸರ್ನ್ ವೆತಾನ, ಲೊಕಾಚೊ ವ್ಹಡ್ ಏಕ್ ಜಮೊ ತಾಚ್ಯಾ ಪಾಟ್ಲ್ಯಾನ್ ವೆತಾಲೊ. ತೆದ್ವಾಂ ತಿಮೆವಾಚೊ ಪೂತ್ ಬಾರ್ತಿಮೆವ್ ನಾಂವಾಚೊ ಏಕ್ ಕುರ್ಡೊ ಮಾರ್ಗಾದೆಗೇನ್ ಬಸುನ್ ಭಿಕ್ ಮಾಗ್ತಾಲೊ. ನಜರೆತ್ಚೊ ಜೆಜು ತೇ ವಾಟೇನ್ ಯೆತಾ ಮ್ಹಣ್ ಆಯ್ಕತಚ್, “ದಾವಿದಾಚ್ಯಾ ಪುತಾ, ಮ್ಹಜಿ ಕಾಕುಳ್ತ್ ಕರ್”ಮ್ಹಣುನ್ ವ್ಹಡ್ಲ್ಯಾ ತಾಳ್ಯಾನ್ ತೊ ಬೊಬ್ ಮಾರುಂಕ್ ಲಾಗ್ಲೊ. ಸಬಾರಾಂನಿ ತಾಕಾ “ತೊಂಡ್ ಧಾಂಪ್” ಮ್ಹಣುನ್ ಭೆಷ್ಟಾಯ್ಲೊ. ಪುಣ್ “ದಾವಿದಾಚ್ಯಾ ಪುತಾ, ಮ್ಹಜಿ ಕಾಕುಳ್ತ್ ಕರ್ ಮ್ಹಣುನ್ ತೊ ಆನಿಕ್‍ಯೀ ವ್ಹಡ್ಲ್ಯಾ ತಾಳ್ಯಾನ್ ಬೊಬ್ ಮಾರುಂಕ್ ಲಾಗ್ಲೊ. ತೆವಾಂ ಜೆಜು ರಾವ್ಲೊ ಆನಿ “ತಾಕಾ ಹಾಂಗಾ ಆಪಯಾ” ಮ್ಹಣಾಲೊ. ಶಿಸ್ ಕುರ್ಡ್ಯಾಕ್ ಆಪೊವ್ಣ್ ಮ್ಹಣಾಲೆ: “ಧಯ್ರ್ ಘೆ, ಊಠ್, ತೊ ತುಕಾ ಆಪಯ್ತಾ.” ತಿತ್ಲ್ಯಾರ್ ತಾಣೆಂ ಆಪ್ಲೊ ಶೆಲೊ ಕಾಡ್ನ್ ಉಡಯ್ಲೊ ಆನಿ ಸಟ್ ಕರ್ನ್ ಉಠೊನ್ ತೊ ಜೆಜು ಸರ್ಶಿಂ ಆಯ್ಲೊ. ಜೆಜುನ್ ತಾಚೇಲಾಗಿಂ ಉಲೊವ್ನ್ ಮ್ಹಳೆಂ: “ಹಾಂವೆಂ ತುಕಾ ಕಿತೆಂ ಕರಿಜಯ್ ಮ್ಹಣ್ತಾಯ್ ತುಂ?” ತೊ ಮ್ಹಣಾಲೊ: “ಮೆಸ್ತ್ರಿ, ಮ್ಹಜ್ಯಾ ದೊಳ್ಯಾಂಕ್ ದೀಷ್ಟ್ ದೀ.” ಜೆಜು ತಾಕಾ ಮ್ಹಣಾಲೊ: “ವಚ್, ತುಜ್ಯಾ ಭಾವಾರ್ಥಾನ್ ತುಕಾ ಗೂಣ್ ಕೆಲೊ.” ಆನಿ ತಕ್ಷಣ್‍ಚ್ ತಾಕಾ ದೀಷ್ಟ್ ಮೆಳ್ಳಿ ಆನಿ ತೊ ಜೆಜು ಪಾಟ್ಲ್ಯಾನ್‍ಚ್ ಗೆಲೊ.

ಅಕ್ತೋಬರ್ 20 – ಸಾಧ್ಯಾ ಕಾಳಾಚೊ ಎಕುಣ್ತಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಇಸಾಯಿಯಾ 53:10-11 ಕಷ್ಟಾಂದಗ್ಧಾಂನಿ ತಾಕಾ ಚಿರ್ಡುಂಕ್ ಸರ್ವೆಸ್ಪರಾಕ್ ಬರೆಂ ದಿಸ್ಲೆಂ; ಆಪ್ಲೆಂ ಜಿವಿತ್ ಪಾತ್ಕಾಂಚೆಂ ಫಾರಿಕ್ಪಣ್ ದಿಂವ್ಕ್ ತೊ ಭೆಟಯ್ತ್ ಜಾಲ್ಯಾರ್, ಆಪ್ಲೆ ಸಂತತಿಕ್ ಪಳೆಂವ್ಕ್ ತಾಕಾ ಫಾವೊ ಜಾತಲೆಂ ಆನಿ ಲಾಂಬ್ ಆವ್ಕ್ ತಾಕಾ ಮೆಳ್ತಲೆಂ; ತಾಚೆ ಉದೆಶಿಂ ಸರ್ವೆಸ್ಪರಾಚಿ ಖುಶಿ ಸುಫಳ್ ಜಾತಲಿ. ಹೆ ವಳ್ವಳೆ ಸೊಸ್ಲ್ಯಾ ಉಪ್ರಾಂತ್ ತೊ ಉಜ್ವಾಡ್ ದೆಕ್ತಲೊ; ಆಪ್ಲೆ ಜಾಣ್ವಾಯೆ ವರ್ವಿಂ ತೊ ಸಂತುಷ್ಟ್ ಜಾತಲೊ. ನಿತಿವಂತ್ ಮ್ಹಜೊ ಸೆವಕ್ ಜಾಯ್ತ್ಯಾಂಕ್ ನಿತಿವಂತ್ ಕರ್ತಲೊ, ತಾಂಚ್ಯಾ ಅಪ್ರಾಧಾಂಚೊ ಭಾರ್ ತೊ ಆಪ್ಣಾಚೆರ್ ಘೆತಲೊ.

ಅಕ್ತೋಬರ್ 20 – ಸಾಧ್ಯಾ ಕಾಳಾಚೊ ಎಕುಣ್ತಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 33 ಶ್ಲೋಕ್: ಜಸೊ ತುಜೆರ್ ಆಮ್ಚೊ ವಿಶ್ವಾಸ್, ಸರ್ವೆಸ್ಪರಾ, ತಶಿ ಆಮ್ಚೆರ್ ದೆಂವುಂ ತುಜಿ ದಯಾ. 1. ಸರ್ವೆಸ್ಪರಾಚೆಂ ಉತರ್ ಖರೆಂಚ್ ಖರೆಂ, ಸಗ್ಳಿಂ ತಾಚಿಂ ಕರ್ತುವಾಂ ವಿಶ್ವಾಸೀಪಣಾಚಿಂ. ನ್ಯಾಯ್-ನಿತಿಚೊ ಸರ್ವೆಸ್ಪರ್ ಮೋಗ್ ಕರ್ತಾ, ತಾಚ್ಯಾ ವಿಶ್ವಾಸಿ ಮೊಗಾನ್ ಸಂಸಾರ್ ಸಗ್ಳೊ ಭರ್ಲಾ. 2. ಸರ್ವೆಸ್ಪರ್ ಜಾಲ್ಯಾರ್ ಆಪ್ಲಿ ಭಯ-ಭಕ್ತಿ ಆಸ್ಲಲ್ಯಾಂಚೆರ್, ಆಪ್ಲ್ಯಾ ವಿಶ್ವಾಸಿ ಮೊಗಾಚೆರ್ ಭರ್ವಸ್ತಲ್ಯಾಂಚೆರ್ ಜತ್ನೆನ್ ನದರ್ ಘಾಲ್ತಾ. ತೊಚ್ ತಾಂಕಾಂ ಮರ್ಣಾಂತ್ಲಿಂ ನಿವಾರ್ತಾ, ದುಕಳಾಚ್ಯಾ ಕಾಳಾರ್ ತಾಂಚೊ ಜೀವ್ ವಾಟಾಯ್ತಾ. 3. ಆಮಿ ಸರ್ವೆಸ್ಪರಾಚಿ ವಾಟ್ ಪಳೆವ್ನ್‍ಚ್ ಆಸಾಂವ್, ತೊಚ್ ಆಮ್ಚೊ ಆಧಾರ್ ಆನಿ ಆಮ್ಚೆಂ ಢಾಲ್. ಜಸೊ ತುಜೆರ್ ಆಮ್ಚೊ ವಿಶ್ವಾಸ್, ಸರ್ವೆಸ್ಪರಾ, ತಶಿ ಆಮ್ಚೆರ್ ದೆಂವುಂ ತುಜಿ ದಯಾ.

ಅಕ್ತೋಬರ್ 20 – ಸಾಧ್ಯಾ ಕಾಳಾಚೊ ಎಕುಣ್ತಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಹೆಬ್ರೆವ್ 4:14-16 ತರ್ ಆಮಿ ಉಚಾರ್ತಾಂವ್ ತೊ ಭಾವಾರ್ಥ್ ಥಿರ್ ಸಾಂಬಾಳ್ಯಾಂ; ಕಿತ್ಯಾಕ್ ಆಮ್ಕಾಂ ಆಸಾ ಏಕ್ ಶ್ರೇಷ್ಠ್ ಯಾಜಕ್, ಸರ್ಗಾರ್ ಗೆಲಾ ತೊ ಜೆಜು, ದೆವಾಚೊ ಪೂತ್. ಆನಿ ತೊ ಕಾಂಯ್ ಆಮ್ಚೇ ಅಸ್ಕತ್ಕಾಯೇ ವಿಶಿಂ ಕಣ್ವಾಳಾಯ್ ನಾ ತಸಲೊ ಶ್ರೇಷ್ಠ್ ಯಾಜಕ್ ನ್ಹಯ್, ಆಮ್ಚೇ ಬರಿಚ್ ಸರ್ವ್ ಸಂಗ್ತಿಂನಿ ಕಷ್ಟ್ ಸಂಕಷ್ಟ್ ಭೊಗ್‍ಲ್ಲೊ ತಸಲೊ, ತರ್‍ಯೀ ತಾಣೆಂ ಪಾತಕ್ ಕೆಲೆಂನಾ. ತರ್ ಗರ್ಜೆ ಆಕಾಂತಾಚ್ಯಾ ವೆಳಾರ್ ಆಮ್ಕಾಂ ದಯಾ ಆನಿ ಆಧಾರ್ ಮೆಳ್ಚೇ ಖಾತಿರ್ ಆಮಿ ಧೈರಾನ್ ದೆವಾಚ್ಯಾ ಕುರ್ಪೇ ಶಿಯಾಸಣಾಕ್ ಲಾಗಿಂ ಸರ್ಯಾಂ.

ಅಕ್ತೋಬರ್ 20 – ಸಾಧ್ಯಾ ಕಾಳಾಚೊ ಎಕುಣ್ತಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 10:35-45 ತವಳ್ ಜೆಬೆದೆವಾಚೆ ಪೂತ್, ಜಾಕೊಬ್ ಆನಿ ಜುವಾಂವ್ ಜೆಜು ಸರ್ಶಿಂ ಯೇವ್ನ್ ಮ್ಹಣಾಲೆ: “ಮೆಸ್ತ್ರಿ, ತುಜೆಲಾಗಿಂ ಆಮಿ ಮಾಗ್ಚೊ ಏಕ್ ಉಪ್ಕಾರ್ ಆಸಾ; ತೊ ತುವೆಂ ಆಮ್ಕಾಂ ಕರಿಜಯ್.” “ಹಾಂವೆಂ ತುಮ್ಕಾಂ ಕಿತೆಂ ಕರಿಜಯ್ ಮ್ಹಣ್ ತುಮ್ಚಿ ಅಪೇಕ್ಷಾ?” ವಿಚಾರ್ಲೆಂ ಜೆಜುನ್. ತವಳ್ ತೆ ಮ್ಹಣಾಲೆ: “ತುಂ ತುಜೇ ಮಹಿಮೆಂತ್ ಪಾವ್ತಚ್, ಆಮ್ಚೇ ಭಿತರ್ಲ್ಯಾ ಎಕ್ಲ್ಯಾಕ್ ತುಜ್ಯಾ ಉಜ್ವ್ಯಾಕ್ ಆನ್ಯೇಕ್ಲ್ಯಾಕ್ ತುಜ್ಯಾ ದಾವ್ಯಾಕ್ ಬಸಯ್ಜಯ್.” ಜೆಜುನ್ ಜಾಪ್ ದಿಲಿ: “ತುಮಿ ಕಿತೆಂ ಮಾಗ್ತಾತ್ ತೇಂ ತುಮಿಚ್ ನೆಣಾತ್. ಹಾಂವ್ ಪಿಯೆತಾಂ ತಿ ಕಾಲ್ಸ್ ತುಮಿ ಪಿಯೆಂವ್ಕ್ ಸಕ್ತಾತ್‍ಗೀ?” “ಸಕ್ತಾಂವ್” ಮ್ಹಣಾಲೆ ತೆ. ತವಳ್ ಜೆಜು ತಾಂಚೆಲಾಗಿಂ ಮ್ಹಣಾಲೊ: “ಮ್ಹಜಿ ಕಾಲ್ಸ್ ತುಮಿ ಪಿಯೆತಲ್ಯಾತ್ ಖರೆಂ; ಆನಿ ಹಾಂವೆಂ ಘೆಂವ್ಕ್ ಜಾಯ್ ತೆಂ ಸ್ನಾನ್‍ಯೀ ತುಮಿ ಘೆತಲ್ಯಾತ್ ಖರೆಂ. ಪುಣ್ ಕೊಣ್ ಮ್ಹಜ್ಯಾ ಉಜ್ವ್ಯಾಕ್, ಕೊಣ್ ಮ್ಹಜ್ಯಾ ದಾವ್ಯಾಕ್ ಮ್ಹಣ್ ಠರಾಂವ್ಚೊ ತೊ ಅಧಿಕಾರ್ ಮ್ಹಾಕಾ ನಾ; ಜಾಂಕಾಂ ತೆಂ ತಯಾರ್ ಕೆಲಾಂ ತಾಂಕಾಂ ಮೆಳ್ತಲೆಂ.” ಬಾಕಿಚೆ ಧಾ ಜಣ್ ಹೆಂ ಆಯ್ಕುನ್ ಜಾಕೊಬಾಚೆರ್ ಆನಿ ಜುವಾಂವ್ಚೆರ್ ರಾಗಾನ್ ಪೆಟ್ಲೆ. ಪುಣ್ ಜೆಜುನ್ ತಾಂಕಾಂ ಸಮೆಸ್ತಾಂಕ್ ಸರ್ಶಿಂ ಆಪೊವ್ಣ್ ಸಾಂಗ್ಲೆಂ: “ಸಂಸಾರೀ ಅಧಿಕಾರಿ ಮ್ಹಣ್ ಆಸಾತ್ ತೆ, ಲೊಕಾಚೆರ್ ಬಲತ್ಕಾರಾನ್ ಅಧಿಕಾರ್ ಚಲಯ್ತಾತ್ ಆನಿ ತಾಂಚೇ ಮಧ್ಲೆ ವ್ಹಡ್ ಮನಿಸ್ ಆಪ್ಲ್ಯಾ ಹಾತಾಖಾಲ್ ಲೊಕಾಕ್ ಅಡ್ಚುನ್ ಧರ್ತಾತ್ ಮ್ಹಣ್ ತುಮಿ ಜಾಣಾತ್. ಪುಣ್ ತುಮ್ಚೇ ಮಧೆಂ ತಶೆಂ ಜಾಯ್ನಾಯೆ. ತುಮ್ಚೇ ಮಧೆಂ ಜೊ ಕೊಣ್ ಪಯ್ಲೊ ಜಾಂವ್ಕ್ ಅಪೇಕ್ಷಿತಾ, ತೊ ಹೆರಾಂಚೊ ಚಾಕರ್ ಜಾಂವ್ದಿ. ಆನಿ ತುಮ್ಚೇ ಮಧೆಂ ಕೋಣ್ ಪಯ್ಲೊ ಜಾಂವ್ಕ್ ಸೊಧ್ತಾ ತೊ ಸಮೆಸ್ತಾಂಚೊ ಗುಲಾಮ್ ಜಾಂವ್ದಿ. ಮನ್ಶ್ಯಾಪೂತ್‍ಯಿ ಹೆರಾಂನಿ ಆಪ್ಣಾಚಿ ಚಾಕ್ರಿ ಕರಿಜಯ್ ಮ್ಹಣ್ ಯೆಂವ್ಕ್ ನಾ, ಬಗರ್ ಆಪ್ಣೆಂಚ್ ಹೆರಾಂಚಿ ಸೆವಾಚಾಕ್ರಿ ಕರಿಜಯ್ ಮ್ಹಣ್ ಆನಿ ಸಮೇಸ್ತಾಂಚೇ ಸೊಡ್ವಣೇ ಪಾಸತ್ ಆಪ್ಣಾಚೊ ಜೀವ್‍ಚ್ ದೀಜಯ್ ಮ್ಹಣ್ ಆಯ್ಲಾ.”

ಅಕ್ತೋಬರ್ 13 – ಸಾಧ್ಯಾ ಕಾಳಾಚೊ ಅಟ್ಟಾವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಜಾಣ್ವಾಯ್ 7:7-11 ಹಾಂವೆಂ ಮಾಗ್ಲೆಂ ಆನಿ ಮ್ಹಾಕಾ ಸಮ್ಜೊಣಿ ಮೆಳ್ಳಿ, ಹಾಂವೆಂ ವಿನತಿ ಕೆಲಿ ಆನಿ ಜಾಣ್ವಾಯೆಚೊ ಅತ್ಮೊ ಮ್ಹಜೆಶಿಂ ಆಯ್ಲೊ. ರಾಜ್‍ದಂಡಾಂ ಆನಿ ಶಿಂವಾಸನಾಂ ಪ್ರಾಸ್ ಚಡ್ ಹಾಂವೆಂ ತಿ ಪಸಂದ್ ಕೆಲಿ; ತಿಚೆ ಕಡೆ ಸರ್ ಕರುನ್ ಗ್ರೇಸ್ತ್‍ಕಾಯ್ ಕಾಂಯ್ಚ್ ನ್ಹಯ್ ಮ್ಹಣ್ ಹಾಂವೆಂ ಲೆಖ್ಲೆಂ; ಕಸಲೆಂಚ್ ಅಮೊಲಿಕ್ ಮಾಣಿಕ್ ಹಾಂವ್ ತಿಚೆ ಕಡೆ ಸರ್ ಕರಿನಾ, ಕಿತ್ಯಾಕ್ ತಿಚೆ ಮುಕಾರ್ ಸಗ್ಳೆಂ ಭಾಂಗಾರ್ ಏಕ್ ಚಿಮ್ಟಿಭರ್ ರೆಂವ್, ಆನಿ ತಿಚೆ ಮುಕಾರ್ ರುಪೆಂ ಮ್ಹಳ್ಯಾರ್ ಮಾತಿ. ಭಲಾಯ್ಕೆ ಆನಿ ಸೊಭಾಯೆ ಪ್ರಾಸ್ ಹಾಂವೆಂ ತಿಚೊ ಚಡ್ ಮೋಗ್ ಕೆಲೊ, ಆನಿ ಉಜ್ವಾಡಾ ಪ್ರಾಸ್ ತಿ ಮ್ಹಾಕಾ ಚಡ್ ಜಾಯ್ ಜಾಲಿ, ಕಿತ್ಯಾಕ್ ತಿಚೊ ಪರ್ಜಳ್ ಕೆದಿಂಚ್ ಪಾಲ್ವನಾ. ತಿಚೆ ಬರಾಬರ್ ಸಗ್ಳ್ಯೊ ಬರಿ ವಸ್ತು ಮ್ಹಾಕಾ ಮೆಳ್ಳ್ಯೊ ಆನಿ ತಿಚ್ಯಾ ಹಾತಾಂತ್ಲಿ ಅಪಾರ್ ಗ್ರೇಸ್ತ್‍ಕಾಯ್ ಲಾಭ್ಲಿ.

ಅಕ್ತೋಬರ್ 13 – ಸಾಧ್ಯಾ ಕಾಳಾಚೊ ಅಟ್ಟಾವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 90 ಶ್ಲೋಕ್: ತುಜ್ಯಾ ಮೊಗಾನ್ ಆಮ್ಕಾಂ ಭರ್, ಸರ್ವೆಸ್ಪರಾ, ಆನಿ ಆಮಿ ಅನಂದಾನ್ ಭರ್ತಲ್ಯಾಂವ್. 1. ಆಮ್ಚೆ ದೀಸ್ ಮಟ್ವೆ ಮ್ಹಣ್ ಆಮ್ಕಾಂ ವಿಸ್ರುಂಕ್ ದೀನಾಕಾ, ತೆದ್ವಾಂ ಆಮ್ಚ್ಯಾ ಕಾಳ್ಜಾಕ್ ಮೆಳ್ತಲಿ ಜಾಣ್ವಾಯ್. ಸರ್ವೆಸ್ಪರಾ, ಬದಲ್ ತುಜೆಂ ಮನ್; ಕೆದೊಳ್ ಪರ್ಯಾನ್ ರಾಗಾನ್ ರಾವ್ತಾಯ್? ತುಜ್ಯಾ ಚಾಕ್ರಾಂಚಿ ತುಕಾ ಬಿರ್ಮತ್ ದಿಸುಂ. 2. ದೀಸ್ ಉಜ್ವಾಡ್ತಾನಾ ತುಜ್ಯಾ ಮೊಗಾನ್ ಆಮ್ಕಾಂ ಭರ್ ಅಶೆಂ ಆಮ್ಚ್ಯೆ ಜಿಣಿಯೆಚ್ಯಾ ಹರೇಕಾ ದಿಸಾ ಅನಂದ್-ಉಲ್ಲಾಸಾನ್ ಆಮಿ ಭರ್ಚ್ಯಾಕ್. ತುವೆಂ ಆಮ್ಕಾಂ ಕಷ್ಟಾಂ-ದಗ್ದಾಂಕ್ ಉಂಡಿ ಕೆಲ್ಲಿಂಯ್ ತ್ಯಾ ದಿಸಾಂಕ್, ವಿಘ್ನಾಂ-ಅನ್ವಾರಾಂನಿ ಆಮಿ ಸಾರ್‍ಲ್ಲ್ಯೆ ಜಿಣಿಯೆಕ್ ಸರಿ ಜಾವ್ನ್ ಆತಾಂ ಆಮ್ಕಾಂ ಸುಖ್ ಸಂತೊಸ್ ದಿ. 3. ದಾಖಯ್ ಆಮ್ಕಾಂ, ತುಜ್ಯಾ ಸೆವಕಾಂಕ್, ತುಜಿಂ ಮಹತ್ಕಾರ್ಯಾಂ, ಪಳೆಂವ್ದಿ ಆಮ್ಚಿಂ ಭುರ್ಗಿಂ ತುಜಿ ಖರಿ ಮಹಿಮಾ, ಸರ್ವೆಸ್ಪರಾ ಆಮ್ಚ್ಯಾ ದೆವಾಚಿ ದಯಾ ಆಮ್ಚೆರ್ ದೆಂವುಂ: ಆಮ್ಚ್ಯಾ ಹಾತಾಂಚೊ ಸರ್ವ್ ವಾವ್ರ್ ಸುಫಳ್ ಕರ್.

ಅಕ್ತೋಬರ್ 13 – ಸಾಧ್ಯಾ ಕಾಳಾಚೊ ಅಟ್ಟಾವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಹೆಬ್ರೆವ್ 4:12-13 ದೆವಾಚೆಂ ಉತರ್ ಜಿವೆಂ ಆನಿ ಕ್ರಿಯಾತ್ಮಕ್ ತೆಂ ಖರೆಂ. ಪಾಜ್‍ಲ್ಲೇ ದೋನ್ ಧಾರಿಂಚೇ ತಲ್ವಾರಿ ಪ್ರಾಸ್ ಚಡ್ ಕಾತ್ರುಂಕ್ ಸಕ್ತಾ ತಸಲೆಂ; ಪ್ರಾಣ್ ಆನಿ ಅತ್ಮೊ, ಸಂದ್ ಆನಿ ಹಾಡಾಂಚೊ ಸಾರ್ ಸಯ್ತ್ ಮೆಕ್ಳೆ ಕರ್ತಾ ಪರ್ಯಾನ್ ವಿಧುಂಕ್ ತಾಕಾ ಸಕತ್ ಆಸಾ; ಮನ್ಶಾಚ್ಯಾ ಕಾಳ್ಜಾಂತ್ಲೆ ಅತ್ರೆಗ್ ಆನಿ ಚಿಂತ್ನಾಂ ತೆಂ ಪಾರ್ಕಿತಾ. ಸಗ್ಳೇ ಸೃಷ್ಟೆಂತ್ ದೆವಾಚೇ ದಿಷ್ಟಿ ಭಾಯ್ರ್ ಲಿಪೊನ್ ಆಸ್ಲಲೆಂ ಕಾಂಯ್ಚ್ ನಾ. ಸಗ್ಳೆಂ ತಾಚೇ ಹುಜಿರ್ ಉಗ್ತೆಂ ಆನಿ ದೊಳ್ಯಾಂ ಮುಖಾರ್ ಸೊಡೊವ್ನ್ ದವರ್‍ಲ್ಲೇಬರಿ ಆಸಾ. ತ್ಯಾಚ್ ದೆವಾಕ್ ಆಮಿ ಆಮ್ಚ್ಯಾ ಕನ್ರ್ಯಾಂಚೆಂ ಲೆಖ್ ದಿಂವ್ಕ್ ಆಸಾ.

ಅಕ್ತೋಬರ್ 13 – ಸಾಧ್ಯಾ ಕಾಳಾಚೊ ಅಟ್ಟಾವಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 10:17-30 ಜೆಜು ಪರತ್ ವಾಟೇಕ್ ಲಾಗ್ಚ್ಯಾ ವೆಳಾರ್, ಏಕ್ ಮನಿಸ್ ತಾಚೇ ಸರ್ಶಿಂ ಧಾಂವುನ್ ಆಯ್ಲೊ ಆನಿ ತಾಚ್ಯಾ ಪಾಂಯಾಂ ಸರ್ಶಿಂ ದಿಂಬಿ ಘಾಲ್ನ್ ತಾಚೇಲಾಗಿಂ ವಿಚಾರುಂಕ್ ಲಾಗ್ಲೊ: “ಬರೊ ಮೆಸ್ತ್ರಿ, ಸಾಸ್ಣಿಕ್ ಜಿವಿತ್ ಜೊಡುಂಕ್ ಹಾಂವೆಂ ಕಿತೆಂ ಕರಿಜಯ್?” ಜೆಜುನ್ ತಾಕಾ ಜಾಪ್ ದಿಲಿ: “ಮ್ಹಾಕಾ ಬರೊ ಕಿತ್ಯಾಕ್ ಮ್ಹಣ್ತಾಯ್? ಬರೊ ಮ್ಹಳ್ಳೊ ಎಕ್ಲೊಚ್, ದೇವ್! ಉಪದೆಸ್ ಖಂಯ್ಚೆ ತೆ ತುಂ ಜಾಣಾಂಯ್; ಜಿವೆಶಿಂ ಮಾರಿನಾಕಾ, ಪ್ರದ್ವಾರ್ ಕರಿನಾಕಾ, ಚೊರಿನಾಕಾ, ಫಟ್‍ಸಾಕ್ಸ್ ಸಾಂಗಿನಾಕಾ, ಲುಕ್ಸಾಣ್ ಕರಿನಾಕಾ, ತುಜ್ಯಾ ಅವಯ್‍ಬಾಪಾಯ್ಕ್ ಮಾನ್ ದೀ.” ತೊ ಜಾಪ್ ದೀವ್ನ್ ಮ್ಹಣಾಲೊ: “ಮೆಸ್ತ್ರಿ, ಹೆಂ ಸಗ್ಳೆಂ ಮ್ಹಜ್ಯಾ ಭುರ್ಗೆಪಣಾರ್ ಥಾವ್ನ್‍ಚ್ ಹಾಂವ್ ಪಾಳ್ನ್ ಆಯ್ಲಾಂ.” ತವಳ್ ಜೆಜುನ್ ತಾಚೆರ್ ಮೊಗಾನ್ ಘಾಲ್ಲಿ ದೀಷ್ಟ್ ಪಾಟಿಂ ಕಾಡಿನಾಸ್ತಾನಾ ಮ್ಹಳೆಂ: “ತುವೆಂ ಕರಿಜಯ್ ಜಾಲ್ಲೆಂ ಏಕ್ ಕಾಮ್ ಮಾತ್ರ್ ಬಾಕಿ ಆಸಾ. ವಚ್, ತುಜೆಂ ಕಿತೆಂ ಆಸಾ ತೆಂ ವೀಕ್ ಆನಿ ಮೆಳ್ಳಲೊ ದುಡು ದುರ್ಬಳ್ಯಾಂಕ್ ವಾಂಟುನ್ ದೀ, ಸರ್ಗಾರ್ ತುಕಾ ದಿರ್ವೆಂ ಆಸ್ತಲೆಂ; ಉಪ್ರಾಂತ್ ಯೆ ಆನಿ ಮ್ಹಜೊ ಪಾಟ್ಲಾವ್ ಕರ್.” ಹೆಂ ಆಯ್ಕುನ್ ತಾಚೆಂ ತೊಂಡ್ ಬಾವ್ಲೆಂ ಆನಿ ಖಂತಿಷ್ಟ್ ಜಾವ್ನ್ ತೊ ಪಾಟಿಂ ಗೆಲೊ, ಕಿತ್ಯಾಕ್ ತಾಕಾ ಯಥೇಷ್ಟ್ ಆಸ್ತ್ ಬದಿಕ್ ಆಸ್ಲೆಂ. ತವಳ್ ಆಪ್ಲೇ ಭೊಂವ್ತಣಿಂ ರಾವ್ಲಲ್ಯಾ ಶಿಸಾಂಚೆರ್ ದೀಷ್ಟ್ ಘುಂವ್ಡಾವ್ನ್ ಜೆಜು ಮ್ಹಣಾಲಾಗ್ಲೊ: “ಗ್ರೇಸ್ತಾಂಕ್ ದೆವಾಚ್ಯಾ ರಾಜ್ಯಾಂತ್ ರಿಗೊಂಕ್ ಕಿತ್ಲೆ ಕಷ್ಟ್ ಮಾರ್ತಲೆ!” ತಾಚಿಂ ಹಿಂ ಉತ್ರಾಂ ಆಯ್ಕುನ್ ಶಿಸ್ ಥಟಕ್ಕ್ ಜಾಲೆ! ಪುಣ್ ಜೆಜುನ್ ತಾಂಕಾಂ ಪತ್ರ್ಯಾನ್ ಸಾಂಗ್ಲೆಂ: “ಭುಗ್ರ್ಯಾನೊ, ದೆವಾಚ್ಯಾ ರಾಜ್ಯಾಂತ್ ರಿಗುಂಕ್ ಕಿತ್ಲೆ ಕಷ್ಟ್. ಏಕ್ ಕರೆಂ ಪುಣ್‍ಯೀ ಸುವ್ಯೆಚ್ಯಾ ಬಿಡ್ರ್ಯಾಂತ್ಲ್ಯಾನ್ ಪಾಶಾರ್ ಜಾಯ್ತ್ ತರ್‍ಯೀ, ಗ್ರೇಸ್ತ್ ಮನಿಸ್ ದೆವಾಚ್ಯಾ ರಾಜ್ಯಾಂತ್ ತಿತ್ಲೇ ಸಸಾರಾಯೆನ್ ರಿಗಸೊನಾ.” ಹೆಂ ಆಯ್ಕುನ್ ತೆ ಆನಿಕ್‍ಯೀ ಚಡ್ ಆಜಾಪ್ ಜಾಲೆ ಆನಿ, “ತಶೆಂ ಜಾಲ್ಯಾರ್ ಕೊಣ್ ಬಚಾವ್ ಜಾಯ್ತ್?” ಮ್ಹಣ್ ಎಕಾಮೆಕಾಕ್ ತೆ ಮ್ಹಣಾಲೆ. ತವಳ್ ಜೆಜು ಆಪ್ಲಿ ದೀಷ್ಟ್ ತಾಂಚೆರ್ ಲಾವ್ನ್ ಮ್ಹಣಲೊ: “ಮನ್ಶಾಂಕ್ ತೆಂ ಅಸಾಧ್ಯ್ ವ್ಹಯ್, ಪುಣ್ ದೆವಾಕ್ ನ್ಹಯ್, ದೆವಾಕ್ ಸರ್ವ್ ಸಂಗ್ತಿ ಸಾಧ್ಯ್” ತಿತ್ಲ್ಯಾರ್ ಪೆದ್ರುನ್ ಮ್ಹಳೆಂ: “ಆಮಿ ಪಳೆ, ಸಗ್ಳೆಂ ಸಾಂಡುನ್ ತುಜೊ ಪಾಟ್ಲಾವ್ ಕೆಲಾ.” ತಾಕಾ ಜೆಜುನ್ ಜಾಪ್ ದಿಲಿ: “ಸತ್‍ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ: ಕೊಣ್‍ಯೀ ಮ್ಹಜೇ ಪಾಸತ್ ಆನಿ ಸುವಾರ್ತೇ ಪಾಸತ್ ಆಪ್ಲೆಂ ಘರ್‍ದಾರ್, ಆವಯ್‍ಬಾಪಯ್ಕ್, ಭಾವಾಂಭಯ್ಣಿಂಕ್, ಭುರ್ಗ್ಯಾಬಾಳಾಂಕ್, ಭುಂಯ್‍ಭಾಟ್ ಸಾಂಡಿತ್ ಜಾಲ್ಯಾರ್, ತೊ ಹ್ಯಾ ಕಾಳಾಂತ್ ಶೆಂಭರ್ ವಾಂಟ್ಯಾಂನಿ ಚಡ್ ಘರಾಂ, ಭಾವ್‍ಭಯ್ಣಿ, ಆವಯ್‍ಭುರ್ಗಿಂ, ಭುಂಯ್‍ಭಾಟ್ ಜೊಡ್ನ್ ಘೆತಲೊ. ಸಾಂಗಾತಾಚ್ ದಗ್ಧಣಿಯೀ ತಾಕಾ ಚುಕಾಶಿನಾ; ಆನಿ ಮುಖ್ಲ್ಯಾ ಕಾಳಾಂತ್ ತಾಕಾ ಸಾಸ್ಣಾಚೆಂ ಜಿವಿತ್ ಮೆಳ್ತಲೆಂ.

ಅಕ್ತೋಬರ್ 6 – ಸಾಧ್ಯಾ ಕಾಳಾಚೊ ಸತ್ತಾವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಉತ್ಪತ್ತಿ 2:18-24 ಆನಿ ಸರ್ವೆಸ್ಪರ್ ದೇವ್ ಮ್ಹಣಾಲೊ: “ಮನ್ಶಾನ್ ಎಕ್ಸುರೊ ಆಸ್ಚೆಂ ಬರೆಂ ನ್ಹಯ್, ಹಾಂವ್ ತಾಕಾ ಫಾವೊ ತಸಲಿ ಸಾಂಗಾತಿಣ್ ಕರುನ್ ದಿತಲೊಂ.” ಆನಿ ಸರ್ವೆಸ್ಪರಾ ದೆವಾನ್ ಧರ್ಣಿಚೆ ಮಾತಿಯೆ ಥಾವ್ನ್ ಸರ್ವ್ ಮೊನ್ಜಾತಿ ಆನಿ ಅಂತ್ರಾಳಾಚಿಂ ಸುಕ್ಣಿಂ ಕೆಲಿಂ. ಮನಿಸ್ ತಾಂಕಾಂ ಕಿತೆಂ ನಾಂವ್ ದಿತಾ ಮ್ಹಣ್ ಪಳೆಂವ್ಚೆ ಖಾತಿರ್ ತಾಣೆಂ ತಾಂಕಾಂ ಮನ್ಶಾ ಮುಕಾರ್ ಹಾಡ್ಲಿಂ. ಜೆಂ ನಾಂವ್ ಮನ್ಶಾನ್ ಹರೇಕ್ ಪ್ರಾಣಿಯಾಕ್ ದಿಲೆಂ, ತೆಂಚ್ ನಾಂವ್ ತಾಂಚೆಂ ಜಾಂವ್ಕ್ ಜಾಯ್ ಆಸ್ಲೆಂ. ಮನ್ಶಾನ್ ಸರ್ವ್ ಜಾನ್ವಾರಾಂಕ್, ಅಂತ್ರಾಳಾಚ್ಯಾ ಸುಕ್ಣ್ಯಾಂಕ್ ಆನಿ ಸರ್ವ್ ಮೊನ್ಜಾತಿಂಕ್ ನಾಂವಾಂ ದಿಲಿಂ. ಪೂಣ್ ತಾಕಾ ಫಾವೊ ತಸಲಿ ಸಾಂಗಾತಿಣ್ ಮೆಳ್ಳಿ ನಾ. ತೆದ್ನಾ ಸರ್ವೆಸ್ಪರಾ ದೆವಾನ್ ಮನ್ಶಾಕ್ ಗಾಢ್ ನಿದೆಂತ್ ಘಾಲೊ ಆನಿ ತೊ ನಿದೆಂತ್ ಆಸ್ತಾನಾ ತಾಚಿ ಏಕ್ ಬೋರ್ ಕಾಡ್ಲಿ ಆನಿ ತಿ ಸುವಾತ್ ಮಾಸಾನ್ ಭರ್ಲಿ. ಸರ್ವೆಸ್ಪರಾ ದೆವಾನ್ ಮನ್ಶಾ ಥಾವ್ನ್ ಕಾಡ್ಲಲೆ ಬೊರಿಚಿ ಏಕ್ ಸ್ತ್ರೀ ರಚ್ಲಿ ಆನಿ ತಿಕಾ ಮನ್ಶಾ ಮುಕಾರ್ ಹಾಡ್ಲಿ. ತೆದ್ನಾ ಮನ್ಶಾನ್ ಮ್ಹಳೆಂ: ಶೆಕಿಂ ಹಿ ಮ್ಹಜ್ಯಾ ಹಾಡಾಚೆಂ ಹಾಡ್, ಆನಿ ಮ್ಹಜ್ಯಾ ಮಾಸಾಚೆಂ ಮಾಸ್! ನಾಂವ್ ತಿಚೆಂ ನಾರಿ, ಕಿತ್ಯಾಕ್ ನರಾ ಥಾವ್ನ್ ತಿಕಾ ಕಾಡ್ಲ್ಯಾ. ದೆಕುನ್ ದಾದ್ಲೊ ಆಪ್ಲ್ಯಾ ಆವಯ್ ಬಾಪಾಯ್ಕ್ ಸೊಡ್ತಾ ಆನಿ ಆಪ್ಲ್ಯೆ ಬಾಯ್ಲೆಕ್ ಎಕ್ವಟ್ತಾ ಆನಿ ತಿಂ ದೊಗಾಂಯ್ ಏಕ್‍ಚ್ ಕೂಡ್ ಜಾತಾತ್.

ಅಕ್ತೋಬರ್ 6 – ಸಾಧ್ಯಾ ಕಾಳಾಚೊ ಸತ್ತಾವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 127 ಶ್ಲೋಕ್: ಸಗ್ಳ್ಯಾ ಆಮ್ಚ್ಯಾ ಜಿವಿತಾಂತ್ ಸರ್ವೆಸ್ಪರ್ ಆಮ್ಚೆರ್ ಆಶೀರ್ವಾದ್ ಘಾಲುಂ. 1. ಸೊಮಿಯಾಕ್ ಭಿಯೆತಾತ್ ಆನಿ ತಾಚ್ಯೆ ವಾಟೆನ್ ಚಲ್ತಾತ್ ತಿಂ ಸುಭಾಗಿ! ತುಜ್ಯಾ ಹಾತಾಂಚ್ಯಾ ಕಷ್ಟಾಂಚೆಂ ತುಕಾ ಖಾಂವ್ಕ್ ಮೆಳ್ತಲೆಂ, ತುಂ ಸುಖೆಸ್ತ್ ಆನಿ ತುಜೆಂ ಸಗ್ಳೆಂ ನಂದನ್ ಜಾತಲೆಂ. 2. ತುಜ್ಯಾ ಘರಾಚ್ಯಾ ಭಿತರ್ಲ್ಯಾ ಕುಡಾಂತ್ ತುಜಿ ಪತಿಣ್ ಫಳಾದಾಯೆಕ್ ದಾಕ್ವಾಲಿಬರಿ ಆಸ್ತಲಿ, ತುಜಿಂ ಭುರ್ಗಿಂ ತುಜ್ಯಾ ಮೆಜಾ ಭೊಂವ್ತಿಂ ಜೈತುನಾಚ್ಯಾ ಕೊಂಬ್ರ್ಯಾಂ ಸಾರ್ಕಿಂ ವಸ್ತಲಿಂ. 3. ಸರ್ವೆಸ್ಪರಾಚೆಂ ಭ್ಯೆಂ ಭಿರಾಂತ್ ಆಸ್ಲಲ್ಯಾಕ್ ಅಸಲೆಂ ಭಾಗ್ ಫಾವೊ ಜಾತಲೆಂ. ಸಿಯೊನಾಂತ್ಲೊ ಸರ್ವೆಸ್ಪರ್ ತುಜೆರ್ ಆಶೀರ್ವಾದ್ ಘಾಲುಂ! ಸಗ್ಳ್ಯಾ ತುಜ್ಯಾ ಜಿವಿತಾಂತ್ ಜೆರುಸಾಲೆಮಾಚೆಂ ಸುಭಾಮ್‍ಪಣ್ ಪಳೆಂವ್ಕ್ ತುಕಾ ಫಾವೊ ಜಾಂವ್! ತುಜ್ಯಾ ಭುರ್ಗ್ಯಾಂಚ್ಯಾ ಭುರ್ಗ್ಯಾಂಕ್ ಪಳೆಂವ್ಕ್ ತುಕಾ ಫಾವೊ ಕರುಂ! ಇಸ್ರಾಯೆಲಾಚೆರ್ ಶಾಂತಿ ದೆಂವುಂ!

ಅಕ್ತೋಬರ್ 6 – ಸಾಧ್ಯಾ ಕಾಳಾಚೊ ಸತ್ತಾವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಹೆಬ್ರೆವ್ 2:9-11 ಜೆಜುಕ್ ಥೊಡ್ಯಾಕ್ ಕಾಳಾಕ್ ದೇವ್‍ದುತಾಂ ಪ್ರಾಸ್ ಲ್ಹಾನ್ ಕೆಲ್ಲೊ ಆಮಿ ಪಳೆತಾಂವ್; ಕಿತ್ಯಾಕ್ ದೆವಾಚೆ ಉದಾರ್ ಖುಶೆ ಪರ್ಮಾಣೆಂ ತಾಣೆಂ ಸಮೆಸ್ತ್ ಮನ್ಶಾಂ ಖಾತಿರ್ ಮರಣ್ ಸೊಸಿಜಯ್ ಆಸ್ಲೆಂ. ತಾಣೆಂ ಮರಣ್ ಸೊಸ್ಲೆಂ ದೆಕುನ್ ಆತಾಂ ತಾಣೆಂ ಮಹಿಮೆಚೊ ಆನಿ ಮಾನಾಚೊ ಮುಕುಟ್ ಜೊಡ್ಲಾ ತೆಂ ಆಮಿ ಪಳೆತಾಂವ್. ಸರ್ವ್ ವಸ್ತುಂಚೊ ಆರಂಭ್ ಆನಿ ಅಂತ್ ಜಾವ್ನಾಸ್ಲಲ್ಯಾ ದೆವಾನ್ ಜಾಯ್ತ್ಯಾ ಪುತಾಂಕ್ ಮಹಿಮೆವಂತ್ ಕರ್ಚ್ಯಾಕ್ ತಾಂಚ್ಯಾ ತಾರಣಾಚ್ಯಾ ಕರ್ತಾಕ್ ಜೆಜುಕ್ ಕಷ್ಟಾಂ ಮುಕಾಂತ್ರ್ ಪಯ್ಲೆಂ ಸಂಪೂರ್ಣ್ ಕರಿಜಾಯ್ ಆಸ್ಲೆಂ. ಕಿತ್ಯಾಕ್ ಪವಿತ್ರ್ ಕರ್ತಲ್ಯಾಚೊ ಆನಿ ಪವಿತ್ರ್ ಜಾಲ್ಲ್ಯಾಂಚೊ ಸಕ್ಟಾಂಚೊ ಬಾಪ್ ಎಕ್ಲೊಚ್. ದೆಕುನ್‍ಚ್ ತಾಂಕಾಂ ಆಪ್ಲೆ ಭಾವ್ ಮ್ಹಣುಂಕ್ ತೊ ಲಜನಾ.

ಅಕ್ತೋಬರ್ 6 – ಸಾಧ್ಯಾ ಕಾಳಾಚೊ ಸತ್ತಾವಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 10:2-16 ತವಳ್ ಥೊಡೆ ಫಾರಿಜೆವ್ ತಾಚೇ ಸರ್ಶಿಂ ಯೇವ್ನ್, ತಾಕಾ ಪಾರ್ಕುಂಚ್ಯಾ ಇರಾದ್ಯಾನ್ ಅಶೆಂ ಸವಾಲ್ ಕರಿಲಾಗ್ಲೆ: “ಏಕ್ ದಾದ್ಲ್ಯಾನ್ ಆಪ್ಲೇ ಬಾಯ್ಲೆಕ್ ಸೊಡ್ಯೆತ್‍ವೇ?” ಜೆಜುನ್ ತಾಂಕಾಂ ಪಾಟಿಂ ಸವಾಲ್ ಕೆಲೆಂ: “ಮೊಯ್ಜೆನ್ ತುಮ್ಕಾಂ ಕಿತೆಂ ಫರ್ಮಾಯ್ಲಾಂ?” ತಾಂಣಿಂ ಜಾಪ್ ದಿಲಿ: “ವೆಗ್ಳಾಚಾರಾಚಿ ಚೀಟ್ ಬರೊವ್ನ್ ದಾದ್ಲ್ಯಾನ್ ಬಾಯ್ಲೇಕ್ ಸೊಡ್ಯೆತ್ ಮ್ಹಣ್ ಮೊಯ್ಜೆನ್ ರಜಾ ದಿಲ್ಯಾ.” ಪುಣ್ ಜೆಜುನ್ ತಾಂಕಾಂ ಸಾಂಗ್ಲೆಂ: “ತುಮಿ ಅಸಲ್ಯಾ ಸಂಗ್ತಿಂನಿ ತುಮ್ಚೇಚ್ ಖುಶೆಚೇ ಮ್ಹಳ್ಳೇ ಖಾತರ್ ತಾಣೆಂ ತುಮ್ಕಾಂ ಹೊ ಕಾಯ್ದೊ ಬರೊವ್ನ್ ಘಾಲ್ಲೊ. ತರಿಪುಣ್ ರಚನೆಚೇ ಸುರ್ವೆರ್ ಥಾವ್ನ್‍ಚ್ ‘ದೆವಾನ್ ತಾಂಕಾಂ ದಾದ್ಲೊ ಆನಿ ಬಾಯ್ಲ್ ಕರ್ನ್ ರಚ್ಲಿಂ. ಹ್ಯಾ ಕಾರಣಾ ಪಾಸತ್ ಏಕ್ ಮನಿಸ್ ಆಪ್ಲ್ಯಾ ಬಾಪಾಯ್ಕ್ ಆನಿ ಆವಯ್ಕ್ ಸೊಡ್ತಲೊ ಆನಿ ಆಪ್ಲೇ ಬಾಯ್ಲೇಕ್ ಎಕ್ವಟ್ತಲೊ. ತಿಂ ದೊಗಾಂಯೀ ಏಕ್ ಜಾತಲಿಂ.’ ದೆಕುನ್ ಹ್ಯಾ ಫುಡಾಂ ತಿಂ ದೊಗಾಂ ನ್ಹಯ್, ಬಗರ್ ಎಕ್‍ಚ್. ತ್ಯಾ ಪಾಸತ್ ದೆವಾನ್ ಜೊಡಿಲಾಂ ತೆಂ ಮನಿಸ್ ಮೊಡಿನಾ ಜಾಂವ್.” ಆನಿ ತೆ ಸರ್ವ್ ಘರಾ ಆಸ್ತಾನಾ, ಶಿಸಾಂನಿ ಪರ್ತ್ಯಾನ್ ತ್ಯಾಚ್ ವಿಶ್ಯಾಂತ್ ಜೆಜುಲಾಗಿಂ ಸವಾಲ್ ಕೆಲೆಂ. ತಾಂಕಾಂ ತಾಣೆಂ ಸಾಂಗ್ಲೆಂ: “ಜೊ ಕೋಣ್ ಆಪ್ಲೇ ಬಾಯ್ಲೆಕ್ ಸೊಡ್ನ್ ದುಸ್ರೇಲಾಗಿಂ ಲಗ್ನ್ ಜಾತಾ, ತೊ ಆಪ್ಲೇ ಬಾಯ್ಲೇ ವಿರೋಧ್ ಪ್ರದ್ವಾರ್ ಆಧಾರ್ತಾ. ತಶೆಂಚ್ ಜಿ ಕೋಣ್ ಆಪ್ಲ್ಯಾ ದಾದ್ಲ್ಯಾಕ್ ಸೊಡ್ನ್ ದುಸ್ರ್ಯಾಲಾಗಿಂ ಲಗ್ನ್ ಜಾತಾ, ತಿಯೀ ಪ್ರದ್ವಾರ್ ಆಧಾರ್ತಾ.” ಆಪ್ಲ್ಯಾ ಲ್ಹಾನ್ ಭುರ್ಗ್ಯಾಂಚೆರ್ ಜೆಜುನ್ ಹಾತ್ ದವರ್ಚೇ ಖಾತಿರ್ ಲೊಕಾನ್ ತಾಂಕಾಂ ತಾಚೇ ಸರ್ಶಿಂ ಹಾಡ್ಲಿಂ. ಪುಣ್ ಹಾಡ್ಲಲ್ಯಾಂಕ್ ಶಿಸಾಂನಿ ಭೆಷ್ಟಾಯ್ಲಿಂ. ಹೆಂ ಪಳೆವ್ನ್ ಜೆಜು ಭೋವ್ ಚಡ್ ನಾಖುಶಿ ಜಾಲೊ ಆನಿ ಶಿಸಾಂಲಾಗಿಂ ತೊ ಮ್ಹಣಾಲೊ: “ಲ್ಹಾನ್ ಭುರ್ಗ್ಯಾಂಕ್ ಮ್ಹಜೆ ಸರ್ಶಿಂ ಯೆಂವ್ಕ್ ಸೊಡಾ, ತಾಂಕಾಂ ಆಡಾಯ್ನಾಕಾತ್. ಕಿತ್ಯಾಕ್ ದೆವಾಚೆಂ ರಾಜ್ಯ್ ತಸಲ್ಯಾಂಚೆಂಚ್ ಸಯ್! ಸತ್‍ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ: ಜೊ ಕೊಣ್ ದೆವಾಚೆಂ ರಾಜ್ಯ್ ಏಕ್ ಲ್ಹಾನ್ ಭುರ್ಗ್ಯಾಬರಿ ಮಾನುನ್ ಘೆನಾ, ತಾಕಾ ತಾಂತುಂ ರೀಗ್ ಆಸ್ಚಿನಾ.” ಉಪ್ರಾಂತ್ ಜೆಜುನ್ ಭುರ್ಗ್ಯಾಂಕ್ ಪೊಟ್ಲುನ್ ಧರ್ಲಿಂ ಆನಿ ತಾಂಚೆರ್ ಆಪ್ಲೆ ಹಾತ್ ದವರ್ನ್ ತಾಂಕಾಂ ಆಶೀರ್ವಾದ್ ದಿಲೊ.

ಸಪ್ತೆಂಬರ್ 29 – ಸಾಧ್ಯಾ ಕಾಳಾಚೊ ಸವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಗಣನ್ 11:25-29 ಸರ್ವೆಸ್ಪರ್ ಎಕಾ ಕುಪಾಂತ್ ಸಕ್ಲಾ ದೆಂವ್ಲೊ. ತೊ ಮೊಯ್ಜೆ ಕಡೆ ಉಲಯ್ಲೊ. ತಾಣೆಂ ಮೊಯ್ಜೆಚೆರ್ ಆಸ್ಲಲೊ ಇಲ್ಲೊ ಅತ್ಮೊ ಘೆವ್ನ್ ತೊ ಸತ್ತರ್ ಮಾಲ್ಗಡ್ಯಾಂಚೆರ್ ಘಾಲೊ. ಅತ್ಮೊ ತಾಂಚೆರ್ ಯೆನಾ ಫುಡೆಂ, ತಾಂಣಿಂ ಪ್ರವಾದ್ ಕೆಲೊ. ದೋಗ್ ಮನಿಸ್ ಶಿಬಿರಾಂತ್ ರಾವ್‍ಲ್ಲೆ; ಎಕ್ಲ್ಯಾಚೆಂ ನಾಂವ್ ಎದಾದ್, ಆನ್ಯೆಕ್ಲ್ಯಾಚೆಂ ನಾಂವ್ ಮೆದಾದ್. ಅತ್ಮೊ ತಾಂಚೆರ್ ಯಿ ಆಯ್ಲೊ. ತೆ ಶಿಬಿರಾಂತ್ಲೆ ಭಾಯ್ರ್ ವಚುಂಕ್ ನಾತ್ಲೆ ತರಿ ತಾಂಚಿಂ ನಾಂವಾಂ ಹೆರಾಂಚ್ಯಾ ನಾಂವಾಂ ಸಾಂಗಾತಾ ದಾಖಲ್ ಜಾಲ್ಲಿಂ. ತಾಂಣಿಂ ಶಿಬಿರಾಂತ್ ಪ್ರವಾದ್ ಕರುಂಕ್ ಸುರು ಕೆಲೆಂ. ಏಕ್ ತರ್ನಾಟೊ ಮೊಯ್ಜೆಕ್ ಹಿ ಖಬರ್ ದಿಂವ್ಕ್ ಧಾಂವ್ಲೊ; ತಾಣೆಂ ಮ್ಹಳೆಂ: “ಎದಾದ್ ಆನಿ ಮೆದಾದ್ ಶಿಬಿರಾಂತ್ ಪ್ರವಾದ್ ಕರ್ತಾತ್!” ಆಪ್ಲೆ ತರ್ನಾಟೆ ಪ್ರಾಯೆ ಥಾವ್ನ್ ಮೊಯ್ಜೆಚಿ ಸೆವಾ ಕರುನ್ ಆಸ್ಲಲ್ಯಾ ನೂನಾಚ್ಯಾ ಪುತಾನ್ ಜೊಶ್ವಾನ್ ತಾಕಾ ಸಾಂಗ್ಲೆಂ: “ಮೊಯ್ಜೆ, ಮ್ಹಜ್ಯಾ ಧನಿಯಾ, ತಾಂಕಾಂ ಆಡಾಯ್ ಕರ್!” ಮೊಯ್ಜೆನ್ ತಾಕಾ ಜಾಪ್ ದಿಲಿ: “ಮ್ಹಜೆ ಪಾಸತ್ ತುಂ ಮೊಸ್ರಿ ಜಾಲಾಯ್? ಸರ್ವೆಸ್ಪರಾಚೊ ಸಗ್ಳೊ ಲೋಕ್ ಪ್ರವಾದಿ ಜಾಲ್ಲೊ ಜಾಲ್ಯಾರ್ ಆನಿ ಸರ್ವೆಸ್ಪರಾನ್ ತಾಂಕಾಂ ಸಕ್ಡಾಂಕ್ ಆಪ್ಲೊ ಅತ್ಮೊ ದಿಲ್ಲೊ ಜಾಲ್ಯಾರ್ ಬರೆಂ ಜಾತೆಂ!”

ಸಪ್ತೆಂಬರ್ 29 – ಸಾಧ್ಯಾ ಕಾಳಾಚೊ ಸವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 18:8, 10, 12-14 ಶ್ಲೋಕ್: ಸರ್ವೆಸ್ಪರಾಚ್ಯೊ ಆಜ್ಞಾ ನಿತಿಚ್ಯೊ ಕಾಳ್ಜಾಚೊ ಸಂತೊಸ್ 1. ಸರ್ವೆಸ್ಪರಾಚಿ ಶಿಕೊವ್ಣ್ ಭೊವ್ ಬರಿ, ಜಿವಾಚಿ ತಿ ಘಟಾಯ್! ಸರ್ವೆಸ್ಪರಾಚಿಂ ನಿಯಮಾಂ ಮತಿಕ್ ಉಜ್ವಾಡ್, ನೆಣ್ತ್ಯಾಂಚಿ ತಿಂ ಜಾಣ್ವಾಯ್! 2. ಸರ್ವೆಸ್ಪರಾಚಿ ಭ್ಯೆಂ ಭಿರಾಂತ್ ಭೊವ್ ಪವಿತ್ರ್, ಸದಾಂಚ್ ಬಾಳ್ತಾ! ಸರ್ವೆಸ್ಪರಾಚೆ ನಿರ್ಣಯ್ ವಿಶ್ವಾಸ್‍ಪಾತ್ರ್, ತೆ ಸಗ್ಳೆ ನಿತಿಚೆ! 3. ತಾಂತುಂ ಮೆಳ್ತಾ ತುಜ್ಯಾ ಸೆವಕಾಕ್ ಖರಿ ಜಾಣ್ವಾಯ್, ತಾಂಕಾಂ ಪಾಳೊ ದಿವ್ನ್ ವ್ಹಡ್ ಇನಾಮ್ ತೊ ಜೊಡ್ತಾ. ಆಪ್ಲ್ಯಾ ಸಗ್ಳ್ಯಾ ಚುಕಿಂಚಿ ಕೊಣಾಕ್ ವಳಕ್ ಆಸಾ! ದೆಕುನ್ ನೆಣಾರ್ಪಣಿಂ ಕೆಲ್ಲ್ಯೊ ಚುಕಿ ಮ್ಹಾಕಾ ಭೊಗಸ್. 4. ಗರ್ವಾನ್ ಪಾತ್ಕಾಂತ್ ಪಡುಂಕ್ ತುಜ್ಯಾ ಸೆವಕಾಕ್ ತುಂ ದೀನಾಕಾ, ತಸಲ್ಯಾ ಪಾತ್ಕಾಂನಿ ಮ್ಹಜೆರ್ ಅಧಿಕಾರ್ ಚಲೊಂವ್ಕ್ ಸೊಡಿನಾಕಾ. ತೆದ್ವಾಂ ಹಾಂವ್ ನಿರ್ದೊಶಿ ಜಾತಲೊಂ ಆನಿ ಮಹಾ ಪಾತ್ಕಾಂತ್ಲೊ ಮೆಕ್ಳೊ ರಾವ್ತಲೊಂ.

ಸಪ್ತೆಂಬರ್ 29 – ಸಾಧ್ಯಾ ಕಾಳಾಚೊ ಸವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಜಾಕೊಬ್ 5:1-6 ಆನಿ ಆತಾಂ, ತುಮ್ಕಾಂ ಗ್ರೆಸ್ತಾಂಕ್ ಏಕ್ ಉತರ್ ಸಾಂಗ್ತಾಂ: ತುಮ್ಚೇ ವಯ್ರ್ ಯೆವ್ಚಿಂ ಆಸಾತ್ ತ್ಯಾ ಅನ್ವಾರಾಂ ಖಾತಿರ್ ತುಮಿ ರಡಜಯ್ ಆನಿ ವಿಳಾಪ್ ಕರಿಜಯ್. ತುಮ್ಚೊ ದುಡು ಕುಸೊನ್ ಗೆಲಾ. ತುಮ್ಚಿ ನಾಜೂಕ್ ಮುಸ್ತಾಯ್ಕಿ ಸಾಣ್ಸಿನ್ ಕಾಂತಯ್ಲ್ಯಾ. ತುಮ್ಚ್ಯಾ ಭಾಂಗಾರಾಕ್ ಆನಿ ರುಪ್ಯಾಕ್ ಮಾತಿ ಖೆಲ್ಯಾ; ತಿ ಮಾತಿ ತುಮ್ಚೇ ವಿರೋಧ್ ರುಜ್ವಾತ್ ಜಾಂವ್ಕ್ ಪಾವ್ತಲಿ ಆನಿ ಉಜ್ಯಾಬರಿ ತುಮ್ಚೆಂ ಮಾಸ್ ಗ್ರಾಸಿತಲಿ. ಅಂತ್ ಲಾಗಿಂ ಪಾವ್ಲಲ್ಯಾ ಹ್ಯಾ ಕಾಳಾರ್ ತುಮಿ ದಿರ್ವಿಂ ಪುಂಜಾಯ್ಲ್ಯಾಂತ್. ಪಳೆಯಾ, ತುಮ್ಚಿಂ ಶೆತಾಂ ಲುಂವ್‍ಲ್ಲ್ಯಾ ವಾವ್ರಾಡ್ಯಾಂಚಿ ಮಜುರಿ ದೀನಾಸ್ತಾನಾ ಅನ್ನ್ಯಾಯಾನ್ ತುಮಿ ದವರ್ಲ್ಯಾ; ತಿ ತುಮ್ಚೇ ವಿರೋಧ್ ಬೊಬ್ ಘಾಲ್ತಾ ಆನಿ ತಾಂಚ್ಯಾ ಹಾಲ್‍ಹವಾಲಾಚೆ ಸಬ್ದ್ ಫವ್ಜಿಂಚ್ಯಾ ಧನಿಯಾಚ್ಯಾ ಕಾನಾಂತ್ ಪಡ್ಲ್ಯಾತ್. ಸಂಸಾರಿಂ ತುಮಿ ಗಮ್ಮತಾನ್ ಆನಿ ಖುಶಾಲಾಯೆನ್ ಜಿಯೆಲ್ಯಾತ್ ಆನಿ ತುಮ್ಚಿಂ ಕಾಳ್ಜಾಂ ಮಾಸಾಕ್ ಕಾತರ್ಚ್ಯಾ ಪುಷ್ಟಿ ಪಾಡ್ಯಾಂಬರಿ ಚರ್ಬೆನ್ ವಾಡೊವ್ನ್ ಸಂಹಾರಾಚ್ಯಾ ದಿಸಾಕ್ ಆಯ್ತಿಂ ಕೆಲ್ಯಾಂತ್. ನಿರಪ್ರಾಧ್ಯಾಂಕ್ ಗುನ್ಯಾಂವ್ಕಾರ್ ಕರ್ನ್ ತುಮಿ ತಾಂಕಾಂ ಜಿವೆಶಿಂ ಮಾರ್ಲ್ಯಾಂತ್; ತಿಂ ತುಮ್ಕಾಂ ಆಡ್ ರಾವುಂಕ್ ನಾತ್.

ಸಪ್ತೆಂಬರ್ 29 – ಸಾಧ್ಯಾ ಕಾಳಾಚೊ ಸವಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 9:38-43, 45, 47-48 ಜುವಾಂವ್ನ್ ತಾಚೇಲಾಗಿಂ ಮ್ಹಳೆಂ: “ಮೆಸ್ತ್ರಿ, ತುಜೇ ನಾಂವಿಂ ದೆಂವ್ಚಾರ್ ಸೊಡಯ್ತಲ್ಯಾ ಎಕ್ಲ್ಯಾಕ್ ಆಮಿ ದೆಖ್ಲೊ; ಆನಿ ತೊ ಆಮ್ಚ್ಯಾ ಪಂಗ್ಡಾಚೊ ನ್ಹಯ್ ದೆಕುನ್, ತಾಕಾ ಆಮಿ ತಶೆಂ ಕರುಂಕ್ ಆಡ್ವಾರ್ಲೆಂ.” ಜೆಜುನ್ ತಾಕಾ ಜಾಪ್ ದಿಲಿ: “ತಾಕಾ ಆಡ್ವಾರ್ನಾಕಾತ್; ಮ್ಹಜ್ಯಾ ನಾಂವಾನ್ ಆಚರ್ಯಾಂ ಕರ್ನ್, ದುಸ್ರೆಚ್ ಘಡಿಯೇ ಮ್ಹಜೇ ವಿಶ್ಯಾಂತ್ ಅಪಪ್ರಚಾರ್ ಕರಿತ್ ತಸಲೊ ಕೊಣ್‍ಚ್ ನಾ. ಕಿತ್ಯಾಕ್ ಜೊ ಕೊಣ್ ಅಮ್ಕಾಂ ವಿರೋಧ್ ನ್ಹಯ್, ತೊ ಆಮ್ಚೇ ಪಕ್ಷೆಚೊ. ತುಮಿ ಕ್ರಿಸ್ತಾಚೆ ಪಾಟ್ಲಾವ್ದಾರ್ ಮ್ಹಳ್ಳೇ ಖಾತಿರ್ ಕೊಣ್‍ಯೀ ತುಮ್ಕಾಂ ಏಕ್ ಕೊಪ್ ಉದಕ್ ಪಿಯೆಂವ್ಕ್ ದೀತ್ ಜಾಲ್ಯಾರ್, ಸತ್‍ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ, ತಾಚೆಂ ಇನಾಮ್ ತಾಕಾ ಕೆದಿಂಚ್ ಚುಕ್ಚೆಂನಾ.” ಜೊ ಕೊಣ್ ಮ್ಹಾಕಾ ಸತ್ಮಾನ್ತಲ್ಯಾ ಹ್ಯಾ ಲ್ಹಾನಾಂ ಪೈಕಿ ಎಕ್ಲ್ಯಾಕ್ ಪಾತ್ಕಾಕ್ ಕಾರಣ್ ಜಾತಾ, ತಾಚ್ಯಾ ಗೊಮ್ಟ್ಯಾಕ್ ಏಕ್ ದಾಂತ್ಯಾಫಾತರ್ ಬಾಂಧುನ್ ತಾಕಾ ದರ್ಯಾಂತ್ ಉಡೊಂವ್ಚೆಂ ಬರೆಂ. ತುಜೊ ಹಾತ್ ತುಕಾ ಪಾತ್ಕಾಕ್ ಕಾರಣ್ ಜಾತಾ ಜಾಲ್ಯಾರ್ ತೊ ಕಾತರ್ನ್ ಉಡಯ್; ದೋನ್ ಹಾತ್ ಆಸುನ್ ಯೆಮ್ಕೊಂಡಾಚ್ಯಾ ಪಾಲ್ವನಾ ತಸಲ್ಯಾ ಯಜ್ಯಾಂತ್ ತುಕಾ ಉಡೊಂವ್ಚೇ ಪ್ರಾಸ್, ಏಕ್ ಹಾತ್ ಆಸುನ್ ತುವೆಂ ಜಿವಿತಾಂತ್ ಭಿತರ್ ಸರ್ಚೆಂ ತುಕಾ ಕಿತ್ಲ್ಯಾಕ್‍ಯೀ ಬರೆಂ. ಆನಿ ತುಜೊ ಪಾಂಯ್ ತುಕಾ ಪಾತ್ಕಾಕ್ ಕಾರಣ್ ಜಾತಾ ಜಾಲ್ಯಾರ್, ತೊ ಕಾತರ್ನ್ ಉಡಯ್; ದೋನ್ ಪಾಂಯ್ ಆಸುನ್ ಯಮ್ಕೊಂಡಾಚ್ಯಾ ಉಜ್ಯಾಂತ್ ತುಕಾ ಉಡೊಂವ್ಚೇ ಪ್ರಾಸ್, ಥೊಂಟೊ ಜಾವ್ನ್ ತುವೆಂ ಜಿವಿತಾಂತ್ ಭಿತರ್ ಸರ್ಚೆಂ ತುಕಾ ಕಿತ್ಲ್ಯಾಕ್‍ಯೀ ಬರೆಂ. ಆನಿ ತುಜೊ ದೊಳೊ ತುಕಾ ಪಾತ್ಕಾಕ್ ಕಾರಣ್ ಜಾತಾ ಜಾಲ್ಯಾರ್, ತೊ ಕೊಂಕುನ್ ಕಾಡ್; ದೋನ್ ದೊಳೆ ಆಸುನ್ ತುವೆಂ ದೆವಾಚ್ಯಾ ರಾಜ್ಯಾಂತ್ ಭಿತರ್ ಸರ್ಚೆಂ ತುಕಾ ಕಿತ್ಲ್ಯಾಕ್‍ಯೀ ಬರೆಂ- ಥಂಯ್ ಖಾವ್ಪಿ ಕಿಡೊ ಕೆದಿಂಚ್ ಮೊರಾನಾ ಆನಿ ಜಳ್ತೊ ಉಜೊ ಕೆದಿಂಚ್ ಪಾಲ್ವನಾ.

ಸಪ್ತೆಂಬರ್ 22 – ಸಾಧ್ಯಾ ಕಾಳಾಚೊ ಪಂಚ್ವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಜಾಣ್ವಾಯ್ 2:12, 17-20 ಪ್ರಾಮಾಣಿಕ್ ಮನ್ಶಾಕ್ ಪಾಸ್ ಮಾಂಡುಂಯಾ, ಕಿತ್ಯಾಕ್ ತೊ ಆಮ್ಕಾಂ ಹರ್ಕತ್ ಜಾಲಾ ಆನಿ ಆಮ್ಚೆ ಚಾಲಿಕ್ ತೊ ಆಡ್ ರಾವ್ತಾ, ಧರ್ಮ್‍ಶಾಸ್ತ್ರಾ ವಿರೋಧ್ ಕೆಲ್ಲ್ಯಾ ಪಾತ್ಕಾಂ ಖಾತಿರ್ ತೊ ಆಮ್ಚೆರ್ ಆರೋಪ್ ಲಾಯ್ತಾ ಆನಿ ಆಮ್ಕಾಂ ಮೆಳ್ಳಲ್ಯಾ ಶಿಕ್ಷಣಾ ವಿರೋಧ್ ಕೆಲ್ಲ್ಯಾ ಪಾತ್ಕಾಂ ಖಾತಿರ್ ತೊ ಆಮ್ಕಾಂ ಗುನ್ಯಾಂವ್ಕಾರ್ ಕರ್ತಾ. ತಾಚಿಂ ಉತ್ರಾಂ ಖರಿಂ ಕಿ ಮ್ಹಣ್ ಪಳೆಂವ್ಯಾ, ತಾಕಾ ಕಿತೆಂ ಘಡ್ತಲೆಂ ಮ್ಹಣ್ ಸೊಧುನ್ ಕಾಡ್ಯಾಂ. ಜರ್‍ತರ್ ಪ್ರಾಮಾಣಿಕ್ ಮನಿಸ್ ದೆವಾಚೊ ಪೂತ್, ದೇವ್ ತಾಕಾ ರಾಕ್ತಲೊ ಆನಿ ತಾಚ್ಯಾ ದುಸ್ಮಾನಾಂಚ್ಯಾ ಹಾತಾಂತ್ಲೊ ತಾಕಾ ನಿವಾರ್ತಲೊ. ಅಕ್ಮಾನಾಂನಿ ಆನಿ ವಳ್ವಳ್ಯಾಂನಿ ತಾಚಿ ಪರಿಕ್ಷಾ ಕರ್ಯಾಂ, ಅಶೆಂ ತಾಚೆಂ ಲೀನ್ಪಣ್ ಆಮ್ಕಾಂ ಕಳಿತ್ ಜಾತಲೆಂ ಆನಿ ತಾಚಿ ಸೊಸ್ಣಿಕಾಯ್ ಆಮಿ ಪಾರ್ಕಿತಲ್ಯಾಂವ್. ಲಜೆಚ್ಯಾ ಮರಣಾಚೆಂ ಪರ್ಮಾಣ್ ತಾಕಾ ದಿಂವ್ಯಾಂ; ಕಿತ್ಯಾಕ್ ಆಪ್ಣಾಕ್ ದೇವ್ ಪಾವ್ತಲೊ ಮ್ಹಣ್ ತಾಣೆಂಚ್ ಆಮ್ಕಾಂ ಸಾಂಗ್ಲಾಂ.”

ಸಪ್ತೆಂಬರ್ 22 – ಸಾಧ್ಯಾ ಕಾಳಾಚೊ ಪಂಚ್ವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 54 ಶ್ಲೋಕ್: ಸರ್ವೆಸ್ಪರ್ ಚ್ ಮ್ಹಜ್ಯಾ ಜಿವಾಚೊ ರಾಖ್ಣೊ 1. ತುಜ್ಯಾ ನಾಂವಾಚ್ಯೆ ಪದ್ವೆನ್ ಮ್ಹಾಕಾ ನಿವಾರ್, ದೆವಾ, ತುಜ್ಯಾ ಬಳಾನ್ ಮ್ಹಾಕಾ ನೀತ್ ಕರ್ನ್ ದಿ. ಮ್ಹಜೆಂ ಮಾಗ್ಣೆಂ ಆಯ್ಕ್ ದೆವಾ, ಮ್ಹಜ್ಯಾ ಉತ್ರಾಂಕ್ ಕಾನ್ ದಿ. 2. ಗರ್ವಿ ಮನಿಸ್ ಮ್ಹಜೆರ್ ಉಪ್ರಾಟ್ಲ್ಯಾತ್, ಧಾರುಣ್ ಮನಿಸ್ ಮ್ಹಜೊ ಜೀವ್ ಕಾಡುಂಕ್ ಸೊದ್ತಾತ್- ದೆವಾಚಿ ತಾಂಕಾಂ ಕಾಂಯ್ಚ್ ಪರ್ವಾ ನಾ. 3. ದೇವ್‍ಚ್ ಮ್ಹಜೊ ಆಧಾರ್, ಸರ್ವೆಸ್ಪರ್ ಚ್ ಮ್ಹಜ್ಯಾ ಜಿವಾಚೊ ರಾಖ್ಣೊ - ಹೆಂ ಹಾಂವ್ ಜಾಣಾಂ. ದೆಕುನ್ ಧಾದೊಶಿ ಮನಾನ್ ಹಾಂವ್ ತುಕಾ ಯಜ್ಞ್ ಭೆಟಯ್ತಾಂ, ಆನಿ ತುಂ ಭೋವ್ ಕಣ್ವಾಳೊ ಮ್ಹಣುನ್ ತುಕಾ ವಾಖಾಣ್ತಾಂ.

ಸಪ್ತೆಂಬರ್ 22 – ಸಾಧ್ಯಾ ಕಾಳಾಚೊ ಪಂಚ್ವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಜಾಕೊಬ್ 3:16-4:3 ಜಂಯ್ ಮಸರ್ ಆನಿ ಅಬಿಲಾಷಾ ಆಸಾ, ಥಂಯ್ ಅಕ್ರಮ್ ಆನಿ ಹರ್ಯೇಕ್ ಅಣ್ವಿ ಕರ್ನಿ ಆಸಾ. ಪುಣ್ ವಯ್ರ್ ಥಾವ್ನ್ ಲಾಬ್ತಾ ತಿ ಜಾಣ್ವಾಯ್ ಪಯ್ಲೇ ಸುವಾತೆರ್ ನಿತಳ್; ಸಾಂಗಾತಾಚ್ ಸಮಾಧಾನಾಚಿ, ಭೊಳಿ, ಸುಧಾರ್ಸುನ್ ವ್ಹರ್ತಾ ತಸಲಿ, ದಯಾಳಾಯೆನ್ ಭರ್ಲಲಿ, ಬರ್ಯಾ ಕರ್ನ್ಯಾಂಚೆಂ ಫಳ್ ದಿತಲಿ, ಆನಿ ಪಕ್ಷಪಾತ್ ಆನಿ ಕಪಟೀಪಣ್ ನಾತ್ಲಲಿ. ಜಿಂ ಕೊಣ್ ಸಮಾಧಾನ್ ಸೊಧ್ತಾತ್, ತಿಂ ಸಮಾಧಾನಾಚೆಂ ಬಿಂ ಒಂಪುನ್ ನಿತಿವಂತ್ಪಣಾಚಿಂ ಫಳಾಂ ಲುಂವ್ತಾತ್. ತುಮ್ಚೇ ಮಧೆಂ ಲಡಾಯ್ ಆನಿ ಝಗ್ಡೆಂ ಖಂಯ್ ಥಾವ್ನ್ ಉಬ್ಜತಾ? ತುಮ್ಚ್ಯಾ ಕುಡಿವಿಸ್ವ್ಯಾಂ ಭಿತರ್ ಝುಜ್ ಮಾಂಡ್ತಲ್ಯಾ ಖೊಟ್ಯಾ ವೊಡ್ಣ್ಯಾಂ ಥಾವ್ನ್ ನ್ಹಯ್‍ವೆ? ತುಮಿ ಆಶೆತಾತ್ ತಿ ವಸ್ತ್ ತುಮ್ಕಾಂ ಮೆಳನಾ ದೆಕುನ್ ಖುನಿ ಕರುಂಕ್ ಸಯ್ತ್ ತುಮಿ ತಯಾರ್. ತುಮ್ಕಾಂ ಕಠಿಣ್ ಆಶಾ ಭೊಗ್ತಾ, ತರಿಪುಣ್ ತುಮಿ ಆಶೆತಾತ್ ತೆಂ ತುಮ್ಕಾಂ ಮೆಳನಾ; ತ್ಯಾ ಪಾಸತ್ ತುಮಿ ಝಗಡ್ತಾತ್ ಆನಿ ಲಡಾಯ್ ಕರ್ತಾತ್. ತುಮಿ ಆಶೆತಾತ್ ತೆಂ ತುಮ್ಕಾಂ ಮೆಳನಾ, ಕಿತ್ಯಾಕ್ ತುಮಿ ಮಾಗಿನಾತ್. ವಾ ತುಮಿ ಮಾಗ್ತಾತ್ ಜಾವ್ಯೆತ್, ಪುಣ್ ತುಮ್ಕಾಂ ಮೆಳನಾ, ಕಿತ್ಯಾಕ್ ತುಮ್ಚ್ಯಾ ಖುಶಾಲಾಯಾಂಕ್ ಲಾಗುನ್ ಪಾಡ್ ಇರಾದ್ಯಾನ್ ತುಮಿ ಮಾಗ್ತಾತ್.

ಸಪ್ತೆಂಬರ್ 22 – ಸಾಧ್ಯಾ ಕಾಳಾಚೊ ಪಂಚ್ವಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 9:30-37 ಥಂಯ್ ಥಾವ್ನ್ ಭಾಯ್ರ್ ಸರ್ನ್ ತೆ ಗಾಲಿಲೆಯಾಂತ್ಲ್ಯಾನ್ ಉತರ್ತಾಲೆ. ತೆ ವೆತಾತ್ ತೆಂ ಕೊಣಾಕ್‍ಚ್ ಕಳಿತ್ ಜಾವ್ಚೇಂ ತಾಕಾ ನಾಕಾ ಆಸ್ಲೆಂ. ಕಿತ್ಯಾಕ್ ತಾಚ್ಯಾ ಶಿಸಾಂಕ್ ತೊ ಶಿಕಯ್ತ್ ಅಶೆಂ ಸಾಂಗ್ತಾಲೊ: “ಮನ್ಶಾ ಪುತಾಕ್ ಧರ್ನ್ ಲೊಕಾಚ್ಯಾ ಹಾತಾಂತ್ ದಿತಲೆ; ಅನಿ ತೆ ತಾಕಾ ಜಿವೆಶಿಂ ಮಾರ್ತಲೆ; ಪುಣ್ ಜಿವೆಶಿಂ ಮಾರ್ತಚ್ ತಿಸ್ರ್ಯಾ ದಿಸಾ ತೊ ಜಿವಂತ್ ಉಠ್ತಲೊ.” ಪುಣ್ ಹ್ಯಾ ಉತ್ರಾಂಚೊ ತಾಂಕಾಂ ಅರ್ಥ್ ಜಾಲೊನಾ ಆನಿ ತಾಚೇಲಾಗಿಂ ವಿಚಾರುಂಕ್‍ಯೀ ತಾಂಣಿಂ ಧೈರ್ ಘೆತ್ಲೆಂನಾ. ತೆ ಕಫಾರ್ನಂವ್ ಯೇವ್ನ್ ಪಾವ್ಲೆ. ಆನಿ ಘರಾ ಪಾವ್ತಚ್, “ತುಮಿ ವಾಟೇರ್ ಕಿತೆಂ ತರ್ಕ್ ಕರಿತ್ ಆಸ್‍ಲ್ಲ್ಯಾತ್?” ಮ್ಹಣುನ್ ಜೆಜುನ್ ಆಪ್ಲ್ಯಾ ಶಿಸಾಂಲಾಗಿಂ ವಿಚಾರ್ಲೆಂ. ಪುಣ್ ತಾಂಣಿಂ ಜಾಪ್ ಕಾಡ್ಲಿನಾ; ಕಾರಣ್ ತಾಂಚೇ ಮಧೆಂ ಕೋಣ್ ವ್ಹಡ್ ಮ್ಹಣ್ ವಾಟೇರ್ ಆಸ್ತಾನಾ ತಾಂಣಿಂ ಎಕಾಮೆಕಾ ತರ್ಕ್ ಕೆಲ್ಲೆಂ. ತೆವಾಂ ತೊ ಬಸ್ಲೊ ಆನಿ ಬಾರಾಂಕ್ ಆಪ್ಣಾ ಸರ್ಶಿಂ ಆಪವ್ನ್ ತಾಂಚೇಲಾಗಿಂ ಮ್ಹಣಾಲೊ: “ಜರ್ ಕೊಣ್ ಎಕ್ಲೊ ಪಯ್ಲೊ ಜಾಂವ್ಕ್ ಅಪೇಕ್ಷಿತಾ, ತರ್ ತಾಣೆಂ ಸಕ್ಟಾಂಚ್ಯಾಕ್‍ಯೀ ನಿಮಾಣೊ ಜಾಯ್ಜಯ್.” ಉಪ್ರಾಂತ್ ಏಕ್ ಲ್ಹಾನ್ ಭುರ್ಗ್ಯಾಕ್ ಆಪವ್ನ್ ತಾಂಚೇಂ ಮಧೆಗತ್ ತಾಣೆಂ ಉಬೊ ಕೆಲೊ ಆನಿ ತಾಕಾ ಪೊಟ್ಲುನ್ ಧರ್ನ್ ತಾಂಚೇಲಾಗಿಂ ತೊ ಮ್ಹಣಾಲೊ: “ಜೊ ಕೊಣ್ ಆಸಲ್ಯಾ ಭುರ್ಗ್ಯಾಕ್ ಮ್ಹಜೇ ನಾಂವಿ ಘೆತಾ, ತೊ ಮ್ಹಾಕಾಚ್ ಘೆತಾ; ಆನಿ ಜೊ ಕೊಣ್ ಮ್ಹಾಕಾ ಘೆತಾ ತೊ ಮ್ಹಾಕಾ ನ್ಹಯ್, ಬಗರ್ ಮ್ಹಾಕಾ ಪಾಠಯ್‍ಲ್ಲ್ಯಾಕ್ ಘೆತಾ.”

ಸಪ್ತೆಂಬರ್ 15 – ಸಾಧ್ಯಾ ಕಾಳಾಚೊ ಚೊವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಇಸಾ 50:5-9 5. ಸರ್ವೆಸ್ಪರಾ ದೆವಾನ್ ಮ್ಹಜೊ ಕಾನ್ ಉಗಡ್ಲಾ, ಆನಿ ಹಾಂವ್ ಉಪ್ರಾಟುಂಕ್ ನಾ, ಹಾಂವ್ ಪಾಟಿಂ ಸರುಂಕ್ ನಾ. 6. ಮ್ಹಾಕಾ ಮಾರ್ತಲ್ಯಾಂಕ್ ಹಾಂವೆಂ ಮ್ಹಜಿ ಪಾಟ್ ದಾಕಯ್ಲಿ, ಮ್ಹಜೆಂ ಖಾಡ್ ವಡ್ತಲ್ಯಾಂಕ್ ಹಾಂವೆಂ ಮ್ಹಜೆ ಪೊಲೆ ದಾಕಯ್ಲೆ; ಕೆಂಡ್ಣ್ಯಾಂ ಆನಿ ಥಿಂಪಿಯೆ ಮುಕಾರ್ ಹಾಂವೆಂ ಮ್ಹಜೆಂ ತೋಂಡ್ ಲಿಪೊಂವ್ಕ್ ನಾ. 7. ಸರ್ವೆಸ್ಪರ್ ದೇವ್ ಮ್ಹಜ್ಯಾ ಆಧಾರಾಕ್ ಯೆತಾ, ದೆಕುನ್ ಹಾಂವೆಂ ಅಕ್ಮಾನಾಚಿ ಪರ್ವಾ ಕರುಂಕ್ ನಾ; ದೆಕುನ್ ಹಾಂವೆಂ ಮ್ಹಜೆಂ ತೋಂಡ್ ಫಾತ್ರಾ ಭಾಶೆನ್ ಘಟ್ ಕೆಲಾಂ, ಹಾಂವ್ ಲಜೆಕ್ ಪಡ್ಚೊ ನಾ ಮ್ಹಣ್ ಹಾಂವ್ ಜಾಣಾಂ. 8. ಮ್ಹಾಕಾ ನೀತ್ ಕರುನ್ ದಿತಾ ತೊ ಲಾಗಿಂಚ್ ಆಸಾ, ತರ್ ಮ್ಹಜೆರ್ ಕೋಣ್ ಫಿರ್ಯಾದ್ ಕರಿತ್? ಆಮಿ ಸಾಂಗಾತಾ ಸದ್ರೆ ಮುಕಾರ್ ವಚುಂಯಾ. ಮ್ಹಜೆ ವಿರೋಧ್ ಕೊಣಾಚೊ ದಾವೊ ಆಸಾ? ತೊ ಮ್ಹಜೆ ಮುಕಾರ್ ರಾವುಂ. 9. ಪಳೆಯಾ, ಸರ್ವೆಸ್ಪರ್ ದೇವ್ ಮ್ಹಜ್ಯಾ ಆಧಾರಾಕ್ ಯೆತಾ; ಹಾಂವ್ ಗುನ್ಯಾಂವ್ಕಾರ್ ಮ್ಹಣ್ ಕೋಣ್ ಥಾರಾಯ್ತ್? ಪಳೆಯಾ, ಸಾಣ್ಶಿನ್ ಖೆಲ್ಲ್ಯಾ ವಸ್ತ್ರಾ ಭಾಶೆನ್ ತೆ ಝರೊನ್ ವೆತಲೆ.

ಸಪ್ತೆಂಬರ್ 15 – ಸಾಧ್ಯಾ ಕಾಳಾಚೊ ಚೊವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 114 ಶ್ಲೋಕ್: ಜಿವಂತಾಂಚ್ಯಾ ಗಾಂವಾಂತ್ ಸೊಮಿಯಾ ಹುಜಿರ್ ಹಾಂವ್ ಚಲ್ತಲೊಂ. 1. ಸರ್ವೆಸ್ಪರಾಚ್ಯಾ ಮೊಗಾನ್ ಭರ್ಲಾಂ ಮ್ಹಜೆಂ ಕಾಳಿಜ್, ಕಿತ್ಯಾಕ್ ತಾಣೆಂ ಆಯ್ಕುನ್ ಘೆತ್ಲಿ ಮ್ಹಜಿ ವಿನೊವ್ಣಿ. ಹಾಂವೆಂ ತಾಕಾ ಉಲೊ ಮಾರ್ಲಲ್ಯಾ ತ್ಯಾ ವೆಳಾರ್ ತಾಣೆಂ ಆಪ್ಲೆ ಕಾನ್ ಮ್ಹಜ್ಯೆಶಿಂ ಪರ್ತಿಲೆ. 2. ಮೊರ್ನಾಚ್ಯಾ ಪಾಸಾಂನಿ ಮ್ಹಾಕಾ ವೆಡೊ ಘಾಲೊ, ಪಾತಾಳಾಚೊ ಆಕಾಂತ್ ಮ್ಹಜೆರ್ ಆಯ್ಲೊ, ಖಂತಿ ದುಖಿಂತ್ ಹಾಂವ್ ಬುಡ್ಲೊಂ ತವಳ್ ಸರ್ವೆಸ್ಪರಾಚೆಂ ನಾಂವ್ ಕಾಡ್ಲೆಂ, “ಸರ್ವೆಸ್ಪರಾ, ಮ್ಹಜ್ಯಾ ದೆವಾ, ಮ್ಹಾಕಾ ನಿವಾರ್”ಮ್ಹಣುನ್ ಮಾಗ್ಲೆಂ. 3. ಕಿತ್ಲೊ ಉದಾರ್ ಆನಿ ದಯಾಳ್ ಸರ್ವೆಸ್ಪರ್! ಕಿತ್ಲೊ ಕಾಕುಳ್ತಿನ್ ಭರ್ಲಲೊ ಆಮ್ಚೊ ದೇವ್! ದುಬ್ಳ್ಯಾ-ಧಾಕ್ಟ್ಯಾಂಕ್ ಸರ್ವೆಸ್ಪರ್ ರಾಖ್ತಾ; ಹಾಂವ್ ಆಸ್ಲೊಂ ನಿರಾಧಾರಿ, ತಾಣೆಂ ಮ್ಹಾಕಾ ವಾಟಾಯ್ಲೊ. 4. ತಾಣೆಂ ಮ್ಹಾಕಾ ಮೊರ್ನಾಂತ್ಲೊ ನಿವಾರ್ಲೊ, ಮ್ಹಜಿಂ ದುಖಾಂ ಪುಸುನ್ ಕಾಡ್ಲಿಂ. ಹಾಂವೆಂ ಪಡನಾಶೆಂ ಮ್ಹಜಿಂ ಪಾಂವ್ಲಾಂ ತಾಣೆಂ ರಾಖ್ಲಿಂ. ಜಿವಂತಾಂಚ್ಯಾ ಗಾಂವಾಂತ್ ಸರ್ವೆಸ್ಪರಾ ಹುಜಿರ್ ಹಾಂವ್ ಚಲ್ತಲೊಂ.

ಸಪ್ತೆಂಬರ್ 15 – ಸಾಧ್ಯಾ ಕಾಳಾಚೊ ಚೊವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಜಾಕೊಬ್ 2:14-18 14. ಮ್ಹಜ್ಯಾ ಭಾವಾಂಭಯ್ಣಿಂನೋ, ಆಪ್ಣಾಕ್ ಭಾವಾರ್ಥ್ ಆಸಾ ಮ್ಹಣ್ತಲೊ ಏಕ್ ಮನಿಸ್ ಆಸಾ ಮ್ಹಣ್ ಚಿಂತ್ಯಾಂ. ಪುಣ್ ತೊ ಬರ್‍ಯೊ ಕರ್ನ್ಯೊ ಆಧಾರಿನಾ ಜಾಲ್ಯಾರ್ ತಾಕಾ ತೆಂ ಕಿತ್ಯಾಕ್ ಉಪ್ಕಾರ್ತಾ? ತಸಲೊ ಭಾವಾರ್ಥ್ ತಾಕಾ ಬಚಾವ್ ಕರುಂಕ್ ಸಕ್ತಲೊಗಿ? 15. ಕೊಣ್‍ಯೀ ಭಾವ್ ವಾ ಭಯ್ಣ್ ವಿಣ್ಗಿಂ ಆನಿ ದಿಸ್ಪಡ್ತೊ ಗ್ರಾಸ್ ನಾಸ್ತಾನಾ ಉಪ್ವಾಶೀ ಪಡ್ಲ್ಯಾಂತ್ ಮ್ಹಣ್ ಚಿಂತ್ಯಾಂ. 16. ತುಮ್ಚೇ ಮಧ್ಲೊ ಎಕ್ಲೊ “ತುಮ್ಕಾಂ ಬರೆಂ ಮಾಗ್ತಾಂ, ಉಬೆಚೆಂ ಕಿತೆಂಯೀ ಆಂಗಾರ್ ಘಾಲಾ ಆನಿ ಪೋಟ್‍ಭರ್ ಜೆವಾ” ಮ್ಹಣುನ್ ತಾಂಕಾಂ ಉತ್ರಾಂನಿ ಮಾತ್ರ್ ಸಾಂಗುನ್ ತಾಂಚ್ಯಾ ಕುಡಿಚ್ಯಾ ಗರ್ಜಾಂಕ್ ಪಾವನಾ ಜಾಲ್ಯಾರ್ ತೆಂ ಕಿತ್ಯಾಕ್ ಉಪ್ಕಾರ್ತಾ? 17. ಭಾವಾರ್ಥಾಚಿ ಗಜಾಲ್‍ಯೀ ತಶಿಚ್; ಭಾವಾರ್ಥಾ ಸವೆಂ ಬರ್ಯೊ ಕನ್ರ್ಯೊ ಆಸ್ಲ್ಯಾ ಶಿವಾಯ್ ತೊ ಭಾವಾರ್ಥ್ ಜೀವ್ ನಾತ್ಲಲೊ ಮ್ಹಣ್ಯೆತ್. 18. ತರಿಪುಣ್ ಕೊಣ್‍ಯೀ ಏಕ್ ಮನಿಸ್ ಮ್ಹಣುಂಕ್ ಪುರೊ : “ಎಕ್ಲ್ಯಾಕ್ ಭಾವಾರ್ಥ್ ಆಸಾ, ಆನ್ಯೆಕ್ಲ್ಯಾಕ್ ಬರ್‍ಯೊ ಕರ್ನ್ಯೊ ಆಸಾತ್.” ತ್ಯಾ ಮನ್ಶಾಕ್ ಮ್ಹಜಿ ಜಾಪ್ ಹಿ: “ಮ್ಹಜ್ಯೊ ಬರ್‍ಯೊ ಕರ್ನ್ಯೊ ದಾಖೊವ್ನ್ ಮ್ಹಾಕಾ ಭಾವಾರ್ಥ್ ಆಸಾ ಮ್ಹಣ್ ಹಾಂವ್ ರುಜು ಕರ್ತಾಂ. ಪುಣ್ ತುಂ ಕಸೊಲ್ಯೊಚ್ ಬರ್‍ಯೊ ಕರ್ನ್ಯೊ ನಾಸ್ತಾನಾ ತುಕಾ ಭಾವಾರ್ಥ್ ಆಸಾ ಮ್ಹಣ್ ರುಜು ಕರ್ನ್ ದಾಖಯ್.”

ಸಪ್ತೆಂಬರ್ 15 – ಸಾಧ್ಯಾ ಕಾಳಾಚೊ ಚೊವಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 8:27-35 27. ಉಪ್ರಾಂತ್ ಜೆಜು ಆಪ್ಲ್ಯಾ ಶಿಸಾಂ ಸಾಂಗಾತಾ ಸೆಜಾರೇಯಾ ಫಿಲಿಪ್ಪಿ ನಾಂವಾಚ್ಯಾ ಶಹರಾ ಭೊಂವ್ತಣಿಂಚ್ಯಾ ಹಳ್ಳ್ಯಾಂಕ್ ಭಾಯ್ರ್ ಸರ್ನ್ ಗೆಲೊ. ವಾಟೇರ್ ಆಸ್ತಾನಾ ಆಪ್ಲ್ಯಾ ಶಿಸಾಂಲಾಗಿಂ ತಾಣೆಂ ವಿಚಾರ್ಲೆಂ: “ಹಾಂವ್ ಕೊಣ್ ಮ್ಹಣ್ ಲೋಕ್ ಮ್ಹಣ್ತಾ?” 28. ತಾಂಣಿಂ ತಾಕಾ ಜಾಪ್ ದಿಲಿ: “ಥೊಡೆ ತುಂ ಸ್ನಾನ್‍ದಾತಾರ್ ಜುವಾಂವ್ ಮ್ಹಣ್ತಾತ್; ಹೆರ್ ಥೊಡೆ ತುಂ ಎಲಿಯಾ ಮ್ಹಣ್ತಾತ್; ಆನಿ ಹೆರ್ ತುಂ ಪ್ರವಾದ್ಯಾಂ ಮಧ್ಲೊ ಎಕ್ಲೊ ಮ್ಹಣ್ತಾತ್.” 29. ತವಳ್ ಜೆಜು ತಾಂಕಾಂ ವಿಚಾರಿ: “ಪುಣ್ ತುಮಿ, ಹಾಂವ್ ಕೋಣ್ ಮ್ಹಣ್ತಾತ್?” 30. ಪೆದ್ರುನ್ ತಾಕಾ ಜಾಪ್ ದೀವ್ನ್ ಮ್ಹಳೆಂ: “ತುಂ ಕ್ರೀಸ್ತ್.” ತೆದ್ವಾಂ ಆಪ್ಣಾ ವಿಶ್ಯಾಂತ್ ಕೊಣಾಕ್‍ಯೀ ತಾಂಣಿಂ ಸಾಂಗಿನಾಯೆ ಮ್ಹಣುನ್ ಜೆಜುನ್ ತಾಂಕಾಂ ಕಠಿಣ್ ತಾಕಿದ್ ದಿಲಿ. 31. ಆನಿ ಆತಾಂ, ಮನ್ಶಾಪುತಾನ್ ಕಷ್ಟ್ ಸೊಸ್ಚಿ, ಮ್ಹಾತ್ಭಾರ್ಯಾಂನಿ, ಪ್ರಧಾನ್ ಯಾಜಕಾಂನಿ ಆನಿ ಶಾಸ್ತ್ರ್ಯಾಂನಿ ತಾಕಾ ತಿರಸ್ಕಾರ್ ಕರ್ಚಿ, ತಾಕಾ ಜಿವೆಶಿಂ ಮಾರ್ಚಿ ಆನಿ ತಿಸ್ರ್ಯಾ ದಿಸಾ ತಾಣೆಂ ಜಿವಂತ್ ಉಟ್ಚಿ ಗರ್ಜ್ ಮ್ಹಣುನ್ ತೊ ಆಪ್ಲ್ಯಾ ಶಿಸಾಂಕ್ ಶಿಕೊಂವ್ಕ್ ಲಾಗ್ಲೊ. ತಿತ್ಲ್ಯಾರ್ ಪೆದ್ರು ತಾಕಾ ಕುಶಿನ್ ಆಪೊವ್ನ್ ಭೆಷ್ಟಾಂವ್ಕ್ ಲಾಗ್ಲೊ. 32-33. ಪುಣ್ ತೊ ಪಾಟಿಂ ಸರ್ನ್, ಆಪ್ಲ್ಯಾ ಶಿಸಾಂ ಮುಖಾರ್ ಪೆದ್ರುಕ್ ಭೆಷ್ಟಾವ್ನ್ ಮ್ಹಣಾಲೊ: “ಮ್ಹಜೇ ಸರ್ಶಿಲೊ ಪಯ್ಸ್ ಸರ್ ಸೈತಾನಾ! ದೇವ್ ಚಿಂತ್ತಾ ತಶೆಂ ತುಂ ಚಿಂತಿನಾಯ್. ಮನಿಸ್ ಚಿಂತ್ತಾ ತಶೆಂ ತುಂ ಚಿಂತ್ತಾಯ್.” 34. ಉಪ್ರಾಂತ್ ಆಪ್ಲ್ಯಾ ಶಿಸಾಂಕ್ ಆನಿ ಲೊಕಾಕ್ ಸಾಂಗಾತಾ ಆಪೊವ್ನ್ ತೊ ಮ್ಹಣಲೊ: “ಕೊಣ್‍ಯೀ ಮನಿಸ್ ಮ್ಹಜೊ ಪಾಟ್ಲಾವ್ ಕರುಂಕ್ ಖುಶಿ ವ್ಹರ್ತಾ ಜಾಲ್ಯಾರ್, ತೊ ಆಪ್ಣಾಕ್‍ಚ್ ಇನ್ಕಾರ್ ಕರುಂ; ಆಪ್ಲೊ ಖುರಿಸ್ ಉಕಲ್ನ್ ಘೆಂವ್ ಆನಿ ಮ್ಹಜ್ಯಾ ಪಾಟ್ಲ್ಯಾನ್ ಯೆಂವ್. 35. ಜೊ ಕೋಣ್ ಆಪ್ಲೊ ಜೀವ್ ವಾಂಚೊಂವ್ಕ್ ಸೊಧ್ತಾ, ತೊ ಆಪ್ಲೊ ಜೀವ್ ಹೊಗ್ಡಾಯ್ತಾ. ಜೊ ಕೋಣ್ ಆಪ್ಲೊ ಜೀವ್ ಮ್ಹಜೇ ಪಾಸತ್ ಆನಿ ಸುವಾರ್ತೆ ಪಾಸತ್ ಹೊಗ್ಡಾಯ್ತಾ, ತೊ ಆಪ್ಲೊ ಜೀವ್ ನಿಜಾಕ್‍ಯೀ ವಾಟಾಯ್ತಾ.

ಸಪ್ತೆಂಬರ್ 8 – ಮೊಂತಿ ಫೆಸ್ತ್ - ಪಯ್ಲೆಂ ವಾಚಪ್

ಮಿಕಾ 5:1-4 ಪೂಣ್ ತುಂ ಬೆತ್ಲೆಹೆಮ್-ಎಫ್ರಾತಾ, ಜುದಾಚ್ಯಾ ಕುಳಿಯಾಂ ಮಧೆ ತುಂ ಭೋವ್ ಲ್ಹಾನ್, ತರೀ ಇಸ್ರಾಯೆಲಾಚೆರ್ ರಾಜ್ವಟ್ ಚಲೊಂವ್ಚೊ ಆಸಾ ತೊ ಮ್ಹಾಕಾ ತುಜೆ ಥಾವ್ನ್ ಜಲ್ಮತಲೊ. ತಾಚೊ ಆರಂಭ್ ನ್ಹಯ್ ಆತಾಂಚೊ, ಬಗರ್ ಭೋವ್ ಪುರ್ವಿಲ್ಯಾ ಕಾಳಾಂಚೊ. ದೆಕುನ್ ಪ್ರಸೂತ್ ಜಾಂವ್ಚಿ ಆಸಾ ತಿ ಪ್ರಸೂತ್ ಜಾಯ್ಸರ್ ಸರ್ವೆಸ್ಪರ್ ತಾಂಕಾಂ ಸಾಂಡ್ತಲೊ; ಉಪ್ರಾಂತ್ ತಾಚೆ ಉರ್ಲಲೆ ಭಾವ್ ಇಸ್ರಾಯೆಲಿತಾಂಶಿಂ ಪರ್ತುನ್ ಯೆತಲೆ. ಸರ್ವೆಸ್ಪರಾಚೆ ಪದ್ವೆನ್ ಆನಿ ಆಪ್ಲ್ಯಾ ದೆವಾಚ್ಯಾ ನಾಂವಾಚ್ಯಾ ಪ್ರತಾಪಾನ್ ತೊ ಥಿರ್ ರಾವ್ತಲೊ ಆನಿ ಆಪ್ಲ್ಯಾ ಹಿಂಡಾಕ್ ಚರಯ್ತಲೊ. ತಿಂ ಸುರಕ್ಷಿತ್ ವಸ್ತಿ ಕರ್ತಲಿಂ, ಕಿತ್ಯಾಕ್ ತೆದ್ನಾ ಥಾವ್ನ್ ತಾಚಿ ಪದ್ವಿ ಪೃಥ್ವೆಚ್ಯಾ ಶಿಮಾಂ ಪರ್ಯಾಂತ್ ಪಾವ್ತಲಿ, ಆನಿ ತೊಚ್ ಶಾಂತಿ ಜಾತಲೊ. ಅಸ್ಸೀರಿಯಾಗಾರ್ ಆಮ್ಚ್ಯಾ ದೆಶಾಚೆರ್ ಧಾಡ್ ಘಾಲ್ತಿತ್ ಜಾಲ್ಯಾರ್ ಆನಿ ಆಮ್ಚೆ ಭುಂಯ್ಚೆರ್ ಪಾಂಯ್ ದವರ್ತಿತ್ ಜಾಲ್ಯಾರ್, ಆಮಿ ತಾಂಚೆ ವಿರೋಧ್ ಸಾತ್ ಗೊವ್ಳ್ಯಾಂಕ್ ಆನಿ ರಾಯಾಳ್ ವರ್ಗಾಚ್ಯಾ ಆಟ್ ಫುಡಾರ್ಯಾಂಕ್ ಉಟಯ್ತಲ್ಯಾಂವ್.

ಸಪ್ತೆಂಬರ್ 8 – ಮೊಂತಿ ಫೆಸ್ತ್ – ಕೀರ್ತನ್

ಕೀರ್ತನ್ 13 ಶ್ಲೋಕ್: ಸರ್ವೆಸ್ಪರಾ ಥಂಯ್ ಹಾಂವ್ ಉಲ್ಲಾಸ್ತಾಂ 1. ಪುಣ್ ಹಾಂವ್, ಹಾಂವ್ ತುಜ್ಯಾ ದೃಢ್ ಮೊಗಾಚೆರ್ ಪಾತ್ಯೆವ್ನ್ ಆಸಾಂ, ತುಜೆಂ ತಾರಣ್ ಮ್ಹಾಕಾ ಲಾಬ್ಲೆಂ ಮ್ಹಣ್ ಮ್ಹಜೆಂ ಕಾಳಿಜ್ ಉಲ್ಲಾಸ್ತಲೆಂ. 2. ವ್ಹಯ್, ತಾಣೆಂ ಕೆಲ್ಲ್ಯಾ ಉಪ್ಕಾರಾಂಕ್ ಸರ್ವೆಸ್ಪರಾಚಿ ಹಾಂವ್ ಸ್ತುತಿ ಕರ್ತಲೊಂ, ತಾಚ್ಯಾ ಮಾನಾಕ್ ಸ್ತೊತ್ರಾಂ-ಸದ್ಗಿತಾಂ ಗಾಯ್ತಲೊಂ.

ಸಪ್ತೆಂಬರ್ 8 – ಮೊಂತಿ ಫೆಸ್ತ್ – ದುಸ್ರೆಂ ವಾಚಪ್

ರೊಮಾ 8:28-30 ಹ್ಯಾ ಶಿವಾಯ್, ಆಪ್ಣಾಚೊ ಮೋಗ್ ಕರ್ತಲ್ಯಾಂಕ್, ಮ್ಹಣ್ಜೆ ಜಾಂಕಾಂ ಆಪ್ಣೆಂ ನಿಶ್ಚಿತ್ ಕೆಲ್ಲ್ಯಾ ಶೆವಟಾಕ್ ಸರಿ ಜಾವ್ನ್ ಆಪವ್ಣೆಂ ದಿಲಾಂ ತಾಂಕಾಂ ಸರ್ವ್ ಸಂಗ್ತಿ ದೇವ್ ತಾಂಚ್ಯಾ ಬರ್ಯಾಕ್ ಪಡಶೊ ಕರ್ತಾ ಮ್ಹಣ್ ಆಮಿ ಜಾಣಾಂವ್. ಜಾಂಕಾಂ ವಿಂಚುನ್ ಕಾಡ್ಚೇ ಆದಿಂಚ್ ತೊ ಒಳ್ಕುನ್ ಜಾಣಾ, ತಾಂಕಾಂ ಆಪ್ಲ್ಯಾ ಪುತಾಚ್ಯಾ ಸಾರ್ಕ್ಯಾಚಿಂ ಜಾಂವ್ಕ್ ತಾಣೆಂ ನಿರ್ಮಿಲಾಂ. ಅಶೆಂ, ಜಾಯ್ತ್ಯಾ ಭಾವ್ ಭಾಂವ್ಡಾಂಚ್ಯಾ ಘರಾಂತ್ ಆಪ್ಲ್ಯಾ ಪುತಾನ್ ಮಾಲ್ಗಡೊ ಪೂತ್ ಜಾಯ್ಜಯ್ ಮ್ಹಣ್ ತಾಣೆಂ ಯೆವ್ಜಿಲೆಂ. ಹ್ಯಾ ಪಾಸತ್ ಜಾಂಕಾಂ ತಾಣೆಂ ಅಸಲೇ ಯೆವ್ಜಣೆಕ್ ನಿರ್ಮಿಲಿಂ ತಾಂಕಾಂ ತಾಣೆಂ ಆಪಯ್ಲಿಂ; ಜಾಂಕಾಂ ತಾಣೆಂ ಆಪಯ್ಲಿಂ ತಾಂಕಾಂ ತಾಣೆಂ ನಿತಿವಂತ್ ಕೆಲಿಂ; ಜಾಂಕಾಂ ತಾಣೆಂ ನಿತಿವಂತ್ ಕೆಲಿಂ ತಾಂಕಾಂ ತಾಣೆಂ ಆಪ್ಲೇ ಮಹಿಮೆಂತ್ ಭಾಗಿದಾರಾಂ ಕೆಲಿಂ.

ಸಪ್ತೆಂಬರ್ 8 – ಮೊಂತಿ ಫೆಸ್ತ್ - ಸುವಾರ್ತಾ

ಮಾತೆವ್ 1:1-16, 18-23 ಜೆಜು ಕ್ರಿಸ್ತಾಚಿ ವಂಶಾವಳ್ ಹಿ: ತೊ ಪೂತ್ ದಾವಿದಾಚೊ, ತೊ ಪೂತ್ ಆಬ್ರಾಹಾಮಾಚೊ. ಅಬ್ರಾಹಾಮ್ ಇಸಾಕಾಚೊ ಬಾಪುಯ್, ಇಸಾಕ್ ಜಾಕೊಬಾಚೊ ಆನಿ ಜಾಕೊಬ್ ಜುದಾಚೊ ಆನಿ ತಾಚ್ಯಾ ಭಾವಾಂಚೊ ಬಾಪುಯ್. ಜುದಾ ಫೆರೆಸಾಚೊ ಆನಿ ಜೆರಾಚೊ ಬಾಪುಯ್ (ತಾಮಾರ್ ತಾಂಚಿ ಆವಯ್); ಫೆರೆಸ್ ಹೆಸ್ರೊನಾಚೊ ಆನಿ ಹೆಸ್ರೊನ್ ಆರಾಮಾಚೊ ಬಾಪುಯ್. ಆರಾಮ್ ಆಮಿನದಾಬಾಚೊ ಆನಿ ಆಮಿನದಾಬ್ ನಾಆಸೊನಾಚೊ ಆನಿ ನಾಆಸೊನ್ ಸಾಲ್ಮೊನಾಚೊ ಬಾಪುಯ್. ಸಾಲ್ಮೊನ್ ಬೊಆಜಾಚೊ ಬಾಪುಯ್, (ರಾಹಾಬ್ ತಾಚಿ ಆವಯ್); ಬೊಆಜ್ ಓವೆದಾಚೊ ಬಾಪುಯ್, (ರೂತ್ ತಾಚಿ ಆವಯ್); ಓವೆದ್ ಯೆಸ್ಸೆಚೊ ಆನಿ ಯೆಸ್ಸೆ ದಾವಿದ್ ರಾಯಾಚೊ ಬಾಪುಯ್. ದಾವಿದ್ ಸಾಲ್ಮಾಂವ್ಚೊ ಬಾಪುಯ್ (ಉರಿಯಾಚಿ ಬಾಯ್ಲ್ ಸಾಲ್ಮಾಂವ್ಚಿ ಆವಯ್). ಸಾಲ್ಮಾಂವ್, ರೆಹೊಬೊಆಮಾಚೊ, ರೆಹೊಬೊಆಮ್ ಆಬಿಯಾಚೊ, ಆನಿ ಆಬಿಯಾ ಆಸಾಚೊ ಬಾಪುಯ್. ಆಸಾ ಯೊಸಾಫಾತಾಚೊ, ಯೊಸಾಫಾತ್ ಯೊರಾಮಾಚೊ, ಆನಿ ಯೊರಾಮ್ ಓಸಿಯಾಚೊ ಬಾಪುಯ್. ಓಸಿಯಾ ಯೊತಾಮಾಚೊ, ಯೊತಾಮ್ ಆಖಾಜಾಚೊ ಆನಿ ಆಖಾಜ್ ಹಿಜ್‍ಕಿಯಾಚೊ ಬಾಪುಯ್. ಹಿಜ್‍ಕಿಯಾ ಮಾನಾಸ್ಸೆಚೊ, ಮಾನಾಸ್ಸೆ ಆಮೊಸಾಚೊ, ಆನಿ ಆಮೊಸ್ ಯೊಸಿಯಾಚೊ ಬಾಪುಯ್. ಯೊಸಿಯಾ ಯೆಕೊನಿಯಾಚೊ ಆನಿ ತಾಚಾ ಭಾವಾಂಚೊ ಬಾಪುಯ್ - ಹಾಂಚ್ಯಾ ಕಾಳಾರ್ ಇಸ್ರಾಯೆಲ್ ಪರ್ಜೆಕ್ ಬಾಬಿಲೊನಾಚ್ಯಾ ಗಾಂವಾಕ್ ಗುಲಾಮ್ ಕರ್ನ್ ವ್ಹೆಲ್ಲಿ. ಬಾಬಿಲೊನಾಚೇ ಬಂಧಡೇ ಉಪ್ರಾಂತ್; ಯೆಕೊನಿಯಾ ಶಅಲ್ತಿಯೆಲಾಚೊ ಆನಿ ಶಅಲ್ತಿಯೆಲ್ ಯೆರುಬಾಬೆಲಾಚೊ ಬಾಪುಯ್. ಯೆರುಬಾಬೆಲ್ ಆಬಿಯುದಾಚೊ, ಆಬಿಯುದ್ ಎಲಿಯಾಕಿಮಾಚೊ, ಆನಿ ಎಲಿಯಾಕಿಮ್ ಆಜೊರಾಚೊ ಬಾಪುಯ್. ಆಜೊರ್ ಸಾದೊಕಾಚೊ, ಆನಿ ಸಾದೊಕ್ ಆಖಿಮಾಚೊ ಆನಿ ಆಖಿಮ್ ಎಲಿಯುದಾಚೊ ಬಾಪುಯ್. ಎಲಿಯುದ್ ಎಲೆಯಾಜರಾಚೊ, ಎಲೆಯಾಜರ್ ಮಾದಾನಾಚೊ ಆನಿ ಮಾದಾನ್ ಜಾಕೊಬಾಚೊ ಬಾಪುಯ್. ಜಾಕೊಬ್ ಜುಜೆಚೊ ಬಾಪುಯ್. ಜುಜೆಚಿ ಪತಿಣ್ ಮರಿ ಆನಿ ಮರಿಯೇ ಥಾವ್ನ್ ಜಲ್ಮಲೊ ಜೆಜು, ಜಾಕಾ ಮ್ಹಣ್ತಾತ್ ಕ್ರೀಸ್ತ್. ಕ್ರೀಸ್ತಾಚೆಂ ಜನನ್ ಹೇ ಪರಿಂ ಜಾಲೆಂ: ತಾಚೇ ಮಾತೇ ಮರಿಯೆಕ್ ಜುಜೆಲಾಗಿಂ ಕರಾರ್ ಜಾಲ್ಲೆಂ. ಪುಣ್ ತಾಂಚ್ಯಾ ಲಗ್ನಾ ಪಯ್ಲೆಂ ತಿ ಪವಿತ್ರ್ ಅತ್ಮ್ಯಾ ವರ್ವಿಂ ಗರ್ಭೆಸ್ತ್ ಜಾಲಿ. ತಿಚೊ ಪತಿ ಜುಜೆ ನಿತಿವಂತ್ ಮನಿಸ್. ತರಿ ಮರಿಯೆಕ್ ಅಪಕೀರ್ತ್ ಹಾಡುಂಕ್ ತಾಕಾ ಖುಶಿ ನಾತ್ಲಿ. ದೆಕುನ್ ತಾಣೆಂ ತಿಕಾ ಗುಪ್ತಿಂ ಸೊಡ್ಚಿ ಮ್ಹಣುನ್ ಚಿಂತ್ಲೆಂ. ಪುಣ್ ತಾಣೆಂ ಅಶಿ ಆಲೋಚನ್ ಕೆಲಿ ತಿತ್ಲಿಚ್, ತಾಕಾ ಸೊಪ್ಣಾಂತ್ ಸರ್ವೆಸ್ಪರಾಚೊ ಎಕ್ ದೂತ್ ದಿಷ್ಟಿ ಪಡ್ಲೊ ಆನಿ ಮ್ಹಣಾಲೊ: “ಜುಜೆ, ದಾವಿದಾಚ್ಯಾ ಪುತಾ, ಮರಿಯೆಕ್ ತುಜಿ ಪತಿಣ್ ಮ್ಹಣ್ ತುಜ್ಯಾ ಘರಾ ಹಾಡುಂಕ್ ಭಿಯೆನಾಕಾ, ಕಿತ್ಯಾಕ್ ತಿಚೆ ಥಂಯ್ ಗರ್ಭ್‍ಸಂಭವ್ ಪವಿತ್ರ್ ಅತ್ಮ್ಯಾ ವರ್ವಿಂ ಜಾಲಾ. ತಿ ಏಕ್ ಪುತಾಕ್ ಪ್ರಸುತ್ ಜಾತಲಿ; ತುವೆಂ ತಾಕಾ ಜೆಜು ಮ್ಹಣ್ ನಾಂವ್ ದವರುಂಕ್ ಜಾಯ್; ಕಿತ್ಯಾಕ್ ತೊ ಆಪ್ಲೇ ಪರ್ಜೆಕ್ ತಿಚ್ಯಾ ಪಾತ್ಕಾಂತ್ಲಿ ಸೊಡಯ್ತಲೊ.” ಹೆಂ ಸಗ್ಳೆಂ ಘಡ್ಲೆಂ ಪೂರ್ಣ್ ಜಾವ್ಚ್ಯಾಕ್ ಪ್ರವಾದ್ಯಾ ಮಾರಿಫತ್ ಸರ್ವೆಸ್ಪರಾನ್ ಮ್ಹಳ್ಳೆಂ ತೆಂ : “ಏಕ್ ಆಂಕ್ವಾರ್ ಚಲಿ ಗರ್ಭೆಸ್ತ್ ಜಾತಲಿ ಆನಿ ಏಕ್ ಪುತಾಕ್ ಪ್ರಸುತ್ ಜಾತಲಿ ಆನಿ ತಾಕಾ ‘ಇಮ್ಮಾನುಎಲ್’ಮ್ಹಣುನ್ ಆಪಯ್ತಲೆ.”

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ದ್ವಿತಿ 4:1-2, 6-8 ತವಳ್ ಮೊಯ್ಜೆ ಲೊಕಾ ಲಾಗಿಂ ಅಶೆಂ ಮ್ಹಣ ಲಾಗ್ಲೊ: “ಆನಿ ಆತಾಂ, ಏ ಇಸ್ರಾಯೆಲಾ, ತುಮಿ ಜಿವಂತ್ ಉರ‍್ಚೆ ಖಾತಿರ್ ಆನಿ ಸರ್ವೆಸ್ಪರ್, ತುಮ್ಚ್ಯಾ ಪುರ್ವಜಾಂಚೊ ದೇವ್ ತುಮ್ಕಾಂ ದಿತಾ ತೊ ದೇಶ್ ತುಮಿ ಸ್ವಾಧೀನ್ ಕರ‍್ಚೆ ಖಾತಿರ್ ಹಾಂವ್ ತುಮ್ಕಾಂ ಆಜ್ ದಿತಾಂ ತೆ ಕಾಯ್ದೆ ಆನಿ ನಿಯಮ್ ಆಯ್ಕಾ ಆನಿ ತೆ ಪಾಳಾ. ಜೆಂ ಕಿತೆಂ ಹಾಂವ್ ತುಮ್ಕಾಂ ಫರ್ಮಾಯ್ತಾಂ, ತೆಂ ತುಮಿ ತಾಕಾ ಕಾಂಯ್ಚ್ ಚಡಿತ್ ಮೆಳಯ್ನಾಸ್ತಾಂ ವಾ ಕಾಂಯ್ಚ್ ಉಣೆಂ ಕರಿನಾಸ್ತಾಂ ಪಾಳುಂಕ್ ಜಾಯ್ ಆನಿ ಸರ್ವೆಸ್ಪರಾ ತುಮ್ಚ್ಯಾ ದೆವಾಚ್ಯಾ ಆದೆಶಾ ಪರ್ಮಾಣೆಂ, ಜಶೆಂ ಹಾಂವೆಂ ತುಮ್ಕಾಂ ಫರ್ಮಾಯ್ಲಾಂ ತಶೆಂ ತುಮಿ ಚಲುಂಕ್ ಜಾಯ್. ತೆ ಚತ್ರಾಯೆನ್ ಪಾಳಾ ಆನಿ ಅಶೆಂ ತುಮ್ಚಿ ಜಾಣ್ವಾಯ್ ಆನಿ ಬುಧ್ವಂತ್ಕಾಯ್ ರಾಷ್ಟ್ರಾಂಕ್ ದಾಕಯಾ. ಹ್ಯಾ ಸರ್ವ್ ಕಾಯ್ದ್ಯಾ ವಿಶಾಂತ್ ಆಯ್ಕುನ್ ಲೊಕ್ ಮ್ಹಣ್ತಲೊ: ‘ಹೆ ವರ್ತೆ ಪರ್ಜೆಕ್ ಆಸ್ಲಲಿ ಜಾಣ್ವಾಯ್ ಆನಿ ಶಾಣೆಪಣ್ ಹೆರ್ ಖಂಯ್ಚೆಚ್ ಪರ್ಜೆಕ್ ನಾ.’ ಆಮಿ ಸರ್ವೆಸ್ಪರಾಕ್ ಕೆದಾಳಾ ಉಲೊ ಮಾರ್ಲ್ಯಾರ್‌ಯೀ ತೊ ಆಮ್ಚೆ ಲಾಗಿಂಚ್ ಆಸಾ; ಸರ್ವೆಸ್ಪರ್ ಆಮ್ಚೊ ದೇವ್ ಆಮಿ ತಾಕಾ ಉಲೊ ಮರ‍್ತಾನಾ ಆಮ್ಕಾಂ ತೊ ಲಾಗಿಂ ಆಸಾ ತಿತ್ಲೊ ಹೆರ್ ಖಂಯ್ಚಾ ರಾಷ್ಟ್ರಾಂಕ್ ಆಪ್ಲೆ ದೇವ್ ಲಾಗಿಂ ಆಸಾತ್? ಹಾಂವ್ ಆಜ್ ತುಮ್ಚೆ ಮುಕಾರ್ ದರ‍್ತಾಂ ತ್ಯಾ ಸಗ್ಳ್ಯಾ ಧರ್ಮಾಶಾಸ್ತ್ರಾಕ್ ಸಮಾಸಮ್ ಆಸ್ಲಲೆಂ ಧರ್ಮಾಶಾಸ್ತ್ರ್ ಆನಿ ನಿಯಮ್ ಹೆರ್ ಖಂಯ್ಚಾ ವ್ಹಡ್ ರಾಷ್ಟ್ರಾಂಕ್ ಆಸಾತ್?

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 15 ಶ್ಲೋಕ್ : ಸರ್ವೆಸ್ಪರಾ, ತುಜ್ಯಾ ಪವಿತ್ರ್ ತಂಬಾಂತ್ ವಸ್ತಿ ಕರುಂಕ್ ಕೊಣಾಕ್ ಫಾವೊ ಜಾಯ್ತ್? 1. ಜೊ ಕೊಣ್ ನಿತಳ್ ಜಿಣಿ ಜಿಯೆತಾ, ನ್ಯಾಯ್-ನಿತಿನ್ ಚಲ್ತಾ, ಕಾಳ್ಜಾಂತ್ ಥಾವ್ನ್ ಸತ್ ಉಲಯ್ತಾ, ಆಪ್ಲ್ಯೆ ಜಿಬೆನ್ ಪೆಲ್ಯಾಚೊ ನಿಸ್ಕುಚಾರ್ ಉಲಯ್ನಾ - ಅಸಲ್ಯಾಕ್ ಫಾವೊ ಜಾತಾ. 2. ಜೊ ಕೊಣ್ ಪೆಲ್ಯಾಕ್ ಕಸಲೊಚ್ ಅನ್ನ್ಯಾಯ್ ಕರಿನಾ, ಸೆಜಾರ‍್ಯಾಚೆಂ ನಾಂವ್ ಪಾಡ್ ಕರಿನಾ; ಜೊ ಕೊಣ್ ಅನ್ವ್ಯಾ ಮನ್ಶಾಕ್ ಕಾಂಠಾಳ್ತಾ, ದೇವ್‌ಭಿರಾಂತೆಚ್ಯಾಕ್ ಮಾನಾನ್ ಲೆಖ್ತಾ -ಅಸಲ್ಯಾಕ್ ಫಾವೊ ಜಾತಾ. 5. ಜಾಕಾ ಕಷ್ಟ್ - ನಷ್ಟ್ ಕಿತೆಂಯ್ ಯೇಂವ್, ತೊ ಉತ್ರಾಕ್ ಚುಕನಾ; ರೀಣ್ ದಿತಾ ಪುಣ್ ವಾಡ್ ಘೆನಾ, ಆನಿ ನಿರಪ್ರಾದ್ಯಾಂ ವಯ್ರ್ ಲೊಂಚ್ ಖಾಯ್ನಾ -ಅಸಲ್ಯಾಕ್ ಫಾವೊ ಜಾತಾ.

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಜಾಕೊಬ್ 1:17-18, 21-22,27 ಹರ‍್ಯೇಕ್ ಉತ್ತಮ್ ದಾನ್ ಆನಿ ಹರ‍್ಯೇಕ್ ಸಂಪೂರ್ಣ್ ದೆಣೆಂ ಸರ್ಗಿಂ ಥಾವ್ನ್ ಯೆತಾ; ಸಗ್ಳ್ಯಾ ಉಜ್ವಾಡಾಚೆಂ ಮೂಳ್ ಕಾರಣ್ ಜಾವ್ನಾಸ್ಲಲ್ಯಾ ಬಾಪಾ ಥಾವ್ನ್ ತೆಂ ದೆಂವುನ್ ಯೆತಾ; ತ್ಯಾ ಬಾಪಾ ಥಂಯ್ ಬದ್ಲಾವಣ್ ನಾ, ಬದ್ಲಾವಣೆಚಿ ಸಾವ್ಳಿ ಲೆಗುನ್ ನಾ. ತಾಚೇ ಸಗ್ಳೇ ರಚ್ನೆಂತ್ ಆಮಿ ಪ್ರಥಮ್ ಫಳಾಂ ಜಾಂವ್ಚ್ಯಾಕ್ ಆಪ್ಲೇಚ್ ಖುಶೇನ್ ಸತಾಚ್ಯಾ ಉತ್ರಾ ಮಾರಿಫತ್ ತಾಣೆಂ ಆಮ್ಕಾಂ ಜಲ್ಮ್ ದಿಲಾ. ಹ್ಯಾ ಪಾಸತ್ ತುಮ್ಚೇ ಥಂಯ್ ಭರೊನ್ ಆಸಾ ತೆಂ ಮ್ಹೆಳೆಪಣ್ ಆನಿ ಖೊಟೆಪಣ್ ಪಯ್ಸ್ ಕರಾ. ದೆವಾನ್ ತುಮ್ಚೇ ಥಂಯ್ ಲಾಯ್ಲಾಂ ಆನಿ ತುಮ್ಕಾಂ ತಾರಣ್ ದಿಂವ್ಕ್ ಸಕ್ತಾ ತೆಂ ಉತರ್ ನಮೃತೆನ್ ಘೆಯಾ. ದೆವಾಚೆಂ ಉತರ್ ತುಮಿ ಆಯ್ಕಲ್ಯಾರ್ ಮಾತ್ರ್ ಪಾವನಾ; ತ್ಯಾ ಉತ್ರಾ ಪರ್ಮಾಣೆಂ ತುಮಿ ಕರಿಜಯ್; ನಾ ತರ್, ತುಮ್ಕಾಂಚ್ ತುಮಿ ಫಟಯ್ತಾತ್. ದೇವ್ ಆಮ್ಚೊ ಬಾಪ್ ನಿತಳ್ ಆನಿ ನಿರ್ಮಳ್ ಮ್ಹಣ್ ಲೆಖ್ತಾ ತೊ ಧರ್ಮ್ ಹೊ : ಅನಾಥಾಂಕ್ ಆನಿ ವಿಧ್ವಿಂಕ್ ತಾಂಚ್ಯಾ ಗರ್ಜಾಂನಿ ಪಾವ್ಚೆಂ ಆನಿ ಸಂಸಾರಾಚ್ಯಾ ವೊಸ್ಯಾ ಥಾವ್ನ್ ಪಯ್ಸ್ ರಾವ್ಚೆಂ.

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ - ಸುವಾರ್ತಾ

ಮಾರ್ಕ್ 7:1-8, 14-15, 21-23 ಏಕ್ ಪಾವ್ಟಿಂ ಜೆರುಜಲೆಮಾ ಥಾವ್ನ್ ಆಯ್ಲ್ಯಾ ಫಾರಿಜೆವಾಂಚೊ ಪಂಗಡ್ ಆನಿ ಶಾಸ್ತ್ರ್ಯಾಂ ಮಧ್ಲೆ ಥೊಡೆ ಜೆಜು ಭೊಂವ್ತಣಿ ಎಕ್ಟಾಂಯ್ ಜಾಲೆ. ತವಳ್ ತಾಚ್ಯಾ ಶಿಸಾಂ ಮಧ್ಲೆ ಥೊಡೆ ‘ಭಷ್ಟ್ ಹಾತಾಂನಿ’ಮ್ಹಳ್ಯಾರ್ ಹಾತ್ ಧುಯ್ನಾಸ್ತಾನಾ ಜೆವ್ತಾತ್ ತೆಂ ತಾಂಣಿ ಪಳೆಲೆಂ. (ಫಾರಿಜೆವ್ ಆನಿ ಜುದೆವ್ ಸಕ್ಕಡ್‌ಯೀ ಆಪ್ಲ್ಯಾ ಪುರ್ವಜಾಂಚ್ಯಾ ರಿವಾಜ್ಯಾಂ ಪರ್ಮಾಣೆಂ ಪರ್ತ್ಯಾನ್ ಪರ್ತ್ಯಾನ್ ಹಾತ್ ಧುಲ್ಯಾ ಶಿವಾಯ್ ಜೆವಿನಾತ್. ಪೆಂಟೇಸಾಲಾಂತ್ ವಚುನ್ ಆಯ್ಲ್ಯಾ ಉಪ್ರಾಂತ್ ನ್ಹಾಲ್ಯಾಖರಿತ್ ತೆ ಜೆವಿನಾತ್; ಆನಿ ತೆ ಪಾಳ್ತಾತ್ ತಸಲ್ಯೊ ಹೆರ್ ಸಬಾರ್ ರಿವಾಜ್ಯೊ ಆಸಾತ್: ಕೊಪಾಂ, ಮೊಡ್ಕ್ಯೋ, ಆನಿ ಕಾಶಾಚಿಂ ಆಯ್ದನಾಂ ಧುವ್ಚಿಂ.) ತಶೆಂ ಜಾಲ್ಲ್ಯಾನ್, ಫಾರಿಜೆವಾಂನಿ ಆನಿ ಶಾಸ್ತ್ರ್ಯಾಂನಿ ಜೆಜುಕ್ ಸವಾಲ್ ಕೆಲೆಂ: “ತುಜೆ ಶಿಸ್ ಪುರ್ವಜಾಂಚ್ಯೊ ರಿವಾಜ್ಯೊ ಪಾಳಿನಾಸ್ತಾನಾ ಮ್ಹೆಳ್ಯಾ ಹಾತಾಂನಿ ಜೆವ್ತಾತ್ ಕಿತ್ಯಾಕ್?” ಪುಣ್ ತೊ ತಾಂಕಾ ಜಾಪ್ ದೀವ್ನ್ ಸಾಂಗಿಲಾಗ್ಲೊ: “ಕಪಟ್ಯಾಂನೊ, ಸಹಜ್ ತೆಂ ಇಸಾಯಿಯಾ ಪ್ರವಾದ್ಯಾನ್ ತುಮ್ಚೇ ವಿರ್ಶಯಾಂತ್ ಪ್ರವಾದ್ ಕರ್ನ್ ಮ್ಹಳ್ಳೆಂ: ‘ಹಿ ಪರ್ಜಾ ಆಪ್ಲ್ಯಾ ಒಂಠಾನಿ ಮ್ಹಾಕಾ ಹೊಗ್ಳಾಪ್ ದಿತಾ, ತರ್‌ಯೀ ತಾಂಚೆ ಕಾಳಿಜ್ ಮ್ಹಜೇ ಥಾವ್ನ್ ಜಾಯ್ತೆಂ ಪಯ್ಸ್ ಆಸಾ. ವ್ಯರ್ಥ್ ತಾಂಣಿ ಮ್ಹಜೆಂ ಭಜನ್ ಕರ‍್ಚೆಂ, ಖರಿ ಶಿಕೊವ್ಣ್ ಮ್ಹಣ್ ಸಾಂಗುನ್ ಮನ್ಶಾನ್ ಕೆಲ್ಲೆ ಕಾಯ್ದೆ ತೆ ದಿತಾತ್!’ ದೆವಾನ್ ದಿಲ್ಲೊ ಉಪದೆಸ್ ತುಮಿ ಸೊಡ್ನ್ ಸೊಡ್ಲಾ ಆನಿ ಮನ್ಶಾನ್ ಕೆಲ್ಲ್ಯೊ ರಿವಾಜ್ಯೊ ತುಮಿ ಧರ್ಲ್ಯಾತ್.” ಪರ್ತ್ಯಾನ್ ಏಕ್ ಪಾವ್ಟಿ ಜಮ್ಯಾಕ್ ಲಾಗಿಂ ಆಪೊವ್ನ್ ಜೆಜು ಸಾಂಗಿಲಾಗ್ಲೊ: ಆಯ್ಕಾ ತುಮಿ ಸಮೆಸ್ತ್ ಆನಿ ಹಾಂವ್ ಸಾಂಗ್ತಾ ತೆಂ ಸಮ್ಜುನ್ ಘೆಯಾ; ಭಾಯ್ರ್ ಥಾವ್ನ್ ಮನ್ಶಾಚೇ ಭಿತರ್ ವೆತಾ ತೆಂ ಕಸಲೆಂಚ್ ಮನ್ಶಾಕ್ ಮ್ಹೆಳಯ್ನಾ; ಪುಣ್ ಮನ್ಶಾ ಥಾವ್ನ್ ಭಾಯ್ರ್ ಯೆತಾ ತೆಂ ಮನ್ಶಾಕ್ ಮ್ಹೆಳಯ್ತಾ..” ಭಿತರ್ ಥಾವ್ನ್ ಮ್ಹಣ್ಜೇ ಮನ್ಶಾಚ್ಯಾ ಕಾಳ್ಜಂತ್ ಥಾವ್ನ್ ಭಾಯ್ರ್ ರ‍್ತಾ ತೆಂ ಹೆಂ: ಖೊಟ್ಯೊ ಆಲೋಚನೋ, ಪ್ರದ್ವಾರ್, ಅನೈತಿಕ್ ಸಂಬಂಧ್, ಚೊರಿ, ಖೂನ್, ವ್ಯಭಿಚಾರ್, ದುಡ್ವಾಸ್, ಖೊಟೆಪಣ್, ಕಪಟೀಪಣ್, ಬಾಸ್ಕಳ್‌ಪಣ್, ಮಸರ್, ನಿಂದಾ, ಗರ್ವ್ ಆನಿ ಪಿಶೆಪಣ್. ಹಿಂ ಸರ್ವ್ ವಾಯ್ಟಾಂ ಮನ್ಶಾಚೇ ಭಿತರ್ ಥಾವ್ನ್ ಭಾಯ್ರ್ ರ‍್ತಾತ್ ಆನಿ ತಿಂ ಮನ್ಶಾಕ್ ಮ್ಹೆಳಯ್ತಾತ್.”

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್

September 1

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್ ದ್ವಿತಿ 4:1-2, 6-8

September 1

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ – ಕೀರ್ತನ್ 15

September 1

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್ ಜಾಕೊಬ್ 1:17-18, 21-22,27

September 1

ಸಪ್ತೆಂಬರ್ 1 – ಸಾಧ್ಯಾ ಕಾಳಾಚೊ ಬಾವಿಸಾವೊ ಆಯ್ತಾರ್ - ಸುವಾರ್ತಾ ಮಾರ್ಕ್ 7:1-8, 14-15, 21-23

September 1

ಅಗೋಸ್ತ್ 25 – ಸಾಧ್ಯಾ ಕಾಳಾಚೊ ಎಕ್ವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಜೋಶ್ವಾ 24:1-2, 15-18 ಜೊಶ್ವಾನ್ ಶೆಕೆಮಾಂತ್ ಇಸ್ರಾಯೆಲಾಚ್ಯಾ ಸರ್ವ್ ಕುಳಿಯಾಂಕ್ ಜಮೊ ಕೆಲ್ಯೊ. ಉಪ್ರಾಂತ್ ತಾಣೆಂ ಇಸ್ರಾಯೆಲಾಚ್ಯಾ ಮಾಲ್ಗಡ್ಯಾಂಕ್, ಫುಡರ‍್ಯಾಂಕ್, ನ್ಯಾಯ್‌ಕರ್ತಾಂಕ್ ಆನಿ ಅಧಿಕರ‍್ಯಾಂಕ್ ಆಪಯ್ಲೆ ಆನಿ ತೆ ಸಗ್ಳೆ ದೆವಾ ಮುಕಾರ್ ಹಾಜಿರ್ ಜಾಲೆ. ತೆದ್ನಾ ಜೊಶ್ವಾನ್ ಸಗ್ಳಾö ಲೊಕಾಕ್ ಮ್ಹಳೆಂ: “ಸರ್ವೆಸ್ಪರ್, ಇಸ್ರಾಯೆಲಾಚೊ ದೇವ್, ಅಶೆಂ ಸಾಂಗ್ತಾ: ‘ಪುರಾತನ್ ಕಾಳಾರ್ ತುಮ್ಚೆ ಪುರ್ವಜ್ ನ್ಹಂಯ್ಚೆ ಪಲ್ತಡಿ ವಸ್ತಿ ಕರುನ್ ಆಸ್ಲೆ ಆನಿ ತೆ ಪರ್ಕ್ಯಾ ದೆವಾಂಚಿ ಸೆವಾ ಕರ‍್ತಾಲೆ. ಹ್ಯಾ ಪುರ್ವಜಾಂ ಪಯ್ಕಿಂ ಅಬ್ರಹಾಮಾಚೊ ಆನಿ ನಾಹೊರಾಚೊ ಬಾಪುಯ್ ತೆರಾ ಎಕ್ಲೊ. ಪೂಣ್ ತುಮಿ ಸರ್ವೆಸ್ಪರಾಚಿ ಸೆವಾ ಕರಿನಾಂತ್ ಜಾಲ್ಯಾರ್, ಕೊಣಾಚಿ ಸೆವಾ ಕರುಂಕ್ ತುಮಿ ಖುಶಿ ವೊರ್ತಾತ್ ಮ್ಹಣ್ ಆಜ್ ನಿರ್ಧಾರ್ ಕರಾ: ತುಮ್ಚಾö ಪುರ್ವಜಾಂನಿ ನ್ಹಂಯ್ಚೆ ಪಲ್ತಡಿ ಸೆವಾ ಕೆಲ್ಲಾö ದೆವಾಂಚಿ ವಾ ತುಮಿ ಆತಾಂ ವಸ್ತಿ ಕರ‍್ತಾತ್ ತ್ಯಾ ದೆಶಾಚ್ಯಾ ಆಮೊರಿತಾಂಚ್ಯಾ ದೆವಾಂಚಿ. ಮ್ಹಜೆ ಆನಿ ಮ್ಹಜ್ಯಾ ಘರಾಣ್ಯಾ ವಿಶಾಂತ್ ಸಾಂಗ್ಚೆ ತರ್, ಆಮಿ ಸರ್ವೆಸ್ಪರಾಚಿ ಸೆವಾ ಕರ‍್ತಲ್ಯಾಂವ್.” ಲೊಕಾನ್ ಜಾಪ್ ದಿಲಿ: “ಸರ್ವೆಸ್ಪರಾಕ್ ಸಾಂಡುಕ್ ಆನಿ ಹೆರ್ ದೆವಾಂಚಿ ಸೆವಾ ಕರುಂಕ್ ಆಮ್ಕಾಂ ಬಿಲ್ಕುಲ್ ಮನ್ ನಾ! ಕಿತ್ಯಾಕ್, ಸರ್ವೆಸ್ಪರಾ ಆಮ್ಚಾö ದೆವಾನ್‌ಚ್ ಆಮ್ಕಾಂ ಆನಿ ಆಮ್ಚಾö ಪುರ್ವಜಾಂಕ್ ಎಜಿಪ್ತಾಚ್ಯಾ ಗುಲಾಮ್‌ಪಣಾಚ್ಯಾ ಘರಾಂತ್ಲಿ ಭಾಯ್ರ್ ಹಾಡ್‌ಲ್ಲಿಂ ಆನಿ ತಾಣೆಂಚ್ ಆಮ್ಚಾö ದೊಳ್ಯಾಂ ಮುಕಾರ್ ವ್ಹಡ್ ಅಜಾಪಾಂ ಕೆಲ್ಲಿಂ. ಆಮಿ ಗೆಲ್ಲೆ ತೆ ಸಗ್ಳೆ ವಾಟೆರ್ ಆನಿ ಆಮಿ ಪಯ್ಣ್ ಕರುನ್ ಗೆಲ್ಲಾö ತ್ಯಾ ಸರ್ವ್ ಲೊಕಾಂಚ್ಯಾ ದೆಶಾಂತ್ ತಾಣೆಂ ಆಮ್ಚಿ ಜತನ್ ಘೆತ್ಲಾö. ಸರ್ವೆಸ್ಪರಾನ್ ಹ್ಯಾ ಸರ್ವ್ ಲೊಕಾಂಕ್ ಆನಿ ಆಮ್ಚಾöಕ್‌ಯೀ ಪಯ್ಲೆಂ ಹ್ಯಾ ದೆಶಾಂತ್ ವಸ್ತಿ ಕರುನ್ ಆಸ್ಲಲ್ಯಾ ಆಮೊರಿತಾಂಕ್‌ಯೀ ಭಾಯ್ರ್ ಧಾಂವ್ಡಾಯ್ಲಾöತ್. ದೆಕುನ್ ಆಮಿಯ್ ಸರ್ವೆಸ್ಪರಾಚಿ ಸೆವಾ ಕರ‍್ತಲ್ಯಾಂವ್; ಕಿತ್ಯಾಕ್ ತೊ ಆಮ್ಚೊ ದೇವ್.”

ಅಗೋಸ್ತ್ 25 – ಸಾಧ್ಯಾ ಕಾಳಾಚೊ ಎಕ್ವಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 34 ಅಂತರ್ ಗೀತ್ ಶ್ಲೋಕ್ : ಚಾಕುನ್ ಪಳೆಯಾ; ಸರ್ವೆಸ್ಪರ್ ಕಿತ್ಲೊ ಸ್ವಾದೀಕ್ ಗೊಡ್! 1. ಸರ್ವೆಸ್ಪರಾಕ್ ಹಾಂವ್ ಸದಾಂಚ್ ಧಿನ್ವಾಸ್ತಲೊಂ, ತಾಚಿ ವಾಖಾಣ್-ಸ್ತುತಿ ಖಳನಾಸ್ತಾಂ ಮ್ಹಜ್ಯಾ ಓಂಠಾಚೆರ್ ಆಸ್ತಲಿ. ಸರ್ವೆಸ್ಪರಾ ವರ್ವಿಂ, ಮ್ಹಜ್ಯಾ ಅತ್ಮಾöಕ್ ವ್ಹಡ್ವಿಕ್ ಮೆಳ್ತಾ, ಹೆಂ ಆಯ್ಕುನ್ ದುಬ್ಳಾö-ಧಾಕ್ಟಾöಕ್ ಸಂತೊಸ್ ಜಾಂವ್. 2. ಸರ್ವೆಸ್ಪರಾಚೆ ದೊಳೆ ನಿತಿವಂತಾಚೆರ್ ಆಸಾತ್, ಆನಿ ತಾಚೆ ಕಾನ್ ತಾಂಚ್ಯಾ ಉಲ್ಯಾಕ್ ಉಗ್ತೆ ಆಸಾತ್. ಸರ್ವೆಸ್ಪರ್ ಖೊಟ್ಯಾ ಮನ್ಶಾಂಕ್ ಪಾಟ್ ರ‍್ತಾ, ಸಂಸಾರಾತ್ ತಾಂಚೊ ಉಗ್ಡಾಸ್‌ಚ್ ಅಳ್ವುನ್ ಸೊಡ್ತಾ. 3. ನಿತಿವಂತಾಚ್ಯೆ ಬೊಬೆಕ್ ಸರ್ವೆಸ್ಪರ್ ಕಾನ್ ದಿತಾ, ಆನಿ ಸರ್ವಯ್ ಕಷ್ಟಾಂ-ಅನ್ವಾರಾತ್ಲಿ ತಾಂಕಾ ನಿವರ‍್ತಾ; ಖಂತಿ-ದುಖಿನ್ ಭಾರ್ವತಲ್ಯಾಂಕ್ ಸೊಮಿ ಲಾಗಿಂಚ್ ಆಸಾ, ಭರ್ವಸೊ ಖಂಡ್ಲಲ್ಯಾಕ್ ಹಾತ್ ದಿವ್ನ್ ತೊ ಉಕಲ್ತಾ. 4. ನಿತಿವಂತಾಕ್ ಮೆಳ್ತಾತ್ ತೆ ಕಷ್ಟ್-ದಗ್ಧ್ ಜಾಯ್‌ತ್ತೆ ಆಸಾತ್, ಪುಣ್ ತಾಂತ್ಲಾö ಸರ್ವಾಂತ್ಲೊ ಸರ್ವೆಸ್ಪರ್‌ಚ್ ತಾಕಾ ನಿವರ‍್ತಾ. ಸಗ್ಳಿಂ ತಾಚಿಂ ಹಾಡಾಂ ತೊ ರಾಖ್ತಾ, ತಾಚೆಂ ಏಕ್‌ಚ್ ಏಕ್ ಹಾಡ್ ಲೆಗುನ್ ಮೊಡುಂಕ್ ತೊ ಸೊಡಿನಾ. 5. ಪಾತ್ಕಾöಚೆಂ ಖೊಟೆಪಣ್ ತಾಕಾಚ್ ಮರಣ್ ಹಾಡ್ತಾ, ನಿತಿವಂತ್ ಮನ್ಶಾಕ್ ಕಾಂಠಾಳ್ತಲೊ ಖ್ಯಾಸ್ತಿಕ್ ಪಾತ್ರ್ ಜಾತಾ. ಆಪ್ಲಾö ಸೆವಕಾಂಚೊ ಜೀವ್ ಸರ್ವೆಸ್ಪರ್ ರಾಖ್ತಾ. ತಾಚ್ಯಾ ಗೊಪಾಂತ್ ಆಸ್ರೊ ಸೊಧ್ಲಲ್ಯಾಂಕ್ ತೊ ಕೆದಿಂಚ್ ಶಿಕ್ಷಾ ಲಾಂವ್ಚೊ ನಾ.

ಅಗೋಸ್ತ್ 25 – ಸಾಧ್ಯಾ ಕಾಳಾಚೊ ಎಕ್ವಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಎಫೆಜ್ 5:21-32 ಕ್ರಿಸ್ತಾ ಥಂಯ್ ತುಮ್ಕಾಂ ಆಸಾ ತ್ಯಾ ಅಭಿಮಾನಾ ಖಾತಿರ್ ಎಕಾಮೆಕಾ ಖಾಲ್ತಿಂ ಜಾವ್ನ್ ಚಲಾ. ಪತಿಣಿಂನಿ ಆಪ್ಲಾö ಪತಿಂಕ್ ಸೊಮಿಯಾಕ್‌ಚ್ ಖಾಲ್ ಜಾಲ್ಲೇಬರಿ ಖಾಲ್‌ಜಾವ್ನ್ ಚಲಜಯ್. ಕಿತ್ಯಾಕ್ ಜಸೊ ಕ್ರೀಸ್ತ್ ಕುಡಿಚೊ, ಮ್ಹಣ್ಜೆ ಪವಿತ್ರ್ ಸಭೆಚೊ ತಾರಕ್ ಆನಿ ಮಸ್ತಕ್, ತಸೊಚ್ ಪತಿ ಆಪ್ಲೇ ಪತಿಣಿಚೆಂ ಮಸ್ತಕ್. ಆನಿ ಜಶಿ ಪವಿತ್ರ್ ¸ಸಭಾ ಕ್ರಿಸ್ತಾಕ್ ಖಾಲ್ ಜಾತಾ ತಶೆಂಚ್ ಪತಿಣಿಂನಿ ಸರ್ವ್ ಸಂಗ್ತಿನಿ ಆಪ್ಲಾö ಪತಿಂಕ್ ಖಾಲ್ ಜಾಯ್ಜಯ್. ಪತಿಂನೋ, ಕ್ರಿಸ್ತಾನ್ ಪವಿತ್ರ್ ಸಭೆಚೊ ಮೋಗ್ ಕೆಲೊ ತಶೆಂ ತುಮಿ ತುಮ್ಚಾö ಪತಿಣಿಂಚೊ ಮೋಗ್ ಕರಾ. ಪವಿತ್ರ್ ಸಭಾ ತಿಬೊ, ಮಿರಿ ವಾ ದುಸ್ರೆಂ ಕಸಲೆಂಚ್ ಆಯ್ಬ್ನಾಸ್ತಾನಾ ಪವಿತ್ರ್ ಆನಿ ಖತಾವಿಣ್ ಜಾವ್ಚಾöಕ್ ಆನಿ ಮಹಿಮೆನ್ ಪರ್ಜಳ್ಳಲಿ ಏಕ್ ಕಾಣಿಕ್ ಆಪ್ಣಾಕ್ ಜಾವ್ಚಾöಕ್ ಕ್ರಿಸ್ತಾನ್ ತಿಕಾ ಉದ್ಕಾನ್ ಆನಿ ಉತ್ರಾನ್ ಧುವ್ನ್ ಶುದ್ಧ್ ಕೆಲಿ ಆನಿ ಪವಿತ್ರ್ ಕೆಲಿ ಆನಿ ತಾಣೆಂ ಆಪ್ಣಾಕ್‌ಚ್ ತಿಕಾ ಒಪುನ್ ದಿಲೊ. ಹೇಚ್ ಪರಿಂ ಪತಿಂನಿಯೀ ಜಸೊ ಆಪ್ಲೇ ಕುಡಿಚೊ ತೆ ಮೋಗ್ ಕರ‍್ತಾತ್ ತಸೊ ಆಪ್ಲಾö ಪತಿಣಿಂಚೊ ಮೋಗ್ ಕರಿಜಯ್. ಆಪ್ಲೇ ಪತಿಣಿಚೊ ಮೋಗ್ ಕರ‍್ತಾ ತೊ ಆಪ್ಣಾಚೊಚ್ ಮೋಗ್ ಕರ‍್ತಾ. ಕೊಣ್‌ಯೀ ಮನಿಸ್ ಕೆದಿಂಚ್ ಆಪ್ಲೇ ಕುಡಿಚೊ ದ್ವೇಷ್ ಕರಿನಾ. ಬದ್ಲಾಕ್ ತಿಚೆಂ ತೊ ಪಾಲನ್‌ಪೋಷಣ್ ಕರ‍್ತಾ. ಪವಿತ್ರ್ ಸಭಾಕ್‌ಯೀ ಕ್ರೀಸ್ತ್ ಹೇಚ್ ಪರಿಂ ಚಲಯ್ತಾ. ಆಮಿ ತಾಚೇ ಕುಡಿಚೆ ಸಾಂದೆ. ಪವಿತ್ರ್ ಪುಸ್ತಕಾಂತ್ ಮ್ಹಳ್ಳಲೆಂ ಆಸಾ: “ದಾದ್ಲೊ ಆಪ್ಲಾö ಆವಯ್‌ಬಾಪಾಯ್ಕ್ ಸೊಡ್ತಲೊ ಆನಿ ಆಪ್ಲೇ ಪತಿಣಿಕ್ ಎಕ್ವಟ್ತಲೊ. ತಿಂ ದೊಗಾಂಯ್ ಏಕ್ ಕೂಡ್ ಜಾತಲಿಂ.” ಹೆಂ ಏಕ್ ವ್ಹಡ್ ಗುಟಾಚೆಂ ಸತ್. ಕ್ರಿಸ್ತಾಕ್ ಆನಿ ಪವಿತ್ರ್ ಸಭೆಕ್ ತೆಂ ಲಗ್ತಿ ಜಾತಾ ಮ್ಹಣುನ್ ಹಾಂವ್ ಸಾಂಗ್ತಾ.

ಅಗೋಸ್ತ್ 25 – ಸಾಧ್ಯಾ ಕಾಳಾಚೊ ಎಕ್ವಿಸಾವೊ ಆಯ್ತಾರ್ - ಸುವಾರ್ತಾ

ಜುವಾಂವ್ 6:60-69 ಜೆಜುಚ್ಯಾ ಶಿಸಾಂ ಮಧ್ಲೆ ಸಬಾರ್ ಜಣ್ ಹೆಂ ಆಯ್ಕುನ್ ಮ್ಹಣಾಲೆ: “ಹೆ ಉಲೊವ್ಣೆಂ ವಿಪ್ರೀತ್ ಜಾಲೆಂ! ತೆಂ ಆಯ್ಕುಂಕ್ ಕೊಣಾಕ್ ಜಾಯ್ತ್?” ಹ್ಯಾ ವಿಶ್ಯಾಂತ್‌ಚ್ ಆಪ್ಣಾಚೆ ಶಿಸ್ ಗುಣ್ಗುಣುನ್ ಆಸಾತ್ ಮ್ಹಣ್ ಜೆಜು ಸಮ್ಜಾಲೊ, ಆನಿ ತಾಂಕಾ ಮ್ಹಣಾಲೊ: “ಹೆಂ ಆಯ್ಕುನ್ ತುಮ್ಚೊ ಭಾವಾರ್ಥ್ ಧಂಡಳ್ಳೊವೆ? ತರ್ ಮನ್ಶಾಪುತಾಕ್ ಪಯ್ಲೊ ಆಸ್‌ಲ್ಲೇ ಕಡೆನ್ ಚಡುನ್ ಪಾಟಿಂ ವೆತಾನಾ ಪಳೆಶಾತ್ ಜಾಲ್ಯಾರ್ ತುಮಿ ಕಿತೆಂ ಮ್ಹಣ್ಶಾತ್? ಜೀವ್ ದಿವ್ಚೊ ಪ್ರೇರಕ್ ಆತ್ಮಾöನ್, ಮನಿಸ್ ಖಂಯ್ಚಾöಕ್‌ಯೀ ಉಪ್ಕಾರಾನಾ. ಹಾಂವ್ ತುಮ್ಚೇಲಾಗಿಂ ಉಲಯ್ಲಾಂ ತಿಂ ಉತ್ರಾಂ ಆತ್ಮೀಕ್ ಜೀವ್ ದಿವ್ಚಿ. ತರ್‌ಯೀ ತುಮ್ಚೇ ಮಧೆಂ ಆಸಾತ್ ಥೊಡೆ ಸತ್ಮಾನಿನಾತ್ ತಸಲೆ.” (ಸತ್ಮಾನಿನಾತ್ಲಲೆ ಕೊಣ್ ಆನಿ ಆಪ್ಣಾಕ್ ವಿಶ್ವಾಸ್‌ಘಾತಾನ್ ಪರಾಧೀನ್ ಕರ‍್ತಲೊ ಕೋಣ್ ಮ್ಹಣ್ ಜೆಜು ಸುರ್ವೆರ್ ಥಾವ್ನ್ಚ್ ಜಾಣಾಸ್ಲೊ.) ಆನಿ ಪರ್ತ್ಯಾನ್ ತೊ ಮ್ಹಣಾಲೊ: “ದೆಕುನ್‌ಚ್ ಹಾಂವೆ ತುಮ್ಕಾಂ ಸಾಂಗ್‌ಲ್ಲೆ: ಬಾಪಾನ್ ತೆಂ ದೆಣೆಂ ದಿಲ್ಲೇ ಖರಿತ್ ಕೊಣ್‌ಚ್ ಮ್ಹಜೇಸರ್ಶಿಂ ಯೆಂವ್ಕ್ ಸಕನಾ.” ಹಾಚೇ ಉಪ್ರಾಂತ್ ಜೆಜುಚ್ಯಾ ಶಿಸಾಂ ಭಿತರ‍್ಲೆ ಸಬಾರ್ ಜಣ್ ತಾಚೊ ಸಾಂಗಾತ್ ಸಾಂಡುನ್ ಪಾಟಿಂ ಪರ್ತಲೆ. ತವಳ್ ಬಾರಾ ಜಣಾಂಕ್ ಜೆಜುನ್ ಮ್ಹಳೆಂ: “ತುಮಿಯೀ ವಚುಂಕ್ ಸೊಧ್ತಾತ್?” ಸಿಮಾಂವ್ ಪೆದ್ರುನ್ ತಾಕಾ ಜಾಪ್ ದಿಲಿ: “ಸೊಮಿಯಾ, ಆಮಿ ಕೊಣಾಸರ್ಶಿಂ ವಚುಂ? ತುಜೇಲಾಗಿಂ ಆಸಾತ್ ಉತ್ರಾಂ ಸಾಸ್ಣಿಕ್ ಜಿವಿತಾಚಿಂ ತುಂಚ್ ದೆವಾಚೊ ಭಾಗೆವಂತ್ ಮ್ಹಣ್ ಆಮಿ ಸತ್ಮನ್ಲಾಂ ಆನಿ ಆಮ್ಕಾಂ ಖಾತ್ರಿ ಆಸಾ.”

ಅಗೋಸ್ತ್ 18 – ಸಾಧ್ಯಾ ಕಾಳಾಚೊ ವಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

ಮ್ಹಣ್ಣೊ 9:1-6 ಜಾಣ್ವಾಯೆನ್ ಆಪ್ಣಾಕ್ ಏಕ್ ಘರ್ ಬಾಂದ್ಲೆ, ತಿಣೆಂ ಆಪ್ಲೆ ಸಾತ್ ಖಾಂಬೆ ಉಬರ‍್ಲೆ; ತಿಣೆಂ ಆಪ್ಲೊö ಮೊನ್ಜಾತಿ ಮರ‍್ಲೊö, ದಾಕಾಂ ಸೊರೊ ಭರ‍್ಶಿಲೊ, ಆಪ್ಲೆಂ ಮೇಜ್ ತಿಣೆಂ ಮಾಂಡ್ಲೆ. ಆಪ್ಲಾö ಚಾರ‍್ಣಿಂಕ್ ತಿಣೆಂ ಧಾಡ್ಲೊö ಆನಿ ಶಹರಾಚ್ಯಾ ಊಂಚ್ ದೊಂಗ್ರಾ ಥಾವ್ನ್ ಅಶೆಂ ಪರ್ಗಟ್ ಕರುಂಕ್ ಲಾಯ್ಲೆಂ: ಜೊ ಕೋಣ್ ಸಾಧೊ ಆಸಾ, ತೊ ಹೆ ವಾಟೆನ್ ಯೆಂವ್; ಬೂದ್ ನಾತ್ಲಲ್ಯಾ ಮನ್ಶಾಕ್ ಹಾಂವ್ ಸಾಂಗ್ತಾ: ಯೆಯಾ, ಮ್ಹಜೊ ಉಂಡೊ ಖಾಯಾ, ಹಾಂವೆ ಭರ‍್ಶಿಲ್ಲೊ ದಾಕಾಂಸೊರೊ ಪಿಯೆಯಾ. ಮೂರ್ಖ್ಪಣ್ ಸಾಂಡಾ ಆನಿ ತುಮಿ ಜಿಯೆತಲ್ಯಾತ್, ಸಮ್ಜೊಣೆಚೆ ವಾಟೆನ್ ಫುಡೆಂ ಸರಾ.

ಅಗೋಸ್ತ್ 18 – ಸಾಧ್ಯಾ ಕಾಳಾಚೊ ವಿಸಾವೊ ಆಯ್ತಾರ್ - ಕೀರ್ತನ್

ಕೀರ್ತನ್: 34 ಅಂತರ್ ಗೀತ್ ಶ್ಲೋಕ್ : ಚಾಕುನ್ ಪಳೆಯಾ; ಸರ್ವೆಸ್ಪರ್ ಕಿತ್ಲೊ ಸ್ವಾದಿಕ್-ಗೋಡ್! 1. ಸರ್ವೆಸ್ಪರಾಕ್ ಹಾಂವ್ ಸದಾಂಚ್ ಧಿನ್ವಾಸ್ತಲೊಂ, ತಾಚಿ ವಾಖಾಣ್-ಸ್ತುತಿ ಖಳನಾಸ್ತಾಂ ಮ್ಹಜ್ಯಾ ಓಂಠಾಚೆರ್ ಆಸ್ತಲಿ. ಸರ್ವೆಸ್ಪರಾ ವರ್ವಿಂ ಮ್ಹಜ್ಯಾ ಅತ್ಮಾöಕ್ ವ್ಹಡ್ವಿಕ್ ಮೆಳ್ತಾ, ಹೆಂ ಆಯ್ಕುನ್ ದುಬ್ಳಾö-ದಾಕ್ಟಾöಕ್ ಸಂತೊಸ್ ಜಾಂವ್. 2. ದೇವ್-ಭಕ್ತಾಂನೋ, ಸರ್ವೆಸ್ಪರಾಚಿ ಸ್ತುತಿ ಕರಾ, ತಾಚಿ ಸ್ತುತಿ ಕರ‍್ತಲ್ಯಾಂಕ್ ಕಾಂಯ್ಚ್ ಉಣೆಂ ನಾ. ತರ್ನ್ಯಾ ಸಿಂಹಾಕ್ ಪರ್ಯಾನ್ ಉಪಾಸ್ ಕಾಡ್ಚೊ ಪಡ್ತಾ, ಪುಣ್ ದೆವಾಚಿ ಸೆವಾ ಕರ‍್ತಲ್ಯಾಂಕ್ ಕಾಂಯ್ಚ್ ಉಣೆಂ ಜಾಂವ್ಚೆ ನಾ. 3. ಯೆಯಾ, ಭುರ್ಗ್ಯಾಂನೋ, ಮ್ಹಜೆಂ ಆಯ್ಕಾ, ಹಾಂವ್ ತುಮ್ಕಾಂ ಸರ್ವೆಸ್ಪರಾಚಿ ಭಯ-ಭಕ್ತಿ ಶಿಕಯ್ತಾಂ, ಲಾಂಬ್ ಆವ್ಕ್ ತುಮಿ ಆಶೆತಾತ್‌ವೆ? ಜಯ್ತ್ಯ ವರ್ಸಾಂಚ್ಯಾ ಸುಖಿ ಜೀವನಾಕ್ ತುಮಿ ಅತ್ರೆಗ್ತಾತ್‌ವೆ? 4. ತರ್ ವಾಯ್ಟಾ ಥಾವ್ನ್ ತುಜಿ ಜೀಬ್ ಪಯ್ಸ್ ದವರ್, ತುಜ್ಯಾ ಓಂಠಾನಿ ಕಸಲೆಂಚ್ ಕಪಟ್‌ಪಣ್ ಆಸನಾ ಜಾಂವ್. ವಾಯ್ಟ್ ತೆಂ ಸೊಡ್, ಬರೆಂ ತೆಂ ಕರ್. ಶಾಂತಿ ಸೊಧ್, ತಿ ಜೊಡುಂಕ್ ಖಳನಾಸ್ತಾಂ ವಾವುರ್.

ಅಗೋಸ್ತ್ 18 – ಸಾಧ್ಯಾ ಕಾಳಾಚೊ ವಿಸಾವೊ ಆಯ್ತಾರ್ - ದುಸ್ರೆಂ ವಾಚಪ್

ಎಫೆಜ್ 5:15-20 ದೆಕುನ್ ತುಮ್ಚೆ ಚಾಲಿ ವಿಶ್ಯಾಂತ್ ತುಮಿ ವರ್ತೆ ಚತ್ರಾಯೆರ್ ರಾವಾ. ತುಮಿ ಬುದ್ವಂತಾ ಬರಿ ಚಲಜಯ್, ಬೂದ್ ನಾತ್ಲಲ್ಯಾಂಬರಿ ನ್ಹಯ್. ತುಮ್ಕಾಂ ಆಸಾ ತೊ ವೇಳ್ ಜಾತಾ ತಿತ್ಲಾö ಬರ‍್ಯಾ ಥರಾನ್ ಖರ್ಚುನ್ ಸಾರ್ಥಕ್ ಕರಾ; ಖೊಟೆ ದೀಸ್ ಹೆ. ತುಮಿ ಮತಿಭ್ರಷ್ಟಾಂ ಬರಿ ಕರ‍್ಚೆಂ ನ್ಹಯ್, ಬಗರ್ ದೆವಾಚಿ ಖುಶಿ ಕಿತೆಂ ಮ್ಹಣ್ ಸಮ್ಜಾ. ಸೊರೊ ಪಿಯೆವ್ನ್ ಬೆಬ್ದೆ ಜಾಂವ್ಚೆ ಸೊಡ್ನ್ ಸೊಡಾ; ನಾ ಜಾಲ್ಯಾರ್ ತುಮ್ಚೆಂ ಸಗ್ಳೆಂ ಜೀವನ್‌ಚ್ ಪಿಡ್ಡಾöರ್ ಜಾಯ್ತ್. ತಾಚೆ ಬದ್ಲಾಕ್ ಪವಿತ್ರ್ ಅತ್ಮಾöನ್ ಭರಾ. ಕೀರ್ತನಾಂನಿ, ಗಿತಾಂನಿ ಆನಿ ಭಕ್ತಿಕ್ ಗಾಯನಾಂನಿ ಸಗ್ಳಾö ಕಾಳ್ಜಾನ್ ಸೊಮಿಯಾಚಿ ಸ್ತುತಿ ಕರಾ. ತುಮ್ಕಾಂ ಲಾಭ್ಲಲ್ಯಾ ಸರ್ವ್ ಉಪ್ಕಾರಾಂ ಖಾತಿರ್ ಆಮ್ಚಾö ಸೊಮಿಯಾ ಜೆಜು ಕ್ರಿಸ್ತಾಚ್ಯಾ ನಾಂವಾನ್ ದೆವಾ ಬಾಪಾಕ್ ತುಮಿ ಸದಾಂಚ್ ಅರ್ಗಾಂ ದಿಯಾ.

ಅಗೋಸ್ತ್ 18 – ಸಾಧ್ಯಾ ಕಾಳಾಚೊ ವಿಸಾವೊ ಆಯ್ತಾರ್ - ಸುವಾರ್ತಾ

ಜುವಾಂವ್ 6:51-58 ತ್ಯಾ ವೆಳಿಂ ಜೆಜು ಲೊಕಾ ಲಾಗಿಂ ಮ್ಹಣಾಲೊ ಹಾಂವ್‌ಚ್ ತೊ ಸರ್ಗಿಂ ಥಾವ್ನ್ ದೆಂವುನ್ ಆಯ್ಲಲೊ ಜಿವೊ ಉಂಡೊ. ಹೊ ಉಂಡೊ ಖಾತಾ ತೊ ಸಾಸ್ಣಾಕ್ ಜಿಯೆತಲೊ. ಸಂಸಾರಾಕ್ ಜಿವಿತ್ ಮೆಳ್ಚಾಕ್ ಹಾಂವ್ ದಿತಾಂ ತೊ ಉಂಡೊ ಮ್ಹಜೆಂಚ್ ಮಾಸ್.” ತಿತ್ಲಾöರ್ ಜುದೆವ್ ಎಕಾಮೆಕಾ ವಾದ್‌ವಿವಾದ್ ಕರುನ್ ಮ್ಹಣಾಲೆ: “ತಾಣೆಂ ಆಮ್ಕಾಂ ಆಪ್ಲೆಂ ಮಾಸ್ ಖಾಂವ್ಕ್ ದಿವ್ಚೆಂ ಜಾಲ್ಯಾರ್‌ಯೀ ಕಶೆಂ?’ ದೆಕುನ್ ಜೆಜುನ್ ತಾಂಕಾ ಸಾಂಗ್ಲೆ: “ಸತ್‌ಚ್ ಹಾಂವ್ ತುಮ್ಕಾಂ ಸಾಂಗ್ತಾ: ತುಮಿ ಮನ್ಶಾಪುತಾಚೆಂ ಮಾಸ್ ಖೆಲ್ಲೇ ಖರಿತ್ ಆನಿ ತಾಚೆಂ ರಗರ್ ಪಿಯೆಲ್ಲೇ ಖರಿತ್ ತುಮ್ಚೇ ಥಂಯ್ ಜೀವ್ ಆಸ್ಚೊನಾ. ಜೊ ಕೊಣ್ ಮ್ಹಜೆಂ ಮಾಸ್ ಖಾತಾ ಆನಿ ಮ್ಹಜೆ ರಗತ್ ಪಿಯೆತಾ, ತಾಚೇ ಥಂಯ್ ಸಾಸ್ಣಾಚೊ ಜೀವ್ ಆಸಾ; ಆನಿ ನಿಮಾಣ್ಯಾ ದಿಸಾ ಹಾಂವ್ ತಾಕಾ ಜಿವಂತ್ ಉಠಯ್ತಲೊಂ. ಕಿತ್ಯಾಕ್ ಮ್ಹಜೆಂ ಮಾಸ್ ಖರೆಂ ಖಾಣ್ ಆನಿ ಮ್ಹಜೆಂ ರಗತ್ ಖರೆಂ ಪೀವನ್. ಜೊ ಕೊಣ್ ಮ್ಹಜೆಂ ಮಾಸ್ ಖಾತಾ ಆನಿ ಮ್ಹಜೆಂ ರಗತ್ ಪಿಯೆತಾ, ತೊ ಮ್ಹಜೇ ಥಂಯ್ ಜಿಯೆತಾ ಆನಿ ಹಾಂವ್ ತಾಚೇ ಥಂಯ್ ಜಿಯೆತಾಂ. ಜಶೆಂ ಜಿವಂತ್ ಬಾಪಾನ್ ಮ್ಹಾಕಾ ಧಾಡ್ಲಾ ಆನಿ ಬಾಪಾ ವರ್ವಿಂಚ್ ಹಾಂವ್‌ಯೀ ಜಿಯೆತಾಂ, ತಶೆಂ ಜೊ ಕೊಣ್ ಮ್ಹ್ಹಕಾ ಖಾತಾ ತೊಯೀ ಮ್ಹಜೇ ವರ್ವಿಂ ಜಿಯೆತಲೊ. ಹೊ ಸರ್ಗಾರ್ ಥಾವ್ನ್ ದೆಂವ್ಲಲೊ ಉಂಡೊ. ತುಮ್ಚಾö ಪುರ್ವಜಾಂನಿ ಖೆಲೊ ತ್ಯಾ ಉಂಡ್ಯಾಬರಿ ನ್ಹಯ್; ತೆ ಮೊರ್ನ್ ಪಾವ್ಲೆ. ಜೊ ಕೊಣ್ ಹೊ ಉಂಡೊ ಖಾತಾ ತೊ ಸಾಸ್ಣಾಕ್ ಜಿಯೆತಾಲೊ.”

ಅಗೋಸ್ತ್ 15 – ಭಾಗೆವಂತ್ ಆಂಕ್ವಾರ್ ಮರಿಯೆಚೆಂ ಸರ್ಗಾ ವ್ಹರಣ್ ಆನಿ ಭಾರತಾಚೊ ಸ್ವತಂತ್ರಾ

ಉಗ್ಡಾಪಣ್ 11:19,12:1-6,10 ತೆದ್ವಾಂ ಸರ್ಗಿಂ ದೆವಾಚೆಂ ಮಂದಿರ್ ಉಗ್ತೆಂ ಜಾಲೆಂ ಆನಿ ತಾಚ್ಯಾ ಸೊಲ್ಲಾöಚಿ ಪೇಟ್ ತಾಂತು ಆಸ್ಲಲಿ ದಿಷ್ಟಿ ಪಡ್ಲಿ. ತವಳ್ ಝಗ್ಲಾಣಿಂ ಧಾಂವ್ಲಿ, ಗಾಜ್‌ ಆವಾಜ್ ಜಾಲೊ, ಘಡ್ಘಡೆ ಮರ‍್ಲೆ, ಭುಂಯ್‌ಕಾಪ್ಣಿ ಜಾಲಿ ಆನಿ ಕರ‍್ಯಾಂಚೊ ಪಾವ್ಸ್ ವೊತ್ಲೊ. ತೆದ್ವಾಂ ಅಂತ್ರಾಳಿ ಏಕ್ ವ್ಹಡ್ ಖುಣಾ ದಿಷ್ಟಿ ಪಡ್ಲಿ: ಏಕ್ ಸ್ತಿç ಸುರ್ಯೊ ನ್ಹೆಸ್ಲಲಿ, ತಿಚ್ಯಾ ಪಾಂಯಾಥಳಾ ಚಂದ್ರ್, ಆನಿ ತಿಚ್ಯಾ ಮಸ್ತಕಾರ್ ಬಾರಾ ನೆಕೆತ್ರಾಂಚೊ ಮುಕುಟ್. ತಿ ಭರ‍್ಲಲಿ ಗರ್ಭೆಸ್ತಿಣ್; ಆಪ್ಲ್ಯಾ ಪ್ರಸುತ್‌ಪಣಾಚೇ ದುಖಿನ್ ತಿ ಹಾಕ್‌ಬೊಬ್ ಮರ‍್ತಾಲಿ. ತೆದ್ವಾಂ ಅಂತ್ರಾಳಿ ಅನ್ಯೇಕ್ ಖುಣಾ ದಿಷ್ಟಿ ಪಡ್ಲಿ: ಏಕ್ ಮಹಾಸರಪ್, ಉಜ್ಯಾಬರಿ ತಾಂಬ್ಡೊ; ತಾಕಾ ಸಾತ್ ತಕ್ಲೊ ಆನಿ ಧಾ ಶಿಂಗಾ; ತಾಚೇ ಹರ‍್ಯೇಕ್ ತಕ್ಲೆರ್ ಏಕ್ ಮುಕುಟ್. ಆಪ್ಲೇ ಶಿಮ್ಟೆನ್ ಅಂತ್ರಾಳಾ ವಯ್ಲಾö ನೆಕೆತ್ರಾಂಚೊ ತಿನಾಂತ್ ಏಕ್ ವಾಂಟೊ ತಾಣೆಂ ಮರ‍್ನ್ ಝಡೊವ್ನ್ ಭುಮಿಚೆರ್ ಘಾಲೊ. ಉಪ್ರಾಂತ್ ಪ್ರಸೂತ್ ಜಾಂವ್ಕ್ ತಯಾರ್ ಜಾಲ್ಲೇ ಸ್ತಿçಯೇ ಹುಜಿರ್ ತೊ ಉಬೊ ರಾವ್ಲೊ; ತಿಚೆಂ ಭುರ್ಗೆಂ ಭುಂಯ್ ಪಡ್ಲಲ್ಯಾಕ್ಷಣ್ ತಾಕಾ ಗ್ರಾಸುಂಕ್ ಮ್ಹಣ್ ತೊ ತಯಾರ್ ಜಾಲ್ಲೊ. ಸ್ತಿçಯೆನ್ ಏಕ್ ಚೆರ್ಕ್ಯಾ ಭುರ್ಗ್ಯಾಕ್ ಜಲ್ಮ್ ದಿಲೊ; ಹೊಚ್ ತೊ ಲೊಂಕ್ಡಾಚೇ ಬೆತ್ಕಾಟೆನ್ ಸರ್ವ್ ರಾಷ್ಟಾç ವಯ್ರ್ ರಾಜ್ವಟ್ಕಿ ಚಲೊಂವ್ಕ್ ನೆಮ್ಲಲೊ. ಪುಣ್ ಜಲ್ಮಲ್ಯಾ ತ್ಯಾ ಭುರ್ಗ್ಯಾಕ್ ದೆವಾ ಆನಿ ತಾಚ್ಯಾ ಶಿಯಾಸಣಾ ಹುಜಿರ್ ತಕ್ಷಣ್ ಉಕಲ್ನ್ ವ್ಹೆಲೊ. ತಿ ಸ್ತಿç ಅರಣ್ಯಾಕ್ ಪೊಳ್ನ್ ಧಾಂವ್ಲಿ. ಥಂಯ್ ಏಕ್ ಹಜಾರ್ ದೊನ್ಶಿಂ ಸಾಟ್ ದೀಸ್ ಪರ್ಯಾನ್ ತಿಚೆಂ ಪಾಲನ್ ಪೋಷಣ್ ಕರುಂಕ್ ದೆವಾನ್ ತಿಕಾ ಏಕ್ ಆಸ್ರೊ ತಯಾರ್ ಕೆಲ್ಲೊ. ತೆದ್ವಾಂ ಸರ್ಗಾರ್ ವ್ಹಡ್ ಏಕ್ ತಾಳೊ ಹಾಂವೆ ಆಯ್ಕಲೊ: “ಆತಾಂ ಜಾಲ್ಯಾರ್ ತಾರಣ್ ಆಯ್ಲೆಂ; ದೆವಾಚಿ ಪದ್ವಿ ಆನಿ ರಾಜ್ವಟ್ಕಿ ಆನಿ ತಾಚ್ಯಾ ಕ್ರಿಸ್ತಾಚೊ ಅಧಿಕಾರ್ ಸ್ಥಾಪಿತ್ ಜಾಲೊ; ಕಾರಣ್, ಆಮ್ಚಾ ಬಾವಾಂ ವಿರೋಧ್ ಫಿರ್ಯಾದ್ ಸಾಂಗ್ತಲ್ಯಾಕ್, ಮ್ಹಣ್ಜೆ ದೀಸ್‌ರಾತ್ ತಾಂಚೆರ್ ದೆವಾ ಸಮೊರ್ ಚೂಕ್ ಮಾಂಡ್ತಲ್ಯಾಕ್ ಕಾಡ್ನ್ ಧರ್ಣಿಕ್ ಶೆವ್ಟಿಲಾ.

ಅಗೋಸ್ತ್ 15 – ಭಾಗೆವಂತ್ ಆಂಕ್ವಾರ್ ಮರಿಯೆಚೆಂ ಸರ್ಗಾ ವ್ಹರಣ್ ಆನಿ ಭಾರತಾಚೊ ಸ್ವತಂತ್ರಾ

ಕೀರ್ತನ್ 45 ಅಂತರ್ ಗೀತ್ ಶ್ಲೋಕ್ : ಒಫಿರ್ಚ್ಯಾ ಭಾಂಗಾರಾನ್ ನೆಟೊವ್ನ್ ತುಜ್ಯಾ ಉಜ್ವಾöಕ್ ಬಸುನ್ ಆಸಾ ರಾಣಿ 1. ತುಜ್ಯಾ ಸ್ತಿç ಪರಿವಾರಾಂತ್ ರಾಜ್-ಕುಂರ‍್ಣಿಯಿ ಆಸಾತ್, ಒಫಿರ್ಚ್ಯಾ ಭಾಂಗಾರಾನ್ ನೆಟೊವ್ನ್ ತುಜ್ಯಾ ಉಜ್ವಾöನ್ ಬಸುನ್ ಆಸಾ ತಿಚ್ ಪಾಟಾಚಿ ರಾಣಿ. 2. ಆಯ್ಕ್ ಧುವೇ, ಆನಿ ಹಾಂವ್ ಸಾಂಗ್ತಾ ತೆಂ ಚಿಂತುನ್ ಪಳೆ, ತುಜೊ ಖಾಶಾ ಲೋಕ್ ಆನಿ ಮಾಯ್-ಬಾಪಾಚೆಂ ಘರ್ ತುಂ ವಿಸರ್. ರಾಯ್ ತುಜೇ ಸುರುಪಾಯೆಕ್ ಭುಲ್ತಲೊ, ತುಜೊ ಪತಿ ತೊ, ತಾಚಿ ಸೆವಾ ಭಕ್ತಿನ್ ಕರ್. 3. ಅನಂದಾಚ್ಯಾ ಸಂತೊಸಾಚ್ಯಾ ಸಂಭ್ರಮಾನ್ ತಿಂ ಮುಖಾರ್ ಯೆತಾತ್ ಆನಿ ರಾಯಾಚ್ಯಾ ಮಂದಿರಾತ್ ತಿಂ ಭಿತರ್ ಸರ‍್ತಾತ್.

ಅಗೋಸ್ತ್ 15 – ಭಾಗೆವಂತ್ ಆಂಕ್ವಾರ್ ಮರಿಯೆಚೆಂ ಸರ್ಗಾ ವ್ಹರಣ್ ಆನಿ ಭಾರತಾಚೊ ಸ್ವತಂತ್ರಾ

1 ಕೊರಿಂಥ್ 15:20-27 ಆತಾಂ ನಿಜಾಕ್‌ಯೀ ಕ್ರಿಸ್ತಾಕ್ ಮೆಲ್ಲಾöತ್ಲೊ ಜಿವಂತ್ ಉಠಯ್ಲಾ; ಮರಣ್ ಪಾವ್ಲಲ್ಯಾಂಕ್ ಮೆಲ್ಲಾöತ್ಲಿ ಉಠಯ್ತಲೆ ಮ್ಹಣ್ ತೊ ಜಾಮಿನಿ ಜಾಲಾ. ಕಿತ್ಯಾಕ್ ಏಕ್ ಮನ್ಶಾ ವರ್ವಿಂ ಮರಣ್ ಆಯ್ಲೆಂ; ತಶೆಂಚ್ ಏಕ್ ಮನ್ಶಾ ವರ್ವಿಂ ಮೆಲ್ಲಾöಚೆ ಪುನರ್‌ಜಿವಂತ್ಪಣ್‌ಯೀ ಯೆತಾ. ಜಶೆಂ ಆದಾಂವ್ ಥಂಯ್ ಸಮೆಸ್ತ್ ಮರ‍್ತಾತ್ ತಶೆಂ ಕ್ರಿಸ್ತಾ ಥಂಯ್ ಸಮೆಸ್ತಾಂಕ್ ಜಿವಂತ್ ಉಠಯ್ತಲೆ. ಪುಣ್ ಹರ‍್ಯೆಕ್ಲಾöಕ್ ತಾಚೇ ತಾಚೇ ಸರ್ತೇ ಪ್ರಕಾರ್: ಸಕ್ಟಾಂಚಿ ಜಾಮಿನಿ ಕಸೊ ಪಯ್ಲೆಂ ಕ್ರೀಸ್ತಾಕ್; ಉಪ್ರಾಂತ್ ಕ್ರಿಸ್ತಾಚ್ಯಾ ಯೆಣ್ಯಾ ವೆಳಾರ್ ಕ್ರಿಸ್ತಾಚ್ಯಾ ಎಕ್ವಟಾಂತ್ ಆಸ್ಲಲ್ಯಾ ಸಮೆಸ್ತಾಂಕ್. ಉಪ್ರಾಂತ್ ಯೆತಲೊ ಅಂತ್ ಜೆದ್ವಾಂ ಸರ್ವ್ ರಾಜ್ವಟ್ಕಿ, ಅಧಿಕಾರ್ ಆನಿ ಪದ್ವಿ ತೊ ನಾಸ್ ಕರ‍್ತಲೊ ಆನಿ ದೆವಾ ಬಾಪಾಕ್ ಆಪ್ಲೆಂ ರಾಜ್ಯ್ ಒಪುನ್ ದಿತಲೊ. ಕಿತ್ಯಾಕ್ ದೆವಾನ್ ತಾಚ್ಯಾ ವೈರಿಂಕ್ ಪಾಂಯಾಥಳಾ ಘಾಲಿಸರ್ ಕ್ರಿಸ್ತಾನ್ ರಾಜ್ವಟ್ಕಿ ಚಲೊವ್ಚಿ ಗರ್ಜ್. ಆನಿ ನಿಮಾಣೆಂ ಪಾಡಾವ್ ಜಾತಲೊ ತೊ ವೈರಿ ಮರಣ್‌ಚ್; ಕಿತ್ಯಾಕ್ “ಸರ್ವ್ ವಸ್ತು ದೆವಾನ್ ತಾಚ್ಯಾ ಪಾಂಯಾಥಳಾ ಘಾಲ್ಯಾತ್.” ಮ್ಹಣ್ತಾ ಪವಿತ್ರ್ ಪುಸ್ತಕ್. ಆನಿ “ಸರ್ವ್ ವಸ್ತು” ಮ್ಹಣ್ತಾನಾ, ಸರ್ವ್ ವಸ್ತು ರಚುನ್ ಕ್ರಿಸ್ತಾಕ್ ಖಾಲ್ ಕೆಲ್ಲೊ ದೇವ್ ತಾಕಾ ಖಾಲ್ ಜಾತಾ ಮ್ಹಣ್ ಜಾಯ್ನಾ.

ಅಗೋಸ್ತ್ 15 – ಭಾಗೆವಂತ್ ಆಂಕ್ವಾರ್ ಮರಿಯೆಚೆಂ ಸರ್ಗಾ ವ್ಹರಣ್ ಆನಿ ಭಾರತಾಚೊ ಸ್ವತಂತ್ರಾ

ಲೂಕ್ 1:39-56 “ಹೆಂ ಘಡೊನ್ ಥೊಡ್ಯಾಚ್ ದಿಸಾಂನಿ ಮರಿ ಉಠುನ್ ಜುದಾಚ್ಯಾ ದೊಂಗ್ರಾಳ್ ಪ್ರದೇಶಾಂತ್ಲಾö ಏಕ್ ಶಹರಾಕ್ ಧಾಂವ್‌ಧಾವಿ ಗೆಲಿ. ಥಂಯ್ ಜಾಕರಿಚ್ಯಾ ಘರಾ ಭಿತರ್ ಸರ್ನ್, ಎಲಿಜಾಬೆತಿಕ್ ತಿಣೆಂ ನಮಾನ್ ಕೆಲೊ. ಎಲಿಜಾಬೆತಿನ್ ಮರಿಯೆಚೊ ನಮಾನ್ ಆಯ್ಕತಚ್, ತಿಚೇ ಕುಶಿಂತ್ ಆಸ್ಲಲ್ಯಾ ಬಾಳ್ಕಾನ್ ಉಡಿ ಮರ‍್ಲಿ; ಆನಿ ಎಲಿಜಾಬೆತ್ ಪವಿತ್ರ್ ಆತ್ಮಾöನ್ ಭರೊನ್, ವ್ಹಡ್ಲಾö ತಾಳ್ಯಾನ್ ಮ್ಹಣಾಲಿ: “ಸ್ತಿçಯಾಂ ಭಿತರ್ ತುಂ ಸದೆಂವ್ ಆನಿ ಸದೆಂವ್ ತುಜೇ ಕುಶಿಚೆಂ ಫಳ್. ಮ್ಹಜ್ಯಾ ಸೊಮಿಯಾಚೇ ಮಾತೆನ್ ಮ್ಹಜೇ ಭೆಟೆಕ್ ಯೆವ್ಚೆಂ ಹೆಂ ಭಾಗ್ ಖಂಯ್ ಥಾವ್ನ್ ಮ್ಹಾಕಾ ಫಾವೊ ಜಾಲೆಂ? ತುಜ್ಯಾ ನಮಾನಾಚೊ ಸಬ್ದ್ ಮ್ಹಜ್ಯಾ ಕಾನಾಂತ್ ಪಡ್ತಚ್, ಮ್ಹಜೇ ಕುಶಿಂತ್ಲಾö ಬಾಳ್ಕಾನ್ ಉಲ್ಲಾಸಾನ್ ಉಡಿ ಮರ‍್ಲಿ. ಸರ್ವೆಸ್ಪರಾನ್ ಆಪ್ಣಾಕ್ ಕಳಿತ್ ಕೆಲ್ಲೊö ಸಂಗ್ತಿ ಘಡೊನ್ ಯೆತಲ್ಯೊ ಮ್ಹಣ್ ಸತ್ಮಾನ್ಲಲಿ ತುಂ ಕಿತ್ಲಿ ಭಾಗಿ!” ತವಳ್ ಮರಿ ಮ್ಹಣಾಲಾಗ್ಲಿ: “ಮ್ಹಜೊ ಜೀವ್ ಸರ್ವೆಸ್ಪರಾಚಿ ವ್ಹಡ್ವಿಕ್ ಗಾತಾ, ಮ್ಹಜೊ ಆತ್ಮೊ ದೆವಾ ಮ್ಹಜ್ಯಾ ತಾರಕಾ ಥಂಯ್ ಸಂತೊಸಾನ್ ಉಡ್ತಾ. ಕಿತ್ಯಾಕ್, ಅಪ್ಲೇ ಕಿರ್ಕೊಳ್ ಚರಣ್‌ದಾಸಿಚೆರ್ ತಾಣೆಂ ದಯಾದೀಷ್ಟ್ ಘಾಲಿ. ದೆಕುನ್ ಹ್ಯಾ ಫುಡಾಂ ಸರ್ವ್ ಸಂತತಿ ಮ್ಹಾಕಾ ಸದೆಂವ್ ಮ್ಹಣುನ್ ಪಾಚರ‍್ತಲ್ಯೊ. ಕಿತ್ಯಾಕ್ ಸಕ್ತಿವಂತಾನ್ ಮ್ಹಜೇ ಪಾಸತ್ ವಿಚಿತ್ರ್ ಕಾಮಾಂ ಕೆಲ್ಯಾಂತ್, ಭಾಗೆವಂತ್ ತಾಚೆಂ ನಾಂವ್. ಆಪ್ಣಾಕ್ ಭಿಯೆತಲ್ಯಾಂಚೆರ್ ದಾಖಯ್ತಾ ತೊ ಕಾಕುಳ್ತ್, ಸಂತತೇ ಥಾವ್ನ್ ಸಂತತೇ ಪರ್ಯಾನ್, ಆಪ್ಲಾö ಬಾವ್ಳಾöನ್ ತಾಣೆಂ ಬಳ್ ದಾಕಯ್ಲಾö, ಆಪ್ಲಾö ಕಾಳ್ಜಾಂತ್ ವ್ಹಡ್ಪಣ್ ಚಿಂತ್ತಲ್ಯಾ ಗರ್ವ್ಯಾಂಕ್ ತಾಣೆಂ ಧುಸ್ಪಟಾಯ್ಲಾöತ್. ಪದ್ವೆದಾರಾಂಕ್ ಊಂಚಾಸನಾ ಥಾವ್ನ್ ತಾಣೆಂ ಸಕ್ಲಾ ಘಾಲ್ಯಾತ್ ಆನಿ ಕಿರ್ಕೊಳಾಂಕ್ ಊಂಚ್ ಉಬರ‍್ಲಾöತ್. ಭುಕೆಲ್ಲಾöಕ್ ತಾಣೆಂ ಬೊರ‍್ಯಾ ವಸ್ತುಂನಿ ಬೊರ‍್ಲಾöತ್ ಆನಿ ಗ್ರೆಸ್ತಾಂಕ್ ರಿತ್ಯಾ ಹಾತಾಂನಿ ಪಾಟಿಂ ಧಾಡ್ಲಾöತ್. ಆಮ್ಚಾö ಪುರ್ವಜಾಂಕ್ ದಿಲ್ಲೇ ಭಾಸಾವ್ಣೆಕ್ ತಾಣೆಂ ಪಾಳೊ ದಿಲೊ ಆನಿ ಇಸ್ರಾಯೆಲಾಕ್, ಆಪ್ಲಾö ಚಾಕ್ರಾಕ್ ತೊ ಆಧಾರ್ ದೀವ್ನ್ ಆಯ್ಲೊ. ಉಗ್ಡಾಸ್ ತಾಣೆಂ ದರ‍್ನ್ ದಾಖಯ್ಲಿ ದಯಾ ಅಬ್ರಾಹಾಮಾಕ್ ಆನಿ ತಾಚೇ ಸಂತತೆಕ್ ಸದಾಂಕಾಳ್.” ಮರಿ ಚಡುಣೆಂ ತೀನ್ ಮಹಿನೆ ಎಲಿಜಾಬೆತಿ ಸಾಗಾತಾ ರಾವ್ಲಿ; ಉಪ್ರಾಂತ್ ಆಪ್ಲಾö ಘರಾ ಪಾಟಿಂ ಗೆಲಿ.

ಅಗೋಸ್ತ್ 11 – ಸಾಧ್ಯಾ ಕಾಳಾಚೊ ಎಕುಣಿಸಾವೊ ಆಯ್ತಾರ್ - ಪಯ್ಲೆಂ ವಾಚಪ್

1 ರಾಯ್ 19:4-8 ಎಲಿಯ ಅರಣ್ಯಾಂತ್ಲಾನ್ ಎಕಾ ದಿಸಾಚಿ ವಾಟ್ ಚಮ್ಕುನ್ ಗೆಲೊ. ಥಂಯ್ ತೊ ಎಕಾ ರುಕಾ ಪಂದಾ ಬಸ್ಲೊ ಆನಿ ಮರಣಾಕ್ ಆಶೆಲೊ. ತಾಣೆಂ ಮ್ಹಳೆಂ: “ಸರ್ವೆಸ್ಪರಾ, ಹೆಂ ಪುರೊ! ಮ್ಹಜೊ ಜೀವ್ ಕಾಡ್, ಕಿತ್ಯಾಕ್ ಹಾಂವ್ ಮ್ಹಜ್ಯಾ ಪುರ್ವಜಾಂ ಪ್ರಾಸ್ ಬರೊ ನ್ಹಯ್.” ತೊ ಆಡ್ ಪಡ್ಲೊ ಆನಿ ತ್ಯಾ ರುಕಾ ಪಂದಾ ನಿದ್ಲೊ, ಪೂಣ್ ಎಕಾ ದೇವ್‌ದುತಾನ್ ತಾಕಾ ಆಪಡ್ಲೊ ಆನಿ ತಾಕಾ ಮ್ಹಳೆಂ: “ಊಟ್ ಆನಿ ಖಾ.” ತಾಣೆಂ ಆಪ್ಣಾ ಭೊಂವ್ತಿ ದಿಷ್ಟ್ ಘಾಲಿ ಆನಿ ತಾಚ್ಯಾ ಮಾತ್ಯಾ ಲಾಗಿಂ ಇಂಗ್ಳಾಚೆರ್ ಭಾಜ್ಲಲಿ ಏಕ್ ಭಾಕ್ರಿ ಆನಿ ಉದ್ಕಾಚೆಂ ಆಯ್ದನ್ ಪಳೆಲೆಂ. ತಾಣೆಂ ಖೆಲೆಂ ಆನಿ ತೊ ಪಿಯೆಲೊ ಆನಿ ಉಪ್ರಾಂತ್ ಪರ್ತುನ್ ಆಡ್ ಪಡ್ಲೊ. ಪೂಣ್ ಸರ್ವೆಸ್ಪರಾಚೊ ದೂತ್ ದುಸ್ರೆ ಪಾವ್ಟಿ ಆಯ್ಲೊ ಆನಿ ತಾಣೆಂ ತಾಕಾ ಆಪುಡ್ನ್ ಮ್ಹಳೆಂ: “ಊಟ್ ಆನಿ ಖಾ, ನಾ ತರ್ ವಾಟ್ ತುಕಾ ಭೋವ್ ಲಾಂಬ್ ಜಾತಲಿ!” ತೊ ಉಟ್ಲೊ, ತಾಣೆಂ ಖೆಲೆಂ ಆನಿ ತೊ ಪಿಯೆಲೊ. ಹ್ಯಾ ಖಾಣಾಚೆ ಘಟಾಯೆನ್ ತೊ ಚಾಳಿಸ್ ದೀಸ್ ಆನಿ ಚಾಳಿಸ್ ರಾತಿ ಹೊರೆಬಾಕ್, ಸರ್ವೆಸ್ಪರಾಚ್ಯಾ ದೊಂಗ್ರಾಕ್ ಚಲುನ್ ಗೆಲೊ.

ಅಗೋಸ್ತ್ 11 – ಸಾಧ್ಯಾ ಕಾಳಾಚೊ ಎಕುಣಿಸಾವೊ ಆಯ್ತಾರ್ – ಕೀರ್ತನ್

ಕೀರ್ತನ್ 34 ಅಂತರ್ ಗೀತ್ ಶ್ಲೋಕ್ : ಜಾಕಾ ಆನಿ ಪಳೆಯಾ, ಸೊಮಿ ಕಿತ್ಲೊ ಸ್ವಾದಿಕ್-ಗೋಡ್! 1. ಸರ್ವೆಸ್ಪರಾಕ್ ಹಾಂವ್ ಸದಾಂಚ್ ಧಿನ್ವಾಸ್ತಲೊಂ, ತಾಚಿ ವಾಖಾಣ್-ಸ್ತುತಿ ಖಳನಾಸ್ತಾಂ ಮ್ಹಜ್ಯಾ ಓಂಠಾಚೆರ್ ಆಸ್ತಲಿ. ಸರ್ವೆಸ್ಪರಾ ವರ್ವಿಂ ಮ್ಹಜ್ಯಾ ಅತ್ಮಾöಕ್ ವ್ಹಡ್ವಿಕ್ ಮೆಳ್ತಾ, ಹೆಂ ಆಯ್ಕುನ್ ದುಬ್ಳಾö-ದಾಕ್ಟಾöಕ್ ಸಂತೊಸ್ ಜಾಂವ್. 2. ಮ್ಹಜ್ಯೆ ಸವೆಂ ಮೆಳುನ್ ಸರ್ವೆಸ್ಪರಾಚಿ ಕೀರ್ತ್ ಗಾಜಯ್, ಎಕಾ ತಾಳ್ಯಾನ್ ಆಮಿ ಸಕ್ಕಡ್ ತಾಚೆಂ ನಾಂವ್ ಹರ್ಸಿಯಾಂ. ಸರ್ವೆಸ್ಪರಾಕ್ ಹಾಂವ್ ಮೆಳುಂಕ್ ಗೆಲೊಂ, ತೊ ಮ್ಹಾಕಾ ಆಯ್ಕಲೊ ಆನಿ ಆಯ್ಕುನ್ ಸರ್ವ್ ಮ್ಹಜ್ಯಾ ಕಷ್ಟಾಂ-ಅನ್ವಾರಾತ್ಲೊ ಮ್ಹಾಕಾ ತಾಣೆಂ ನಿವರ‍್ಲೊ. 3. ತಾಚೆರ್ ದೊಳೆ ಲಾವ್ನ್ ರಾವ್ತಲೆ ಸಂತೊಸ್‌ಭರಿತ್ ಜಾತಾತ್, ತಾಂಚಿ ಮುಖಮಳಾಂ ಲಜೆನ್ ಕೆದಿಂಚ್ ಬಾವನಾಂತ್. ಕಷ್ಟತಲ್ಯಾನ್ ವ್ಹಡ್ಲಾöನ್ ಉಲೊ ಮರ‍್ಲೊ ಆನಿ ಸರ್ವೆಸ್ಪರಾನ್ ತಾಕಾ ಜಾಪ್ ದಿಲಿ, ಆನಿ ಸಗ್ಳಾö ಅನ್ವಾರಾಂ-ಆಕಾತಾತ್ಲೊ ತಾಕಾ ನಿವರ‍್ಲೊ. 4. ತಾಚ್ಯಾ ಸೆವಕಾಂ ಭೊಂವ್ತಿ ವೆಡೊ ಘಾಲ್ನ್, ಸರ್ವೆಸ್ಪರಾಚೊ ದೂತ್ ತಾಂಕಾ ರಾಖ್ತಾ ಸಾಂಬಾಳ್ತಾ. ಚಾಕುನ್ ಪಳೆಯಾ; ಸರ್ವೆಸ್ಪರ್ ಕಿತ್ಲೊ ಸ್ವಾದಿಕ್-ಗೋಡ್! ತಾಚ್ಯಾ ಗೊಪಾಂತ್ ಆಸ್ರೊ ಸೊಧ್ತಾ ತೊ ಮನಿಸ್ ಖರೊಚ್ ಭಾಗಿ!

ಅಗೋಸ್ತ್ 11 – ಸಾಧ್ಯಾ ಕಾಳಾಚೊ ಎಕುಣಿಸಾವೊ ಆಯ್ತಾರ್ – ದುಸ್ರೆಂ ವಾಚಪ್

ಎಫೆಜ್ 4:30-5:2 ದೆವಾಚ್ಯಾ ಪವಿತ್ರ್ ಅತ್ಮಾöಚೆಂ ಮನ್ ತುಮಿ ದುಖಯ್ನಾಕಾತ್. ಕಿತ್ಯಾಕ್ ಆಮ್ಕಾಂ ಸುಟ್ಕಾ ದಿಂವ್ಕ್ ಆಸಾ ತ್ಯಾ ದಿಸಾ ತುಮಿ ಆಪ್ಣಾಚಿಂ ಮ್ಹಣ್ ಕಳಿತ್ ಜಾವ್ಚೇ ಖಾತಿರ್ ತ್ಯಾಚ್ ಅತ್ಮಾö ವರ್ವಿಂ ದೆವಾನ್ ತುಮ್ಚೇ ವಯ್ರ್ ಮ್ಹೊರ್ ಮರ‍್ಲಾö. ದುಸ್ಮಾನ್ಕಾಯ್, ರಾಗ್ ಆನಿ ಕ್ರೋಧ್ ತುಮಿ ಸಾಂಡಾ. ಹಂಕಾರಿ ಉಲೊವ್ಣೆಂ, ನಿಷ್ಕುಚಾರ್ ಆನಿ ಎಕಾಮೆಕಾಚಿ ನಿಂದಾ - ಹೆಂ ಸಗ್ಳೆಂ ತುಮಿ ಪಯ್ಸ್ ಕರಾ. ಬದ್ಲಾಕ್ ಎಕಾಮೆಕಾ ಥಯ್ ದಯಾಳಾಯೆನ್ ಆನಿ ಕಣ್ವಾಳಾಯೆನ್ ಚಲಾ. ಕ್ರಿಸ್ತಾ ಥಂಯ್ ದೆವಾನ್ ತುಮ್ಕಾಂ ಭೊಗ್ಸಿಲ್ಯಾಂತ್ ತೇಚ್‌ಪರಿಂ ತುಮಿಯೀ ಉದಾರ್ ಮನಾಚಿಂ ಜಾವ್ನ್ ಎಕಾಮೆಕಾ ಭೊಗ್ಸಿಯಾ. ತುಮಿ ದೆವಾಕ್ ಚಡ್ ಮೊಗಾಚಿಂ ಭುರ್ಗಿಂ ದೆಕುನ್ ತಾಚೇ ಸಾರ್ಕಿಂ ಜಾಂವ್ಕ್ ಪ್ರಯತನ್ ಕರಾ. ಕ್ರಿಸ್ತಾನ್ ಆಮ್ಚೊ ಮೋಗ್ ಕೆಲೊ ಆನಿ ಆಪ್ಣಾಕ್‌ಚ್ ಆಮ್ಚೇ ಪಾಸತ್ ದೆವಾಕ್ ಮಾನ್ವಲ್ಲೆಂ ಸುವಾಸಿಕ್ ಬಲಿದಾನ್‌ಕಸೊ ಸಮರ್ಪುನ್ ದಿಲೊ. ತಶೆಂಚ್ ತುಮಿಯೀ ಮೊಗಾನ್ ಜಿಯೆಯಾ.

ಅಗೋಸ್ತ್ 11 – ಸಾಧ್ಯಾ ಕಾಳಾಚೊ ಎಕುಣಿಸಾವೊ ಆಯ್ತಾರ್ - ಸುವಾರ್ತಾ

ಜುವಾಂವ್ 6:41-51 ಅಪುಣ್ ಸರ್ಗಿಂ ಥಾವ್ನ್ ದೆಂವ್ಲಲೊ ಉಂಡೊ ಮ್ಹಣ್ ತಾಣೆಂ ಸಾಂಗ್ಲೆ ದೆಕುನ್, ಜುದೆವ್ ಜೆಜುಕ್ ಪುರ್ಪುರೊಂಕ್ ಲಾಗ್ಲೆ. ತೆ ಮ್ಹಣಾಲೆ: “ಹೊ ಜುಜೆಚೊ ಪೂತ್ ಜೆಜು ನ್ಹಯ್‌ವೆ? ಹಾಚ್ಯಾ ಆವಯ್ಕ್ ಆನಿ ಬಾಪಾಯ್ಕ್ ಆಮಿ ಒಳ್ಕನಾಂವ್‌ಗಾಯ್ ಕಿತೆಂ? ತರ್ ಆಪುಣ್ ಸರ್ಗಿಂ ಥಾವ್ನ್ ದೆಂವುನ್ ಆಯ್ಲಾಂ ಮ್ಹಣುನ್ ಹೊ ಮ್ಹಣ್ತಾ ಜಾಲ್ಯಾರ್‌ಯೀ ಕಶೆಂ?” ಜೆಜುನ್ ತಾಂಕಾ ಜಾಪ್ ದಿಲಿ: “ತುಮಿ ಎಕಾಮೆಕಾ ಗುಣ್ಗುಣ್ನಾಕಾತ್. ಮ್ಹಾಕಾ ಧಾಡ್ಲಲ್ಯಾ ಬಾಪಾನ್ ತಾಕಾ ಸರ್ಶಿಂ ವೊಡ್ಲೇ ಖರಿತ್ ಕೊಣ್‌ಚ್ ಮ್ಹಜೇ ಸರ್ಶಿಂ ಯೆಂವ್ಕ್ ಸಕನಾ; ಹಾಂವ್ ತಾಕಾ ನಿಮಾಣ್ಯಾ ದಿಸಾ ಜಿವಂತ್ ಉಠಯ್ತಲೊಂ. ‘ತಿಂ ಸಮೆಸ್ತ್ ದೆವಾಲಾಗ್ಚೆಂ ಖುದ್ಧ್ ಶಿಕ್ತಲಿಂ’ ಮ್ಹಣುನ್ ಪ್ರವಾದ್ಯಾನ್‌ಚ್ ಬರೊವ್ನ್ ಘಾಲಾಂ. ಬಾಪಾಕ್ ಕಾನ್ ದೀವ್ನ್, ತಾಚೇ ಥಾವ್ನ್ ಶಿಕ್ತಾ ತೊ ಹರ‍್ಯೆಕ್ಲೊ ಮ್ಹಜೇ ಸರ್ಶಿಂ ಯೆತಲೊ. ತಶೆಂ ಮ್ಹಳ್ಯಾರ್ ಬಾಪಾಕ್ ಕೊಣೇಂಯೀ ದೆಖ್ಲಾ ಮ್ಹಣ್ ನ್ಹಯ್; ಜೊ ಕೊಣ್ ದೆವಾ ಥಾವ್ನ್ ಆಯ್ಲಾ ತಾಣೆಂ ಎಕ್ಲಾöನ್ ಮತ್ರ್ ಬಾಪಾಕ್ ದೆಖ್ಲಾ. ಸತ್‌ಚ್ ಹಾಂವ್ ತುಮ್ಕಾಂ ಸಾಂಗ್ತಾ: ಜೊ ಕೊಣ್ ಸತ್ಮಾನ್ತಾ ತಾಕಾ ಸಾಸ್ಣಿಕ್ ಜಿವಿತ್ ಮೆಳ್ತಾ. ಹಾಂವ್ ಜಿವಿತಾಚೊ ಉಂಡೊ. ತುಮ್ಚಾö ಪುರ್ವಜಾಂನಿ ಅರಣ್ಯಾಂತ್ ‘ಮಾನ್ನಾ’ ಖೆಲೆಂ, ತರ್‌ಯೀ ತೆ ಮೊರ್ನ್ ಪಾವ್ಲೆ. ಪುಣ್ ಸರ್ಗಿಂ ಥಾವ್ನ್ ದೆಂವುನ್ ಆಯ್ಲಲೊ ಉಂಡೊ ತಸಲೊ ನ್ಹಯ್; ಕೊಣ್‌ಯೀ ತೊ ಖಾಯ್ತ್ ಜಾಲ್ಯಾರ್ ಮೊರ‍್ಚೊನಾ. ಹಾಂವ್‌ಚ್ ತೊ ಸರ್ಗಿಂ ಥಾವ್ನ್ ದೆಂವುನ್ ಆಯ್ಲಲೊ ಜಿವೊ ಉಂಡೊ. ಹೊ ಉಂಡೊ ಖಾತಾ ತೊ ಸಾಸ್ಣಾಕ್ ಜಿಯೆತಲೊ. ಸಂಸಾರಾಕ್ ಜಿವಿತ್ ಮೆಳ್ಚಾಕ್ ಹಾಂವ್ ದಿತಾಂ ತೊ ಉಂಡೊ ಮ್ಹಜೆಂಚ್ ಮಾಸ್.”