ಫೆಬ್ರೆರ್ 8 - ಸಾಧ್ಯಾ ಕಾಳಾಚೊ ಪಾಂಚ್ವೊ ಆಯ್ತಾರ್ - ಪಯ್ಲೆಂ ವಾಚಪ್

ಇಸಾ. 58:7-10
ಭುಕೆಲ್ಲ್ಯಾಂಕ್ ತುಮ್ಚೊ ಉಂಡೊ ವಾಂಟುನ್ ದಿಯಾ,
ಘರ್ದಾರ್ ನಾತ್ಲಲ್ಯಾಂಕ್ ಬಿಡಾರ್ ದಿಯಾ, ವಿಣ್ಗ್ಯಾಂಕ್ ಪಾಂಗ್ರುಂಕ್ ದಿಯಾ
ಆನಿ ತುಮ್ಚ್ಯಾ ಸಂಬಂಧ್ಯಾಂಕ್ ಸಾಂಡಿನಾಕಾತ್. ತೆದ್ನಾ ಫಾಂತ್ಯಾ ಪರಿಂ ತುಮ್ಚೊ ಉಜ್ವಾಡ್ ಪರ್ಜಳ್ತಲೊ
ಆನಿ ತುಮ್ಚೆ ಘಾಯ್ ವೆಗಿಂಚ್ ಬರೆ ಜಾತಲೆ.
ತುಮ್ಚೆಂ ನಿತಿವಂತ್ಪಣ್ ತುಮ್ಚೆ ಫುಡ್ಲ್ಯಾನ್ ವೆತಲೆಂ
ಆನಿ ಸರ್ವೆಸ್ಪರಾಚಿ ಮಹಿಮಾ ತುಮ್ಚೆ ಪಾಟ್ಲ್ಯಾನ್ ಯೆತಲಿ.
ತೆದ್ನಾ ತುಮಿ ಉಲೊ ಮಾರ್ತಲ್ಯಾತ್,
ಆನಿ ಸರ್ವೆಸ್ಪರ್ ತುಮ್ಕಾಂ ಜಾಪ್ ದಿತಲೊ; ತುಮಿ ತಾಕಾ ಆಪಯ್ತಲ್ಯಾತ್,
ಆನಿ ತೊ ಮ್ಹಣ್ತಲೊ: “ಹಾಂವ್ ಹಾಂಗಾ ಆಸಾಂ!”
ತುಮಿ ಜುಂ ಮೊಡುನ್ ಉಡಯ್ಶಾತ್ ಜಾಲ್ಯಾರ್,
ಕೊಣಾಯ್ ವಿರೋಧ್ ಬೋಟ್ ದಾಕಯ್ನಾಸ್ತಾಂ
ಆನಿ ಕೊಣಾಯ್ಚಿ ನಿಂದಾ ಕರಿನಾಸ್ತಾಂ ರಾವ್ಶಾತ್ ಜಾಲ್ಯಾರ್,
ಭುಕೆಲ್ಲ್ಯಾಂಕ್ ತುಮ್ಚೊ ಉಂಡೊ ದಿಶಾತ್
ಆನಿ ದುಖೆಸ್ತಾಂಕ್ ಬುಜಯ್ಶಾತ್ ಜಾಲ್ಯಾರ್, ಕಾಳೊಕಾಂತ್ ತುಮ್ಚೊ ಉಜ್ವಾಡ್ ಉದೆತಲೊ
ಆನಿ ತುಮ್ಚೊ ಅಂಧ್ಕಾರ್ ದೊನ್ಪಾರಾಂಚ್ಯಾ ಪ್ರಕಾಸಾ ಸಾರ್ಕೊ ಜಾತಲೊ.